ಸುರಕ್ಷತೆ ಸಲುವಾಗಿ ಆಧಾರ್‌ ಲಾಕ್‌ ಮಾಡುವುದು ಹೇಗೆ?

0
45

ಆಧಾರ್‌ ಸಂಖ್ಯೆಯ ದುರ್ಬಳಕೆ ತಪ್ಪಿಸಲು ಭಾರತೀಯ ವಿಶಿಷ್ಟ ಗುರುತು ಪ್ರಾಧಿಕಾರವು(ಯುಐಡಿಎಐ) ಹೊಸ ಸೌಲಭ್ಯವನ್ನು ನೀಡಿದೆ. ಖಾಸಗಿತನ ಮತ್ತು ಭದ್ರತೆಯನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಆಧಾರ್‌ ಸಂಖ್ಯೆಯನ್ನು ಲಾಕ್‌ ಅಥವಾ ಅನ್‌ಲಾಕ್‌ ಮಾಡಬಹುದಾಗಿದೆ. Lock UID

ಹೊಸದಿಲ್ಲಿ: ಆಧಾರ್‌ ಸಂಖ್ಯೆಯ ದುರ್ಬಳಕೆ ತಪ್ಪಿಸಲು ಭಾರತೀಯ ವಿಶಿಷ್ಟ ಗುರುತು ಪ್ರಾಧಿಕಾರವು(ಯುಐಡಿಎಐ) ಹೊಸ ಸೌಲಭ್ಯವನ್ನು ನೀಡಿದೆ. ಖಾಸಗಿತನ ಮತ್ತು ಭದ್ರತೆಯನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಆಧಾರ್‌ ಸಂಖ್ಯೆಯನ್ನು ಲಾಕ್‌ ಅಥವಾ ಅನ್‌ಲಾಕ್‌ ಮಾಡಬಹುದಾಗಿದೆ. 

ಒಂದು ಸಲ ನಿಮ್ಮ ಆಧಾರ್‌ ಸಂಖ್ಯೆಯನ್ನು ಲಾಕ್‌ ಮಾಡಿದರೆ, ಯಾವುದೇ ರೀತಿಯಲ್ಲೂ(ಬಯೋಮೆಟ್ರಿಕ್‌ ಅಥವಾ ಒಟಿಪಿ) ಯಾರಿಗೂ ನಿಮ್ಮ ಆಧಾರ್‌ ಮಾಹಿತಿ ಪಡೆಯಲು ಸಾಧ್ಯವಾಗುವುದಿಲ್ಲ. ನೀವು ಅನ್‌ಲಾಕ್‌ ಮಾಡಿದರೆ ಮಾತ್ರ ಆಧಾರ್‌ ಮೂಲಕ ಕೆವೈಸಿ ಸಾಧ್ಯವಾಗುತ್ತದೆ. ಆಧಾರ್‌ ಮಾಹಿತಿಯ ಸೋರಿಕೆ, ಆಧಾರ್‌ ದುರ್ಬಳಕೆಯ ಕಳವಳಗಳನ್ನು ನಿವಾರಿಸುವ ನಿಟ್ಟಿನಲ್ಲಿ ಇದು ಮಹತ್ವದ ಬೆಳವಣಿಗೆಯಾಗಿದೆ. 

ಲಾಕ್‌ ಅಥವಾ ಅನ್‌ಲಾಕ್‌ ಮಾಡಲು 2 ವಿಧಾನ 
ಆಧಾರ್‌ ಸಂಖ್ಯೆಯನ್ನು ಲಾಕ್‌ ಮಾಡುವ ಮೊದಲು ನಿಮ್ಮ ವರ್ಚುವಲ್‌ ಐಡಿಯನ್ನು ರೂಪಿಸಿಕೊಳ್ಳಬೇಕು. ಅದು ಸಾಧ್ಯವಾಗದೇ ಹೋದರೆ, ಆಧಾರ್‌ ಸಂಖ್ಯೆ ಲಾಕ್‌ ಮಾಡಲು ಆಗುವುದಿಲ್ಲ. 

