1 ಟ್ರಿಲಿಯನ್‌ ಡಾಲರ್ ಮೌಲ್ಯದ ಜಗತ್ತಿನ ಮೊಟ್ಟ ಮೊದಲ ಕಂಪನಿ ಆ್ಯಪಲ್

0
13

ಐಫೋನ್‌ ತಯಾರಿಕೆಯ ಮೂಲಕ ಜಗತ್ತಿನಾದ್ಯಂತ ಮನೆಮಾತಾಗಿರುವ ಅಮೆರಿಕದ ಕಂಪನಿ ಆ್ಯಪಲ್‌ 1 ಲಕ್ಷ ಕೋಟಿ ಡಾಲರ್‌ (ಅಂದಾಜು 68 ಲಕ್ಷ ಕೋಟಿ ರೂ.) ಷೇರು ಮಾರುಕಟ್ಟೆ ಮೌಲ್ಯ ಹೊಂದಿರುವ ಜಗತ್ತಿನ ಮೊದಲ ಕಂಪನಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಸ್ಯಾನ್‌ ಫ್ರಾನ್ಸಿಸ್ಕೋ: ಐಫೋನ್‌ ತಯಾರಿಕೆಯ ಮೂಲಕ ಜಗತ್ತಿನಾದ್ಯಂತ ಮನೆಮಾತಾಗಿರುವ ಅಮೆರಿಕದ ಕಂಪನಿ ಆ್ಯಪಲ್‌ 1 ಲಕ್ಷ ಕೋಟಿ ಡಾಲರ್‌ (ಅಂದಾಜು 68 ಲಕ್ಷ ಕೋಟಿ ರೂ.) ಷೇರು ಮಾರುಕಟ್ಟೆ ಮೌಲ್ಯ ಹೊಂದಿರುವ ಜಗತ್ತಿನ ಮೊದಲ ಕಂಪನಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. 

ನ್ಯೂಯಾರ್ಕ್‌ ಷೇರುಪೇಟೆಯಲ್ಲಿ 2018 ರ ಆಗಸ್ಟ್ 2 ರ ಗುರುವಾರ ಮಧ್ಯಾಹ್ನದ ವ್ಯವಹಾರದ ಸಂದರ್ಭ ಆ್ಯಪಲ್‌ ಕಂಪನಿ ಈ ಹೆಗ್ಗಳಿಕೆ ಪಾತ್ರವಾಯಿತು. ಜೂನ್‌ಗೆ ಮುಕ್ತಾಯವಾದ ತ್ರೈಮಾಸಿಕ ವ್ಯವಹಾರದಲ್ಲಿ ನಿರೀಕ್ಷೆಗಿಂತ ಹೆಚ್ಚಿನ ಪ್ರದರ್ಶನ ತೋರಿದ ಹಿನ್ನೆಲೆಯಲ್ಲಿ ಷೇರುಪೇಟೆಯಲ್ಲಿ ಅದರ ಷೇರು ಮೌಲ್ಯ  ಶೇ. 9 ಏರಿಕೆಯಾಯಿತು. 
1980ರಲ್ಲಿ ಷೇರುಪೇಟೆಗೆ ಸೇರ್ಪಡೆಯಾದ ಬಳಿಕ ಈವರೆಗೆ ಆ್ಯಪಲ್‌ನ ಷೇರು ಮೌಲ್ಯದಲ್ಲಿ ಶೇ. 50,000 ಏರಿಕೆಯಾಗಿದೆ! 

ಗುರುವಾರದ ವಹಿವಾಟಿನಲ್ಲಿ ಆ್ಯಪಲ್‌ ಷೇರು ಶೇ. 2.8 ಏರಿಕೆಯೊಂದಿಗೆ 207.05 ಡಾಲರ್‌ಗೂ ಹೆಚ್ಚು ಮೌಲ್ಯ ಪಡೆದುಕೊಂಡಿತು. 

1976ರಲ್ಲಿ ಸ್ಟೀವ್ಸ್ ಜಾಬ್ಸ್ ಸ್ಥಾಪಿಸಿದ ಕಂಪನಿ ಆ್ಯಪಲ್‌ 1980ರಿಂದ ಸಾರ್ವಜನಿಕ ಹೂಡಿಕೆಯನ್ನು ಪಡೆದುಕೊಂಡಿದೆ. 2011ರಲ್ಲಿ ಸ್ಟೀವ್ ಜಾಬ್ಸ್ ಮರಣಾನಂತರ ಟಿಮ್ ಕುಕ್ ಕಂಪನಿಯ ಮುಖ್ಯಸ್ಥರಾಗಿದ್ದು, ಆ್ಯಪಲ್‌ ಕಂಪನಿಯ ಲಾಭ ದ್ವಿಗುಣಗೊಳ್ಳುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. 

ಆ್ಯಪಲ್‌ ಕಂಪನಿಯ ಮಾರಾಟದ ಅರ್ಧಕ್ಕೂ ಹೆಚ್ಚಿನ ಪಾಲು ಐಪೋನ್ ಒಂದರಿಂದಲೇ ಬರುತ್ತಿದ್ದು, ಉಳಿದಂತೆ ಐಪ್ಯಾಡ್‌, ಮ್ಯಾಕ್‌ಬುಕ್‌ ಮತ್ತಿತರ ಸಾಧನಗಳನ್ನು ಆ್ಯಪಲ್‌ ಮಾರಾಟ ಮಾಡುತ್ತಿದೆ.