SBI, HDFC, ICICI ಬ್ಯಾಂಕ್ ಉಳಿತಾಯ ಖಾತೆಗಳ ಕನಿಷ್ಠ ಬ್ಯಾಲೆನ್ಸ್ ಎಷ್ಟು ಗೊತ್ತಾ?

0
612

ಪ್ರಮುಖ ಬ್ಯಾಂಕ್‌ಗಳಾದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‍ಬಿಐ), ಎಚ್‍ಡಿಎಫ್‌ಸಿ ಬ್ಯಾಂಕ್ ಮತ್ತು ಐಸಿಐಸಿಐ ಬ್ಯಾಂಕ್‌ಗಳು ವಾಸಸ್ಥಾನದ ಆಧಾರವಾಗಿ ಇಂತಿಷ್ಟು ಕನಿಷ್ಠ ಸರಾಸರಿ ಮೊತ್ತವನ್ನು ನಿಗದಿಪಡಿಸಿವೆ.

ಹೊಸದಿಲ್ಲಿ: ಸಾಮಾನ್ಯ ಉಳಿತಾಯ ಖಾತೆ ಹೊಂದಿರುವ ಗ್ರಾಹಕರು ಪ್ರತಿ ತಿಂಗಳು ಕನಿಷ್ಠ ಸರಾಸರಿ ಮೊತ್ತವನ್ನು (ಎಂಎಬಿ) ನಿರ್ವಹಿಸಬೇಕಾಗುತ್ತದೆ. ಪ್ರಮುಖ ಬ್ಯಾಂಕ್‌ಗಳಾದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‍ಬಿಐ), ಎಚ್‍ಡಿಎಫ್‌ಸಿ ಬ್ಯಾಂಕ್ ಮತ್ತು ಐಸಿಐಸಿಐ ಬ್ಯಾಂಕ್‌ಗಳು ವಾಸಸ್ಥಾನದ ಆಧಾರವಾಗಿ ಇಂತಿಷ್ಟು ಕನಿಷ್ಠ ಸರಾಸರಿ ಮೊತ್ತವನ್ನು ನಿಗದಿಪಡಿಸಿವೆ. ಅಂದರೆ ಅರ್ಬನ್, ಮೆಟ್ರೋ, ಸೆಮಿ-ಅರ್ಬನ್ ಮತ್ತು ಗ್ರಾಮೀಣ ಶಾಖೆಗಳ ಗ್ರಾಹಕರಿಗೆ ಬೇರೆ ಬೇರೆ ಎಂಎಬಿಯನ್ನು ನಿಗದಿಪಡಿಸಿವೆ.

ಒಂದು ವೇಳೆ ಗ್ರಾಹಕರು ಪ್ರತಿ ತಿಂಗಳ ಕನಿಷ್ಠ ಸರಾಸರಿ ಮೊತ್ತವನ್ನು ಉಳಿತಾಯ ಖಾತೆಗಳಲ್ಲಿ ನಿರ್ವಹಿಸಲಿಲ್ಲ ಎಂದರೆ ಇಂತಿಷ್ಟು ಎಂದು ಬ್ಯಾಂಕ್‌ಗಳು ದಂಡ ವಿಧಿಸುತ್ತವೆ. ಅದು ಬ್ಯಾಂಕ್‌ ಶಾಖೆಗಳ ಸ್ಥಳದ ಆಧಾರವಾಗಿ ಬದಲಾಗುತ್ತಿರುತ್ತದೆ. ವಿವಿಧ ಬ್ಯಾಂಕ್‌ಗಳ ತಿಂಗಳ ಕನಿಷ್ಠ ಸರಾಸರಿ ಮೊತ್ತದ (ಎಂಎಬಿ) ಪಟ್ಟಿ ಇಲ್ಲಿ ನೀಡಲಾಗಿದೆ.

