2018 ರ ಏಷ್ಯನ್ ಕ್ರೀಡಾಕೂಟ; 800 ಮೀ. ಓಟದಲ್ಲಿ ಮನ್‌ಜೀತ್‌ಗೆ ಚಿನ್ನ, ಜಾನ್ಸನ್‌ಗೆ ಬೆಳ್ಳಿ

0
776

ಇಂಡೋನೇಷ್ಯಾದಲ್ಲಿ ಸಾಗುತ್ತಿರುವ ಏಷ್ಯನ್ ಗೇಮ್ಸ್ 2018 ಕ್ರೀಡಾಕೂಟದಲ್ಲಿ ಭಾರತೀಯ ಸ್ಪರ್ಧಾಳುಗಳು ಪ್ರಭಾವಿ ಪ್ರದರ್ಶನವನ್ನು ಮುಂದುವರಿಸಿದ್ದಾರೆ. ಪುರುಷರ 800 ಮೀಟರ್ ಓಟದ ಸ್ಪರ್ಧೆಯಲ್ಲಿ ಭಾರತದ ಮನ್‌ಜೀತ್ ಸಿಂಗ್ ಚಿನ್ನ ಪದಕ ಗೆದ್ದಿದ್ದಾರೆ. ಇದೇ ವಿಭಾಗದಲ್ಲಿ ಸ್ಪರ್ಧಿಸಿದ ಜಿನ್ಸನ್ ಜಾನ್ಸನ್ ಬೆಳ್ಳಿ ಪದಕ ಗೆಲ್ಲುವ ಮೂಲಕ ಅಥ್ಲೀಟ್ ವಿಭಾಗದಲ್ಲಿ ಭಾರತಕ್ಕೆ ಮತ್ತೆರಡು ಪದಕಗಳ ಸೇರ್ಪಡೆಯಾಗಿದೆ.

ಜಕಾರ್ತ: ಇಂಡೋನೇಷ್ಯಾದಲ್ಲಿ ಸಾಗುತ್ತಿರುವ ಏಷ್ಯನ್ ಗೇಮ್ಸ್ 2018 ಕ್ರೀಡಾಕೂಟದಲ್ಲಿ ಭಾರತೀಯ ಸ್ಪರ್ಧಾಳುಗಳು ಪ್ರಭಾವಿ ಪ್ರದರ್ಶನವನ್ನು ಮುಂದುವರಿಸಿದ್ದಾರೆ.

ಪುರುಷರ 800 ಮೀಟರ್ ಓಟದ ಸ್ಪರ್ಧೆಯಲ್ಲಿ ಭಾರತದ ಮನ್‌ಜೀತ್ ಸಿಂಗ್ ಚಿನ್ನ ಪದಕ ಗೆದ್ದಿದ್ದಾರೆ.

ಇದೇ ವಿಭಾಗದಲ್ಲಿ ಸ್ಪರ್ಧಿಸಿದ ಜಿನ್ಸನ್ ಜಾನ್ಸನ್ ಬೆಳ್ಳಿ ಪದಕ ಗೆಲ್ಲುವ ಮೂಲಕ ಅಥ್ಲೀಟ್ ವಿಭಾಗದಲ್ಲಿ ಭಾರತಕ್ಕೆ ಮತ್ತೆರಡು ಪದಕಗಳ ಸೇರ್ಪಡೆಯಾಗಿದೆ. 
ಮನ್‌ಜೀತ್ ಸಿಂಗ್ 1:46.15 ನಿಮಿಷಗಳಲ್ಲಿ ಗುರಿ ತಲುಪಿದರೆ ಜಾನ್ಸನ್ ಕೂದಲೆಳೆಯ ಅಂತರದಲ್ಲಿ (1:46.35) ತಮ್ಮ ಸಹ ಸ್ಪರ್ಧಿಗೆ ಚಿನ್ನ ಬಿಟ್ಟು ಕೊಟ್ಟರು. ಈ ವಿಭಾಗದಲ್ಲಿ ಅಬ್ದುಲ್ಲಾ ಅಬುಬೇಕರ್ ಕಂಚಿನ ಪದಕ ಗೆದ್ದರು. 

ಇದರೊಂದಿಗೆ ಭಾರತದ ಒಟ್ಟು ಪದಕಗಳ ಸಂಖ್ಯೆ 49ಕ್ಕೆ ಏರಿಕೆಯಾಗಿದ್ದು, ಪದಕ ಪಟ್ಟಿಯಲ್ಲಿ 8ನೇ ಸ್ಥಾನದಲ್ಲಿದೆ. ಇದರಲ್ಲಿ ಒಂಬತ್ತು ಚಿನ್ನ, 18 ಬೆಳ್ಳಿ ಮತ್ತು 22 ಕಂಚಿನ ಪದಕಗಳು ಸೇರಿವೆ. 

ಈ ಮೊದಲು ಮಹಿಳಾ 800 ಮೀಟರ್ ಓಟದ ಸ್ಪರ್ಧೆಯಲ್ಲಿ ಹಿಮಾ ದಾಸ್ ಫಾಲ್ ಮಾಡಿರುವುದರಿಂದ ಅನರ್ಹಗೊಂಡು ನಿರಾಸೆ ಅನುಭವಿಸಿದರು. ಇದರೊಂದಿಗೆ ಭಾರತದ ಪದಕದ ಆಸೆಗೆ ಬಲವಾದ ಹೊಡೆತ ಬಿತ್ತು.

ರಿಲೇ ಬೆಳ್ಳಿ… 
ಏತನ್ಮಧ್ಯೆ ಮಿಶ್ರ 4×400 ಮೀಟರ್ ರಿಲೇಯಲ್ಲಿ ಭಾರತೀಯ ಸ್ಪರ್ಧಿಗಳು ಬೆಳ್ಳಿ ಪದಕ ಗೆದ್ದ ಸಾಧನೆ ಮಾಡಿದ್ದಾರೆ. ಭಾರತದ ಪರ ಸ್ಪರ್ಧಿಸಿದ ಮೊಹಮ್ಮದ್ ಅನಾಸ್, ಎಂಆರ್ ಪೂವಮ್ಮ, ಹಿಮಾ ದಾಸ್ ಹಾಗೂ ಅರೊಕಿಯಾ ರಾಜೀವ್ 3:15.71 ನಿಮಿಷಗಳಲ್ಲಿ ಗುರಿ ತಲುಪಿದರು.