ಸುಲ್ತಾನ್‌ ಆಫ್‌ ಜೊಹರ್‌ ಕಪ್‌ ಹಾಕಿ : ಭಾರತಕ್ಕೆ ಬೆಳ್ಳಿ ಪದಕ

0
124

ಜೊಹರ್‌ ಬಹ್ರು: ಆರಂಭಿಕ ಮುನ್ನಡೆ ಗಳಿಸಿದರೂ ತೃತೀಯ ಕ್ವಾರ್ಟರ್‌ನಲ್ಲಿ ರಕ್ಷ ಣಾ ವೈಫಲ್ಯ ಅನುಭವಿಸಿದ ಭಾರತ 8ನೇ ಸುಲ್ತಾನ್‌ ಆಫ್‌ ಜೊಹರ್‌ ಕಪ್‌ ಹಾಕಿ ಫೈನಲ್‌ನಲ್ಲಿ ಗ್ರೇಟ್‌ ಬ್ರಿಟನ್‌ ವಿರುದ್ಧ ಪರಾಭವಗೊಂಡು ರನ್ನರ್‌ಅಪ್‌ ಸ್ಥಾನಕ್ಕೆ ತೃಪ್ತಿಪಟ್ಟಿದೆ.

ಜೊಹರ್‌ ಬಹ್ರು: ಆರಂಭಿಕ ಮುನ್ನಡೆ ಗಳಿಸಿದರೂ ತೃತೀಯ ಕ್ವಾರ್ಟರ್‌ನಲ್ಲಿ ರಕ್ಷ ಣಾ ವೈಫಲ್ಯ ಅನುಭವಿಸಿದ ಭಾರತ 8ನೇ ಸುಲ್ತಾನ್‌ ಆಫ್‌ ಜೊಹರ್‌ ಕಪ್‌ ಹಾಕಿ ಫೈನಲ್‌ನಲ್ಲಿ ಗ್ರೇಟ್‌ ಬ್ರಿಟನ್‌ ವಿರುದ್ಧ ಪರಾಭವಗೊಂಡು ರನ್ನರ್‌ಅಪ್‌ ಸ್ಥಾನಕ್ಕೆ ತೃಪ್ತಿಪಟ್ಟಿದೆ. 

ಅಕ್ಟೋಬರ್ 13 ರ  ಶನಿವಾರ ನಡೆದ ಫೈನಲ್‌ನಲ್ಲಿ ಮನ್‌ದೀಪ್‌ ಮೋರ್‌ ನೇತೃತ್ವದ ಭಾರತ 2-3 ಗೋಲುಗಳ ಅಂತರದಿಂದ ಗ್ರೇಟ್‌ ಬ್ರಿಟನ್‌ಗೆ ಶರಣಾಯಿತು. ರೌಂಡ್‌ ರಾಬಿನ್‌ ಲೀಗ್‌ನ ಅಂತಿಮ ಪಂದ್ಯದಲ್ಲೂ ಇದೇ ಅಂತರದಲ್ಲಿ ಗ್ರೇಟ್‌ ಬ್ರಿಟನ್‌ ವಿರುದ್ಧ ಭಾರತ ಸೋಲನುಭವಿಸಿತ್ತು. ಹಿಂದಿನ ಆವೃತ್ತಿಯಲ್ಲಿ ಕಂಚಿನ ಸಾಧನೆ ಮಾಡಿದ್ದ ಭಾರತ ಈ ಬಾರಿ ಮತ್ತೊಂದು ಮೆಟ್ಟಿಲೇರಿ ರಜತ ಪದಕಕ್ಕೆ ಭಾಜನವಾಯಿತು. ಭಾರತದ ಪರ ವಿಷ್ಣುಕಾಂತ್‌ ಸಿಂಗ್‌ (4ನೇ ನಿ.) ಮತ್ತು ಅಭಿಷೇಕ್‌ (55ನೇ ನಿ.) ತಲಾ ಒಂದು ಗೋಲು ಬಾರಿಸಿದರೆ, ಗ್ರೇಟ್‌ ಬ್ರಿಟನ್‌ ಪರ ಡೇನಿಯಲ್‌ ವೆಸ್ಟ್‌ (7ನೇ ನಿ.) ಒಂದು ಮತ್ತು ಜೇಮ್ಸ್‌ ಓಟ್ಸ್‌ (39, 42ನೇ ನಿ.) ಎರಡು ಗೋಲು ದಾಖಲಿಸಿ ಜಯದ ರೂವಾರಿಯಾದರು. 

ಪಂದ್ಯದ ಆರಂಭದಲ್ಲೇ ವಿಷ್ಣುಕಾಂತ್‌ ಭಾರತದ ಪರ ಖಾತೆ ತೆರೆದರು. ಆದರೆ, ಎದುರಾಳಿ ತಂಡ ಸಮಬಲದ ಹೋರಾಟ ನೀಡಿತು. 3ನೇ ಕ್ವಾರ್ಟರ್‌ನಲ್ಲಿ ಭಾರತ ರಕ್ಷ ಣಾ ವೈಫಲ್ಯವನ್ನು ಮೆಟ್ಟಿನಿಂತ ಎದುರಾಳಿ ತಂಡ 2 ಗೋಲು ಬಾರಿಸಿ ಮುನ್ನಡೆಯನ್ನು 3-1ಕ್ಕೆ ವಿಸ್ತರಿಸಿತು. ಅಂತಿಮ ಕ್ವಾರ್ಟರ್‌ನಲ್ಲಿ ಭಾರತ ಒಂದು ಗೋಲು ಬಾರಿಸಿತಾದರೂ ಅದು ಸೋಲಿನ ಅಂತರ ತಗ್ಗಿಸಿಕೊಳ್ಳುವುದಕ್ಕಷ್ಟೇ ನೆರವಾಯಿತು.