‘ಸ್ವಚ್ಛ ಸರ್ವೇಕ್ಷಣಾ-2019’ ಪ್ರಶಸ್ತಿ : ಮೂರನೇ ವರ್ಷವೂ ಇಂದೋರ್‌ಗೆ ನಂಬರ್‌ ಒನ್‌ ಪಟ್ಟ

0
644

ದೇಶದ ಅತ್ಯಂತ ಸ್ವಚ್ಛ ನಗರಿ ಎಂಬ ಹಿರಿಮೆಯನ್ನು ಮಧ್ಯಪ್ರದೇಶದ ಇಂದೋರ್‌ ಸತತ ಮೂರನೇ ವರ್ಷವೂ ಉಳಿಸಿಕೊಂಡಿದೆ. ಹಾಗೆಯೇ ಮಧ್ಯಪ್ರದೇಶದ ರಾಜಧಾನಿ ಭೋಪಾಲ್‌ಗೆ ‘ಸ್ವಚ್ಛ ರಾಜಧಾನಿ’ ಪ್ರಶಸ್ತಿ ಸಂದಿದೆ. ಟಾಪ್‌ 10 ಸ್ವಚ್ಛ ನಗರಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿ ಛತ್ತೀಸ್‌ಗಢದ ಅಂಬಿಕಾಪುರಿ ಇದ್ದರೆ, ಮೂರನೇ ಸ್ಥಾನವನ್ನು ಅರಮನೆ ನಗರಿ ಮೈಸೂರು ಪಡೆದುಕೊಂಡಿದೆ.

ಹೊಸದಿಲ್ಲಿ: ದೇಶದ ಅತ್ಯಂತ ಸ್ವಚ್ಛ ನಗರಿ ಎಂಬ ಹಿರಿಮೆಯನ್ನು ಮಧ್ಯಪ್ರದೇಶದ ಇಂದೋರ್‌ ಸತತ ಮೂರನೇ ವರ್ಷವೂ ಉಳಿಸಿಕೊಂಡಿದೆ. ಹಾಗೆಯೇ ಮಧ್ಯಪ್ರದೇಶದ ರಾಜಧಾನಿ ಭೋಪಾಲ್‌ಗೆ ‘ಸ್ವಚ್ಛ ರಾಜಧಾನಿ’ ಪ್ರಶಸ್ತಿ ಸಂದಿದೆ. ಟಾಪ್‌ 10 ಸ್ವಚ್ಛ ನಗರಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿ ಛತ್ತೀಸ್‌ಗಢದ ಅಂಬಿಕಾಪುರಿ ಇದ್ದರೆ, ಮೂರನೇ ಸ್ಥಾನವನ್ನು ಅರಮನೆ ನಗರಿ ಮೈಸೂರು ಪಡೆದುಕೊಂಡಿದೆ. 

ದಿಲ್ಲಿಯಲ್ಲಿ ಮಾರ್ಚ್ 6 ರ ಬುಧವಾರ ನಡೆದ ‘ಸ್ವಚ್ಛ ಸರ್ವೇಕ್ಷಣಾ-2019‘ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ ಪ್ರಶಸ್ತಿಗಳನ್ನು ಪ್ರದಾನ ಮಾಡಿದರು. 

ಜನವರಿ 4ರಿಂದ 31ರವರೆಗೆ ದೇಶಾದ್ಯಂತ 4,237 ನಗರ ಹಾಗೂ ಪಟ್ಟಣಗಳನ್ನು ಸ್ವಚ್ಛತಾ ಸಮೀಕ್ಷೆಗೆ ಆಯ್ಕೆ ಮಾಡಿಕೊಳ್ಳಲಾಗಿತ್ತು. ಕೇಂದ್ರ ವಸತಿ ಹಾಗೂ ನಗರ ವ್ಯವಹಾರಗಳ ಸಚಿವಾಲಯ ಪ್ರಶಸ್ತಿಗಳನ್ನು ಕೊಡಮಾಡುತ್ತದೆ. 

ರಾಷ್ಟ್ರ ರಾಜಧಾನಿ ಹೊಸದಿಲ್ಲಿ ನಗರಸಭೆ ‘ಅತ್ಯಂತ ಸ್ವಚ್ಛ ಪುಟ್ಟ ನಗರ’ ಎಂಬ ಪುರಸ್ಕಾರಕ್ಕೆ ಭಾಜನವಾಗಿದೆ. ಉತ್ತರಾಖಂಡ್‌ನ ಗೌಚಾರ್‌ ನಗರಕ್ಕೆ ‘ಗಂಗಾ ತೀರದ ಉತ್ತಮ ನಗರಿ’ ಪ್ರಶಸ್ತಿ ಲಭಿಸಿದೆ. ಗುಜರಾತ್‌ನ ಅಹಮದಾಬಾದ್‌ ‘ಅತಿದೊಡ್ಡ ಸ್ವಚ್ಛ ನಗರಿ’ ಮತ್ತು ಛತ್ತೀಸ್‌ಗಢದ ರಾಯಪುರ ‘ವೇಗವಾಗಿ ಬೆಳೆಯುತ್ತಿರುವ ಮಹಾನಗರಿ’ ಎಂಬ ಗೌರವ ಪಡೆದುಕೊಂಡಿವೆ. 

ಟಾಪ್‌ 10 ಸ್ವಚ್ಛ ನಗರಗಳು 

1. ಇಂದೋರ್‌ 

2. ಅಂಬಿಕಾಪುರಿ 

3. ಮೈಸೂರು 

4. ಉಜ್ಜಯನಿ 

5. ಹೊಸದಿಲ್ಲಿ 

6. ಅಹಮದಾಬಾದ್‌ 

7. ನವೀ ಮುಂಬಯಿ 

8. ತಿರುಪತಿ 

9. ರಾಜ್‌ಕೋಟ್‌ 

10. ದೇವಾಸ್‌