ವಾಯುಪಡೆಗೆ ಸ್ಪೈಸ್​ 2000 ಬಾಂಬ್​ ಬಲ; ಗ್ವಾಲಿಯರ್​ ತಲುಪಿದ ‘ಬಾಲಾಕೋಟ್​’ ಬಾಂಬ್​ನ ಮೊದಲ ಬ್ಯಾಚ್​

0
28

ಭಾರತ ಸರ್ಕಾರವು ಇಸ್ರೇಲ್​ನಿಂದ 100 ಕ್ಕೂ ಹೆಚ್ಚು ಸ್ಪೈಸ್​ 2000 ಬಾಂಬ್​ ಖರೀದಿಸಲು ಒಪ್ಪಂದ ಮಾಡಿಕೊಳ್ಳಲಾಗಿತ್ತು. ಒಪ್ಪಂದದಂತೆ ಮೊದಲ ಬ್ಯಾಚ್​ನ ಬಾಂಬ್​ಗಳು ವಾಯುಪಡೆಗೆ ಹಸ್ತಾಂತರವಾಗಿವೆ.

ಗ್ವಾಲಿಯರ್​: ಪಾಕಿಸ್ತಾನದ ಬಾಲಾಕೋಟ್​ನಲ್ಲಿ ಜೈಷ್​ ಎ ಮೊಹಮದ್​ ಉಗ್ರರ ನೆಲೆಯನ್ನು ಧ್ವಂಸಗೊಳಿಸಲು ಇಸ್ರೇಲ್​ ನಿರ್ಮಿತ ಶಕ್ತಿಶಾಲಿ ಸ್ಪೈಸ್​ 2000 ಬಾಂಬ್​ ಬಳಸಲಾಗಿತ್ತು. ಬಾಲಾಕೊಟ್​ ದಾಳಿಯ ನಂತರ ಇಸ್ರೇಲ್​ನಿಂದ 100 ಕ್ಕೂ ಹೆಚ್ಚು ಸ್ಪೈಸ್​ 2000 ಬಾಂಬ್​ ಖರೀದಿಸಲು ಒಪ್ಪಂದ ಮಾಡಿಕೊಳ್ಳಲಾಗಿತ್ತು. ಒಪ್ಪಂದದಂತೆ ಮೊದಲ ಬ್ಯಾಚ್​ನ ಬಾಂಬ್​ಗಳು ವಾಯುಪಡೆಗೆ ಹಸ್ತಾಂತರವಾಗಿವೆ.

ಕಳೆದ ಜೂನ್​ನಲ್ಲಿ ಇಸ್ರೇಲ್​ನಿಂದ 250 ಕೋಟಿ ರೂ. ವೆಚ್ಚದಲ್ಲಿ 100ಕ್ಕೂ ಸ್ಪೈಸ್​ 2000 ಬಾಂಬ್​ ಮತ್ತು ಮಾರ್ಕ್​ 84 ಸಿಡಿತಲೆಗಳನ್ನು ಖರೀದಿಸಲು ಒಪ್ಪಂದ ಮಾಡಿಕೊಳ್ಳಲಾಗಿತ್ತು. ಅದರಂತೆ ಮೊದಲ ಬ್ಯಾಚ್​ನ ಬಾಂಬ್​ಗಳು ಮತ್ತು ಸಿಡಿತಲೆಗಳು ಮಿರಾಜ್​ 2000 ಯುದ್ಧ ವಿಮಾನಗಳ ಪ್ರಮುಖ ನೆಲೆಯಾಗಿರುವ ಮಧ್ಯಪ್ರದೇಶದ ಗ್ವಾಲಿಯರ್​ ತಲುಪಿವೆ.

ಮಾರ್ಕ್​ 84 ಸಿಡಿತಲೆ ಹೊಂದಿರುವ ಸ್ಪೈಸ್​ 2000 ಬಾಂಬ್​ಗಳು ಶತ್ರುಗಳ ಕಟ್ಟಡ, ಬಂಕರ್​ಗಳನ್ನು ಕ್ಷಣಾರ್ಧದಲ್ಲಿ ನಾಶ ಮಾಡುವ ಸಾಮರ್ಥ್ಯ ಹೊಂದಿವೆ.

ಪ್ರಧಾನ ಮಂತ್ರಿ ನರೇಂದ್ರ ಮೋದಿ 2ನೇ ಅವಧಿಗೆ ಅಧಿಕಾರಕ್ಕೆ ಬಂದ ನಂತರ ಸೇನೆಯ ಬಲವರ್ಧನೆಗಾಗಿ ಹಲವು ಕ್ರಮಗಳನ್ನು ತೆಗೆದುಕೊಂಡಿದ್ದಾರೆ. ಇದರ ಭಾಗವಾಗಿ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳನ್ನು ಸೇನೆಗಾಗಿ ಖರೀದಿಸಲು ಒಪ್ಪಿಗೆ ನೀಡಲಾಗಿದೆ. (ಏಜೆನ್ಸೀಸ್​)