ವರ್ಚುವಲ್‌ ಐಡಿಯನ್ನು ಯುಐಡಿಎಐ ವೆಬ್‌ಸೈಟ್‌ ಅಥವಾ ಎಸ್‌ಎಂಎಸ್‌(ದೂರವಾಣಿ ಸಂಖ್ಯೆ 1947) ಕಳಿಸುವ ಮೂಲಕ ಸುಲಭವಾಗಿ ಮಾಡಿಕೊಳ್ಳಬಹುದು. ಆದರೆ, ಯುಐಡಿಎಐ ಡೇಟಾಬೇಸ್‌ನಲ್ಲಿ ನಿಮ್ಮ ಮೊಬೈಲ್‌ ಸಂಖ್ಯೆ ನೋಂದಣಿಯಾಗಿರಬೇಕು. 

ವೆಬ್‌ಸೈಟ್‌ ಮೂಲಕ ಆಧಾರ್‌ ಲಾಕ್‌ ಹೇಗೆ? 
ಸ್ಟೆಪ್‌
ಮೊದಲಿಗೆ www.uidai.gov.in ಜಾಲತಾಣಕ್ಕೆ ಹೋಗಿ. 

ಸ್ಟೆಪ್‌
ಕ್ರಮವಾಗಿ ‘Aadhaar services‘ ಟ್ಯಾಬ್‌, ಮತ್ತು ಅಲ್ಲಿರುವ ‘My Aadhaar, ಕ್ಲಿಕ್‌ ಮಾಡಿ. ಬಳಿಕ, ‘Aadhaar lock/unlock’ ಆಯ್ಕೆಯನ್ನು ಕ್ಲಿಕ್ಕಿಸಿ. 

ಸ್ಟೆಪ್‌ 3 
‘ Lock UID‘ ಎನ್ನುವ ಆಯ್ಕೆಯನ್ನು ಕ್ಲಿಕ್ಕಿಸಿ. ನಿಮ್ಮ ಆಧಾರ್‌ ಸಂಖ್ಯೆ, ಹೆಸರು(ದಾಖಲೆಯಲ್ಲಿರುವಂತೆ), ಪಿನ್‌ ಕೋಡ್‌, ಸೆಕ್ಯೂರಿಟಿ ಕೋಡ್‌ಗಳನ್ನು ತುಂಬಿರಿ. 

ಸ್ಟೆಪ್‌
ವಿವರಗಳನ್ನು ತುಂಬಿದ ಬಳಿಕ ‘ಖಛ್ಞಿd OTP‘ ಅನ್ನುವುದನ್ನು ಕ್ಲಿಕ್‌ ಮಾಡಿ. ಒಟಿಪಿ ಆಗ ಎಸ್‌ಎಂಎಸ್‌ ಮೂಲಕ ನಿಮಗೆ ಬರುತ್ತದೆ. 

ಸ್ಟೆಪ್‌
ಒಟಿಪಿಯನ್ನು ಸಬ್‌ಮಿಟ್‌ ಮಾಡಿ. ಆಗ ನಿಮ್ಮ ಆಧಾರ್‌ ಸಂಖ್ಯೆ ಲಾಕ್‌ ಆಗುತ್ತದೆ. 

ಅನ್‌ಲಾಕ್‌ ಮಾಡುವುದು ಹೇಗೆ? 
ಯಥಾ ಪ್ರಕಾರ, ಯುಐಡಿಎಐ ವೆಬ್‌ಸೈಟ್‌ಗೆ ಹೋಗಿ, ಆಧಾರ್‌ ಲಾಕ್‌/ಅನ್‌ಲಾಕ್‌ ಆಯ್ಕೆಯಲ್ಲಿ ಅನ್‌ಲಾಕ್‌ ಅನ್ನು ಕ್ಲಿಕ್ಕಿಸಿ, ಸೂಚನೆಯಂತೆ ಕ್ಲಿಕ್‌ ಮಾಡುತ್ತಾ ಹೋದರೆ, ನಿಮ್ಮ ಆಧಾರ್‌ ಸಂಖ್ಯೆಯು ಅನ್‌ಲಾಕ್‌ ಆಗುತ್ತದೆ. 