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‍ಬಿಐ) ಮೆಟ್ರೋ ಮತ್ತು ಅರ್ಬನ್ ಶಾಖೆಗಳಲ್ಲಿ ಸಾಮಾನ್ಯ ಉಳಿತಾಯ ಖಾತೆ ಹೊಂದಿರುವ ಗ್ರಾಹಕರು ನಿರ್ವಹಿಸಬೇಕಾದ ತಿಂಗಳ ಕನಿಷ್ಠ ಸರಾಸರಿ ಮೊತ್ತ 3,000 ರೂ. ಹಾಗೆಯೇ ಸೆಮಿ-ಅರ್ಬನ್ ಮತ್ತು ರೂರಲ್ ಪ್ರದೇಶದ ಶಾಖೆಗಳಲ್ಲಿ ಕ್ರಮವಾಗಿ ಪ್ರತಿ ತಿಂಗಳು 2,000 ರೂ. ಹಾಗೂ 1,000 ರೂ. ಕನಿಷ್ಠ ಸರಾಸರಿ ಮೊತ್ತ ನಿರ್ವಹಿಸಬೇಕಾಗುತ್ತದೆ.

ಎಚ್‍ಡಿಎಫ್‌ಸಿ 
ಮೆಟ್ರೋ ಮತ್ತು ಅರ್ಬನ್ ಶಾಖೆಗಳಲ್ಲಿ ಸಾಮಾನ್ಯ ಉಳಿತಾಯ ಖಾತೆ ಹೊಂದಿರುವ ಗ್ರಾಹಕರು ನಿರ್ವಹಿಸಬೇಕಾದ ತಿಂಗಳ ಕನಿಷ್ಠ ಸರಾಸರಿ ಮೊತ್ತ 10,000 ರೂ. ಅದೇ ರೀತಿ ಸೆಮಿ-ಅರ್ಬನ್ ಶಾಖೆಗಳಲ್ಲಿ ಸಾಮಾನ್ಯ ಉಳಿತಾಯ ಖಾತೆ ಹೊಂದಿರುವ ಗ್ರಾಹಕರು ಪ್ರತಿ ತಿಂಗಳು ನಿರ್ವಹಿಸಬೇಕಾದ ಕನಿಷ್ಠ ಸರಾಸರಿ ಮೊತ್ತ 5,000 ರೂ. ಗ್ರಾಮೀಣ ಶಾಖೆಗಳಲ್ಲಾದರೆ ನಿರ್ವಹಿಸಬೇಕಾದ ಸರಾಸರಿ ತ್ರೈಮಾಸಿಕ ಮೊತ್ತ (ಎಕ್ಯುಬಿ) 2,500 ರೂ. ಅಥವಾ ಕನಿಷ್ಠ ಒಂದು ವರ್ಷ ಒಂದು ದಿನ ಮೆಚ್ಯುರಿಟಿ ಅವಧಿಯ 10,000 ರೂ. ಸ್ಥಿರ ಠೇವಣಿ ಇರಬೇಕು. 

ಐಸಿಐಸಿಐ ಬ್ಯಾಂಕ್ 
ಮೆಟ್ರೋ ಮತ್ತು ಅರ್ಬನ್ ಶಾಖೆಗಳಲ್ಲಿ ಸಾಮಾನ್ಯ ಉಳಿತಾಯ ಖಾತೆ ಹೊಂದಿರುವ ಗ್ರಾಹಕರು ನಿರ್ವಹಿಸಬೇಕಾದ ತಿಂಗಳ ಕನಿಷ್ಠ ಸರಾಸರಿ ಮೊತ್ತ 10,000 ರೂ. ಹಾಗೆಯೇ ಸೆಮಿ-ಅರ್ಬನ್, ರೂರಲ್ ಮತ್ತು ಗ್ರಾಮೀಣ ಶಾಖೆಗಳಲ್ಲಿ ಕ್ರಮವಾಗಿ 5,000 ರೂ., 2,000 ರೂ., 1,000 ರೂ. ಇದರ ಜತೆಗೆ ಕೆಲವು ಬ್ಯಾಂಕ್‌ಗಳು ತಿಂಗಳ ಕನಿಷ್ಠ ಸರಾಸರಿ ಮೊತ್ತವಿಲ್ಲದ ಉಳಿತಾಯ ಖಾತೆಗಳನ್ನೂ ಗ್ರಾಹಕರಿಗೆ ನೀಡುತ್ತಿವೆ.