ರೈತರಿಗೆ ಗುಡ್‌ ನ್ಯೂಸ್‌: ಚಳಿಗಾಲದ ಬೆಳೆಗಳಿಗೆ ಬೆಂಬಲ ಬೆಲೆ ಹೆಚ್ಚಳ

0
625

ಕೇಂದ್ರ ಸರಕಾರವು ಚಳಿಗಾಲದಲ್ಲಿ ಕೊಯ್ಲಿಗೆ ಬರುವ ಅಥವಾ ರಾಬಿ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆಯನ್ನು ಹೆಚ್ಚಿಸಿದೆ.

ಹೊಸದಿಲ್ಲಿ : ಕೇಂದ್ರ ಸರಕಾರವು ಚಳಿಗಾಲದಲ್ಲಿ ಕೊಯ್ಲಿಗೆ ಬರುವ ಅಥವಾ ರಾಬಿ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆಯನ್ನು ಹೆಚ್ಚಿಸಿದೆ. 

ಗೋಧಿಗೆ ಕನಿಷ್ಠ ಬೆಂಬಲ ಬೆಲೆಯಲ್ಲಿ (ಎಂಎಸ್‌ಪಿ) 105 ರೂ. ಹೆಚ್ಚಿಸಿದ್ದು, ಪ್ರತಿ ಕ್ವಿಂಟಾಲ್‌ಗೆ 1,840 ರೂ.ಗೆ ಏರಿಕೆಯಾಗಿದೆ. ಇದರಿಂದ ರೈತರ ಆದಾಯದಲ್ಲಿ 62,635 ರೂ. ವೃದ್ಧಿಸಲಿದೆ. 

ಪ್ರಧಾನ ಮಂತ್ರಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸಚಿವ ಸಂಪುಟ ಸಭೆ ಈ ತೀರ್ಮಾನ ತೆಗೆದುಕೊಂಡಿದೆ. ಉತ್ಪಾದನಾ ವೆಚ್ಚ ಹೆಚ್ಚಳ ಹಾಗೂ ವ್ಯಾಪಾರ ಕುಸಿತದಿಂದ ತೊಂದರೆಗೀಡಾಗಿರುವ ರೈತರಿಗೆ ಇದರಿಂದ ಅನುಕೂಲವಾಗಲಿದೆ. ಸಭೆಯ ನಂತರ ಸಚಿವ ರವಿ ಶಂಕರ ಪ್ರಸಾದ್‌ ವಿವರಿಸಿದರು. 

ಉತ್ಪಾದನಾ ವೆಚ್ಚದ ಶೇ.50ಕ್ಕೂ ಹೆಚ್ಚು ಎಂಎಸ್‌ಪಿ ಒದಗಿಸುವುದಾಗಿ ಈ ಹಿಂದೆ ಸರಕಾರ ಭರವಸೆ ನೀಡಿತ್ತು. ಅದರ ಅನುಸಾರ ಇದೀಗ ಚಳಿಗಾಲದ ಬೆಳೆಗಳಿಗೆ ಹೆಚ್ಚಿಸಲಾಗಿದೆ. ಎಲ್ಲ ರಾಬಿ ಬೆಳೆಗಳಿಗೆ ಶೇ.50ಕ್ಕೂ ಹೆಚ್ಚು ಎಂಎಸ್‌ಪಿ ಘೋಷಿಸಲಾಗಿದೆ. 

ಬಾರ್ಲಿಗೆ ಪ್ರತಿ ಕ್ವಿಂಟಾಲ್‌ಗೆ 1,440 ರೂ.ಗೆ ಏರಿಸಲಾಗಿದ್ದು, 30 ರೂ. ಏರಿಕೆಯಾಗಿದೆ. ಕಡಲೆ ಕಾಳಿಗೆ ಬೆಂಬಲ ಬೆಲೆಯಲ್ಲಿ 220 ರೂ. ವೃದ್ಧಿಸಲಾಗಿದ್ದು, ಪ್ರತಿ ಕ್ವಿಂಟಾಲ್‌ಗೆ 4,620 ರೂ.ಗೆ ಹೆಚ್ಚಳವಾಗಿದೆ.