GPF Interest Rate: ಜನರಲ್ ಪ್ರಾವಿಡೆಂಟ್ ಫಂಡ್‌ ಬಡ್ಡಿದರ ಹೆಚ್ಚಳ

0
218

ಜನರಲ್ ಪ್ರಾವಿಡೆಂಟ್ ಫಂಡ್‌ (ಜಿಪಿಎಫ್‌) ಮತ್ತು ಸಂಬಂಧಿತ ಇತರ ಯೋಜನೆಗಳ ಮೇಲಿನ ಬಡ್ಡಿದರವನ್ನು ಕೇಂದ್ರ ಸರಕಾರ ಅಕ್ಟೋಬರ್-ಡಿಸೆಂಬರ್ ಕ್ವಾರ್ಟರ್‌ ಅವಧಿಗೆ ಅನ್ವಯವಾಗುವಂತೆ ಶೇ. 0.4 ಅಂಶದಿಂದ 8 ರವರೆಗೆ ಏರಿಕೆ ಮಾಡಿದೆ.

ಹೊಸದಿಲ್ಲಿ: ಜನರಲ್ ಪ್ರಾವಿಡೆಂಟ್ ಫಂಡ್‌ (ಜಿಪಿಎಫ್‌) ಮತ್ತು ಸಂಬಂಧಿತ ಇತರ ಯೋಜನೆಗಳ ಮೇಲಿನ ಬಡ್ಡಿದರವನ್ನು ಕೇಂದ್ರ ಸರಕಾರ ಅಕ್ಟೋಬರ್-ಡಿಸೆಂಬರ್ ಕ್ವಾರ್ಟರ್‌ ಅವಧಿಗೆ ಅನ್ವಯವಾಗುವಂತೆ ಶೇ. 0.4 ಅಂಶದಿಂದ 8 ರವರೆಗೆ ಏರಿಕೆ ಮಾಡಿದೆ. 

ಜಿಪಿಎಫ್‌ ಮೇಲಿನ ಬಡ್ಡಿದರ ಜುಲೈ-ಸೆಪ್ಟೆಂಬರ್‌ ಅವಧಿಯಲ್ಲಿ ಶೇ. 7.6 ಇತ್ತು. 

2018-19ನೇ ಅವಧಿಯಲ್ಲಿ ಜಿಪಿಎಫ್‌ ಮತ್ತು ಸಂಬಂಧಿತ ಇತರ ಫಂಡ್‌ಗಳ ಮೇಲೆ ಶೇ. 8 ಬಡ್ಡಿದರ ಅನ್ವಯವಾಗಲಿದೆ. ಇದು ಅಕ್ಟೋಬರ್. 1, 2018ರಿಂದ ಡಿಸೆಂಬರ್. 31, 2018ರ ಅವಧಿಯಿಂದ ಜಾರಿಗೆ ಬರಲಿದೆ ಎಂದು ವಾಣಿಜ್ಯ ವ್ಯವಹಾರಗಳ ಇಲಾಖೆ ಹೇಳಿದೆ. 

ಕೇಂದ್ರ ಸರಕಾರದ ಉದ್ಯೋಗಿಗಳು, ರೈಲ್ವೆ ಮತ್ತು ಭದ್ರತಾ ಪಡೆಗಳವರಿಗೆ ಪ್ರಾವಿಡೆಂಟ್ ಫಂಡ್ ಮೇಲೆ ಬಡ್ಡಿದರ ಅನ್ವಯವಾಗಲಿದೆ. 

ಕಳೆದ ತಿಂಗಳು ಸರಕಾರ ಸಣ್ಣ ಉಳಿತಾಯ, ಎನ್‌ಎಸ್‌ಸಿ, ಪಿಪಿಎಫ್‌ ಮೇಲಿನ ಬಡ್ಡಿದರವನ್ನು ಅಕ್ಟೋಬರ್-ಡಿಸೆಂಬರ್ ಅವಧಿಗೆ ಶೇ. 0.4 ಅಂಶ ಏರಿಕೆ ಮಾಡುವುದಾಗಿ ಘೋಷಿಸಿತ್ತು.