ವಾಟ್ಸಾಪ್‌ ತೊರೆದ “ನೀರಜ್‌ ಅರೋರಾ”

0
687

ವಾಟ್ಸ್‌ಆ್ಯಪ್‌ ಚೀಫ್‌ ಬ್ಯುಸಿನೆಸ್‌ ಆಫೀಸರ್‌ ಮತ್ತು ಆ ಕಂಪನಿಯ ಆರಂಭದ ಉದ್ಯೋಗಿಗಳಲ್ಲಿ ಒಬ್ಬರಾಗಿದ್ದ ಭಾರತೀಯ ಮೂಲದ ನೀರಜ್‌ ಅರೋರಾ, ಈಗ ಆ ಕಂಪನಿಯನ್ನು ತೊರೆಯುತ್ತಿರುವುದಾಗಿ ಘೋಷಿಸಿದ್ದಾರೆ.

ನ್ಯೂಯಾರ್ಕ್‌ : ವಾಟ್ಸ್‌ಆ್ಯಪ್‌ ಚೀಫ್‌ ಬ್ಯುಸಿನೆಸ್‌ ಆಫೀಸರ್‌ ಮತ್ತು ಆ ಕಂಪನಿಯ ಆರಂಭದ ಉದ್ಯೋಗಿಗಳಲ್ಲಿ ಒಬ್ಬರಾಗಿದ್ದ ಭಾರತೀಯ ಮೂಲದ ನೀರಜ್‌ ಅರೋರಾ, ಈಗ ಆ ಕಂಪನಿಯನ್ನು ತೊರೆಯುತ್ತಿರುವುದಾಗಿ ಘೋಷಿಸಿದ್ದಾರೆ. 

ಹೆಸರಾಂತ ಮೆಸೇಜಿಂಗ್‌ ಆ್ಯಪ್‌ ವಾಟ್ಸಾಪ್‌ ಅನ್ನು ತೊರೆದು, ಅವರು ಹೊಸ ಸಾಹಸಕ್ಕೆ ಸಜ್ಜಾಗಿದ್ದಾರೆ. ವಾಟ್ಸಾಪ್‌ ಸಹ-ಸಂಸ್ಥಾಪಕ ಜಾನ್‌ ಕೋಮ್‌ ಅವರು ಕಂಪನಿ ತೊರೆದ ಏಳು ತಿಂಗಳಲ್ಲಿಯೇ ಅರೋರಾ ಹೊರ ನಡೆದಿದ್ದಾರೆ. ಕಳೆದ ವರ್ಷ ಫೇಸ್‌ಬುಕ್‌ ಹಾಗೂ ಇತರ ಸೋಷಿಯಲ್‌ ಮೀಡಿಯಾ ಕಂಪನಿಗಳಿಂದ ಹೊರಬಂದಿದ್ದ ಉನ್ನತ ಮಟ್ಟದ ಅಧಿಕಾರಿಗಳೊಂದಿಗೆ ಹೊಸ ಯೋಜನೆಯಲ್ಲಿ ತೊಡಗಿಸಿಕೊಳ್ಳುವುದಾಗಿ ಅರೋರಾ ಹೇಳಿದ್ದಾರೆ. 

ದಿಲ್ಲಿ ಐಐಟಿ ವಿದ್ಯಾರ್ಥಿಯಾಗಿದ್ದ ಅರೋರಾ, 2011ರಿಂದ ವಾಟ್ಸಾಪ್‌ನಲ್ಲಿದ್ದರು. ಫೇಸ್‌ಬುಕ್‌ ಕಂಪನಿಯು 2014ರಲ್ಲಿ ವಾಟ್ಸಾಪ್‌ ಅನ್ನು ಸ್ವಾದೀನಪಡಿಸಿಕೊಂಡಿತ್ತು. ಸುಳ್ಳು ವದಂತಿಗಳಿಗೆ ವಾಟ್ಸಾಪ್‌ ಬಳಕೆಯಾಗುತ್ತಿದೆ ಎನ್ನುವ ದೂರುಗಳ ಮಧ್ಯೆ, ಅರೋರಾ ನಿರ್ಗಮನ ಗಮನ ಸೆಳೆದಿದೆ.