ಹಿಂದೂಸ್ಥಾನಿ ಸಂಗೀತ ವಿದ್ವಾಂಸೆ “ಅನ್ನಪೂರ್ಣ ದೇವಿ” ವಿಧಿವಶ

0
522

ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತ ವಿದ್ವಾಂಸೆ ಅನ್ನಪೂರ್ಣ ದೇವಿ ಅವರು ಮುಂಬೈನ ಬ್ರೀಚ್ ಕ್ಯಾಂಡಿ ಆಸ್ಪತ್ರೆಯಲ್ಲಿ
ಅಕ್ಟೋಬರ್ 13 ರ ಶನಿವಾರ ಬೆಳಗ್ಗೆ ವಿಧಿವಶರಾಗಿದ್ದಾರೆ. ಅವರಿಗೆ 91 ವರ್ಷ ವಯಸ್ಸಾಗಿತ್ತು. ಕಳೆದ ಕೆಲ ವರ್ಷಗಳಿಂದ ಅವರು ವಯೋಸಹಜ ಸಮಸ್ಯೆಗಳಿಂದ ಬಳಲುತ್ತಿದ್ದರು.

ಮುಂಬೈ: ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತ ವಿದ್ವಾಂಸೆ ಅನ್ನಪೂರ್ಣ ದೇವಿ ಅವರು ಮುಂಬೈನ ಬ್ರೀಚ್ ಕ್ಯಾಂಡಿ ಆಸ್ಪತ್ರೆಯಲ್ಲಿ ಅಕ್ಟೋಬರ್ 13 ರ ಶನಿವಾರ ಬೆಳಗ್ಗೆ ವಿಧಿವಶರಾಗಿದ್ದಾರೆ. ಅವರಿಗೆ 91 ವರ್ಷ ವಯಸ್ಸಾಗಿತ್ತು. ಕಳೆದ ಕೆಲ ವರ್ಷಗಳಿಂದ ಅವರು ವಯೋಸಹಜ ಸಮಸ್ಯೆಗಳಿಂದ ಬಳಲುತ್ತಿದ್ದರು.

ಬ್ರೀಚ್ ಕ್ಯಾಂಡಿ ಆಸ್ಪತ್ರೆಯಲ್ಲಿ ಶನಿವಾರ ಮುಂಜಾನೆ 3.51ಕ್ಕೆ ನಿಧನರಾಗಿದ್ದಾಗಿ ಮುಂಬೈನ ಅನ್ನಪೂರ್ಣ ದೇವಿ ಫೌಂಡೇಷನ್‌ನ ವಕ್ತಾರರು ತಿಳಿಸಿದ್ದಾರೆ. ಪದ್ಮಭೂಷಣ ಪ್ರಶಸ್ತಿ ಪುರುಸ್ಕೃತರಾದ ಅವರನ್ನು ಪ್ರೀತಿಯಿಂದ ‘ಮಾ’ ಎಂದೇ ಕರೆಯುತ್ತಿದ್ದರು. 

ಮಧ್ಯಪ್ರದೇಶದ ಮೈಹರ್ ನಗರದ ಉಸ್ತಾದ್ ಬಾಬಾ ಅಲ್ಲಾವುದ್ದಿನ್ ಖಾನ್ ಮತ್ತು ಮದೀನಾ ಬೇಗಂರ ನಾಲ್ಕನೇ ಸಂತಾನ ಅನ್ನಪೂರ್ಣ ದೇವಿ. ವಿಶ್ವವಿಖ್ಯಾತ ಸಂಗೀತ ವಿದ್ವಾಂಸ ಉಸ್ತಾದ್ ಅಲಿ ಅಕ್ಬರ್ ಖಾನ್ ಅವರ ಸಹೋದರ ಎಂದು ವಕ್ತಾರರು ಮಾಹಿತಿ ನೀಡಿದ್ದಾರೆ. 

ಸಿತಾರ್ ವಾದಕ ಪಂಡಿ ರವಿಶಂಕರ್ ಅವರನ್ನು ಅನ್ನಪೂರ್ಣ ವರಿಸಿದ್ದರು. ಈ ದಂಪತಿಗಳಿಗೆ ಮಗನಿದ್ದಾನೆ. ರವಿಶಂಕರ್ 1992ರಲ್ಲಿ ಮೃತಪಟ್ಟ ಬಳಿಕ ರೂಷಿಕಪೂರ್ ಪಾಂಡ್ಯಾರನ್ನು ಮದುವೆಯಾಗಿದ್ದರು. ಪಾಂಡ್ಯಾ 2013ರಲ್ಲಿ ನಿಧನರಾದರು. ಅನ್ನಪೂರ್ಣ ದೇವಿ ನಿಧನದ ಬಗ್ಗೆ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಸಂತಾಪ ವ್ಯಕ್ತಪಡಿಸಿದ್ದಾರೆ.