ಮುಕ್ತ ವ್ಯಾಪಾರ ಒಪ್ಪಂದಕ್ಕೆ ಯೂರೋಪ್‌-ಜಪಾನ್‌ ಅಂಕಿತ

0
16

ಅಮೆರಿಕ ಭಾರಿ ಸುಂಕ ವಿಧಿಸಿ ವ್ಯಾಪಾರ ಸಮರದ ಬೆದರಿಕೆ ಹಾಕುತ್ತಿರುವ ನಡುವೆಯೇ ಯುರೋಪ್‌ ಹಾಗೂ ಜಪಾನ್‌ ಮಂಗಳವಾರ ಬೃಹತ್‌ ‘ಮುಕ್ತ ವ್ಯಾಪಾರ ಒಪ್ಪಂದ’ಕ್ಕೆ ಸಹಿ ಹಾಕಿದವು.

ಟೋಕಿಯೊ: ಅಮೆರಿಕ ಭಾರಿ ಸುಂಕ ವಿಧಿಸಿ ವ್ಯಾಪಾರ ಸಮರದ ಬೆದರಿಕೆ ಹಾಕುತ್ತಿರುವ ನಡುವೆಯೇ ಯುರೋಪ್‌ ಹಾಗೂ ಜಪಾನ್‌ ಜುಲೈ 17 ರ ಮಂಗಳವಾರ ಬೃಹತ್‌ ‘ಮುಕ್ತ ವ್ಯಾಪಾರ ಒಪ್ಪಂದ’ಕ್ಕೆ ಸಹಿ ಹಾಕಿದವು.

ಯುರೋಪ್‌ ಇತಿಹಾಸದಲ್ಲೇ ಅಭೂತಪೂರ್ವ ಒಪ್ಪಂದ ಸರಣಿ ಎಂದು ಬಣ್ಣಿಸಲಾಗಿರುವ ಈ ಒಡಂಬಡಿಕೆಗಳಿಗೆ ಯೂರೋಪ್‌ನ ಉನ್ನತ ಅಧಿಕಾರಿಗಳು ಹಾಗೂ ಜಪಾನ್‌ ಪ್ರಧಾನಿ ಶಿಂಜೊ ಅಬೆ ಮಂಗಳವಾರ ಟೋಕಿಯೊದಲ್ಲಿ ಅಂಕಿತ ಹಾಕಿದರು. 

ಈ ಒಪ್ಪಂದ ಸರಣಿ ಜಗತ್ತಿನ ಜಿಡಿಪಿಯ ಮೂರನೇ ಒಂದು ಭಾಗವನ್ನೊಳಗೊಂಡ  ಮುಕ್ತ ವಾಪಾರ ವಲಯವನ್ನು ಸೃಷ್ಟಿಸುತ್ತದೆ ಎಂದು ಅಂದಾಜಿಸಲಾಗಿದೆ. ‘‘ಸ್ವದೇಶಿ ಕೈಗಾರಿಕೆಗಳನ್ನು ವಿದೇಶೀಯ ಪೈಪೋಟಿಯಿಂದ ರಕ್ಷಿಸಲು ವಿದೇಶೀ ಉತ್ಪನ್ನಗಳ ಮೇಲೆ ಭಾರಿ ಸುಂಕ ಹೇರುವ ಆರ್ಥಿಕ ನೀತಿ ವಿರುದ್ಧ ನಾವು ಒಗ್ಗಟ್ಟಾಗಿದ್ದೇವೆ ಎಂದು ಈ ಮೂಲಕ ಸ್ಪಷ್ಟ ಸಂದೇಶ ರವಾನಿಸುತ್ತಿದ್ದೇವೆ,’’ ಎಂದು ಯೂರೋಪ್‌ ಅಧಿಕಾರಿ ಇದೇ ವೇಳೆ ತಿಳಿಸಿದರು.