ಸ್ಟಾರ್ಟ್ ಅಪ್: ಜಾಗತಿಕವಾಗಿ ಬೆಂಗಳೂರಿಗೆ 3 ನೇ ಸ್ಥಾನ

0
301

ಟೆಕ್ ಸ್ಟಾರ್ಟ್ ಅಪ್ ಕಂಪನಿಗಳನ್ನು ಅತ್ಯಧಿಕ ಸಂಖ್ಯೆಯಲ್ಲಿ ಹೊಂದಿರುವ ನಗರಗಳಲ್ಲಿ ಬೆಂಗಳೂರು ಜಾಗತಿಕವಾಗಿ ಮೂರನೆಯ ಸ್ಥಾನದಲ್ಲಿದೆ. ಸಿಲಿಕಾನ್ ವ್ಯಾಲಿ ಮತ್ತು ಲಂಡನ್ ಈ ಪಟ್ಟಿಯಲ್ಲಿ ಮೊದಲೆರಡು ಸ್ಥಾನದಲ್ಲಿವೆ ಎಂದು ಗುರುವಾರ ಬಿಡುಗಡೆಯಾಗಿರುವ ನಾಸ್ಕಾಮ್ ವರದಿ ಹೇಳಿದೆ.

ಬೆಂಗಳೂರು: ಟೆಕ್ ಸ್ಟಾರ್ಟ್ ಅಪ್ ಕಂಪನಿಗಳನ್ನು ಅತ್ಯಧಿಕ ಸಂಖ್ಯೆಯಲ್ಲಿ ಹೊಂದಿರುವ ನಗರಗಳಲ್ಲಿ ಬೆಂಗಳೂರು ಜಾಗತಿಕವಾಗಿ ಮೂರನೆಯ ಸ್ಥಾನದಲ್ಲಿದೆ. ಸಿಲಿಕಾನ್ ವ್ಯಾಲಿ ಮತ್ತು ಲಂಡನ್ ಈ ಪಟ್ಟಿಯಲ್ಲಿ ಮೊದಲೆರಡು ಸ್ಥಾನದಲ್ಲಿವೆ ಎಂದು ಅಕ್ಟೋಬರ್ 25 ರ ಗುರುವಾರ ಬಿಡುಗಡೆಯಾಗಿರುವ ನಾಸ್ಕಾಮ್ ವರದಿ ಹೇಳಿದೆ. 

2018 ರಲ್ಲಿ 1,200 ಹೊಸ ತಾಂತ್ರಿಕ ಉದ್ಯಮಗಳು ಆರಂಭವಾಗುವುದರೊಂದಿಗೆ ಭಾರತ ಜಾಗತಿಕವಾಗಿ ಮೂರನೆಯ ಸ್ಥಾನದಲ್ಲಿ ಮುಂದುವರಿದಿದ್ದು 7,200 ರಿಂದ 7,700ನಷ್ಟು ತಂತ್ರಜ್ಞಾನ ಕಂಪನಿಗಳನ್ನು ಹೊಂದಿದೆ. 

ಹೊಸ ಕಂಪನಿಗಳ ಉದಯದಿಂದ ಈ ವರ್ಷ (2018) ದೇಶದಲ್ಲಿ 40,000 ಕ್ಕೂ ಹೆಚ್ಚು ನೇರ ಉದ್ಯೋಗಗಳು ಸೃಷ್ಟಿಯಾಗಿವೆ. ಪರಿಣಾಮ ಈ ಕ್ಷೇತ್ರದಲ್ಲಿ ಉದ್ಯೋಗ 1.6 ಲಕ್ಷದಿಂದ1.7 ಲಕ್ಷಕ್ಕೆ ಏರಿಕೆಯಾಗಿದೆ, 4 ರಿಂದ 5 ಲಕ್ಷ ಪರೋಕ್ಷ ಉದ್ಯೋಗ ಸೃಷ್ಟಿಯಾಗಿದೆ ಎಂದು ಅಂದಾಜಿಸಲಾಗಿದೆ. 

ಶ್ರೇಣಿ –2 ಮತ್ತು ಶ್ರೇಣಿ –3 ನಗರಗಳಲ್ಲಿ ಕೂಡ ಸ್ಟಾರ್ಟ್ ಅಪ್‌ಗಳು ಬೆಳವಣಿಗೆ ಕಾಣುತ್ತಿವೆ. 40% ದಷ್ಟು ಸ್ಟಾರ್ಟ್ ಅಪ್ ಕಂಪನಿಗಳು ಬೆಂಗಳೂರು, ದೆಹಲಿ NCR ಮತ್ತು ಮುಂಬೈ ಹೊರಗಡೆ ಕಾರ್ಯನಿರ್ವಹಿಸುತ್ತವೆ ಎಂದು ವರದಿ ತಿಳಿಸಿದೆ. 

ಈ ವರ್ಷ ಉಡಾನ್, ಓಯೋ, ಫ್ರೆಶ್‌ವರ್ಕ್, ಸ್ವಿಗ್ಗಿ, ಪೇಟಿಮ್ ಮಾಲ್, ಪಾಲಿಸಿ ಬಜಾರ್, ಝೊಮೆಟೊ, ಮತ್ತು ಬೈಜುಗಳು ಬಿಲಿಯನ್ ಡಾಲರ್ ಕ್ಲಬ್ ಪ್ರವೇಶಿಸಿವೆ.