2018 ರ ಮಲೇಷ್ಯಾ ಓಪನ್; ಸೈನಾ ಔಟ್

0
18

ಭಾರತದ ಅಗ್ರಮಾನ್ಯ ಆಟಗಾರ್ತಿ ಸೈನಾ ನೆಹ್ವಾಲ್ ಪ್ರತಿಷ್ಠಿತ ಮಲೇಷ್ಯಾ ಓಪನ್ ವರ್ಲ್ಡ್ ಟೂರ್ ಸೂಪರ್ 750 ಟೂರ್ನಮೆಂಟ್‌ನ ಮೊದಲ ಸುತ್ತಿನಿಂದಲೇ ನಿರ್ಗಮಿಸಿದ್ದಾರೆ.

ಕೌಲಾಂಲಪುರ: ಭಾರತದ ಅಗ್ರಮಾನ್ಯ ಆಟಗಾರ್ತಿ ಸೈನಾ ನೆಹ್ವಾಲ್ ಪ್ರತಿಷ್ಠಿತ ಮಲೇಷ್ಯಾ ಓಪನ್ ವರ್ಲ್ಡ್ ಟೂರ್ ಸೂಪರ್ 750 ಟೂರ್ನಮೆಂಟ್‌ನ ಮೊದಲ ಸುತ್ತಿನಿಂದಲೇ ನಿರ್ಗಮಿಸಿದ್ದಾರೆ. 

ಜೂನ್ 28 ರ ಗುರುವಾರ ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ನಡೆದ ಮೊದಲ ಸುತ್ತಿನ ಹೋರಾಟದಲ್ಲೇ ವಿಶ್ವ ನಂ.2 ಆಟಗಾರ್ತಿ ಅಕೇನ್ ಯಮಗುಚಿ ವಿರುದ್ಧ ಸೈನಾ 15-21, 13-21ರ ಅಂತರದ ಸೋಲು ಅನುಭವಿಸಿದರು. 

7 ಲಕ್ಷ ಅಮೆರಿಕನ್ ಡಾಲರ್ ಪ್ರಶಸ್ತಿ ಮೊತ್ತ ಹೊಂದಿರುವ ಟೂರ್ನಿಯಲ್ಲಿ ಸೈನಾಗೆ ತಮ್ಮ ಅನುಭವ ಸಂಪತ್ತಿನ ಪ್ರಯೋಜನ ಪಡೆಯಲು ಸಾಧ್ಯವಾಗಲಿಲ್ಲ. ಇದರೊಂದಿಗೆ 36 ನಿಮಿಷದಲ್ಲೇ ಸುಲಭ ಸೋಲಿಗೆ ತುತ್ತಾದರು. 

ಇದು ಏಳನೇ ಮುಖಾಮುಖಿಯಲ್ಲಿ ಯಮಗುಚಿ ವಿರುದ್ಧ ಸೈನಾಗೆ ಎದುರಾಗುತ್ತಿರುವ ಸತತ ಆರನೇ ಸೋಲಾಗಿದೆ. 2014 ಚೀನಾ ಓಪನ್‌ನಲ್ಲಿ ಮಾತ್ರ ಯಮಗುಚಿ ವಿರುದ್ಧ ಸೈನಾ ಗೆಲುವು ದಾಖಲಿಸಿದ್ದರು.