ಡಿಜಿಟಲ್‌ ಫೈನಾನ್ಸ್‌ಗೆ ಸದ್ಯದಲ್ಲೇ ಇಕೆವೈಸಿ ಸೌಲಭ್ಯ 
ಡಿಜಿಟಲ್‌ ವಹಿವಾಟಿಗೆ ನೆರವಾಗುವ ಮೊಬೈಲ್‌ ವ್ಯಾಲೆಟ್‌ಗಳು, ಬ್ಯಾಂಕೇತರ ಕಂಪನಿಗಳಿಗೆ ಸದ್ಯದಲ್ಲಿಯೇ ಆಧಾರ್‌ ಆಧಾರಿತ ಇಕೆವೈಸಿ ಸೌಲಭ್ಯ ಸಿಗಲಿದೆ. 

ಇಕೆವೈಸಿ ಸಲುವಾಗಿ ಆಧಾರ್‌ ಡೇಟಾ ಬಳಕೆಗೆ ಅವಕಾಶ ನೀಡುವ ಸಂಬಂಧ ಕಂದಾಯ ಇಲಾಖೆಯು ಮೇ 9ರಂದು ಅಧಿಸೂಚನೆ ಹೊರಡಿಸಿದೆ. ಆರ್‌ಬಿಐ, ಸೆಕ್ಯೂರಿಟಿಸ್‌ ಆ್ಯಂಡ್‌ ಎಕ್ಸ್‌ಚೇಂಚ್‌ ಬೋರ್ಡ್‌ ಆಫ್‌ ಇಂಡಿಯಾ ಸೇರಿದಂತೆ ಎಲ್ಲ ಹಣಕಾಸು ನಿಯಂತ್ರಕರಿಗೆ ಈ ಬಗ್ಗೆ ಸೂಚನೆ ರವಾನೆಯಾಗಿದೆ. ಕಾಳಧನ ನಿಗ್ರಹ ಕಾಯ್ದೆ ವ್ಯಾಪ್ತಿಗೆ ಬರುವ ಬ್ಯಾಂಕೇತರ ಕಂಪನಿಗಳು ಆಧಾರ್‌ ಡೇಟಾವನ್ನು ಬಳಸಬಹುದಾಗಿದೆ. 

ಗ್ರಾಹಕರನ್ನು ದೃಢೀಕರಿಸುವ ಇಕೆವೈಸಿಗೆ ಆಧಾರ್‌ ಅನ್ನು ಬಳಸಲಾಗುತ್ತದೆ. ಆದರೆ, ಸುಪ್ರೀಂ ಕೋರ್ಟ್‌ ತೀರ್ಪಿನ ಬಳಿಕ ಆಧಾರ್‌ ಬಳಕೆಯನ್ನು ಬ್ಯಾಂಕೇತರ ಕಂಪನಿಗಳಿಗೆ ನಿರ್ಬಂಧಿಸಲಾಗಿತ್ತು. ಇದರಿಂದ ಪೇಟಿಎಂ ಸೇರಿದಂತೆ ಮೊಬೈಲ್‌ ವ್ಯಾಲೆಟ್‌ಗಳಿಗೆ ಗ್ರಾಹಕರನ್ನು ದೃಢೀಕರಿಸುವುದು ಕಷ್ಟವಾಗಿತ್ತು. ಆರ್ಥಿಕವಾಗಿಯೂ ಹೆಚ್ಚಿನ ಹೊರೆ ಬಿದ್ದಿತ್ತು.