ಮಧ್ಯಪ್ರದೇಶದಲ್ಲಿನ್ನು ಆಕಳುಗಳಿಗೆ ಹುಟ್ಟೋದು ಬರೀ ಹೆಣ್ಣು !

0
691

ಮಧ್ಯಪ್ರದೇಶದ ಆಕಳುಗಳಿನ್ನು ಮೇಲೆ ಕೇವಲ ಹೆಣ್ಣು ಕರುಗಳಿಗೆ ಜನ್ಮ ನೀಡಲಿವೆ. ಅಲ್ಲಿನ ರಾಜ್ಯ ಸರಕಾರ ದನಗಳಿಗಾಗಿ ‘ಬೇಟಿ ಬನಾವೋ’ ಯೋಜನೆಯನ್ನು ಜಾರಿಗೆ ತರುತ್ತಿದ್ದು ಲಿಂಗವನ್ನು ಮೊದಲೇ ನಿರ್ಣಯಿಸಬಹುದಾದ ಲಿಂಗ ವರ್ಗೀಕೃತ ವೀರ್ಯ ತಂತ್ರಜ್ಞಾನವನ್ನು ಪರಿಚಯಿಸುತ್ತಿದೆ.

ಭೋಪಾಲ್: ಮಧ್ಯಪ್ರದೇಶದ ಆಕಳುಗಳಿನ್ನು ಮೇಲೆ ಕೇವಲ ಹೆಣ್ಣು ಕರುಗಳಿಗೆ ಜನ್ಮ ನೀಡಲಿವೆ. ಅಲ್ಲಿನ ರಾಜ್ಯ ಸರಕಾರ ದನಗಳಿಗಾಗಿ ‘ಬೇಟಿ ಬನಾವೋ’ ಯೋಜನೆಯನ್ನು ಜಾರಿಗೆ ತರುತ್ತಿದ್ದು ಲಿಂಗವನ್ನು ಮೊದಲೇ ನಿರ್ಣಯಿಸಬಹುದಾದ ಲಿಂಗ ವರ್ಗೀಕೃತ ವೀರ್ಯ ತಂತ್ರಜ್ಞಾನವನ್ನು ಪರಿಚಯಿಸುತ್ತಿದೆ. 

ಜಾನುವಾರು ಮಾರುಕಟ್ಟೆಯಲ್ಲಿ ಹಸುವಿಗೆ 90% ಕ್ಕಿಂತ ಹೆಚ್ಚು ಬೇಡಿಕೆ ಇದೆ. ಎತ್ತುಗಳನ್ನು ಕೇವಲ ಸಂತಾನೋತ್ಪತ್ತಿಯ ಉದ್ದೇಶಕ್ಕಾಗಿ ಮಾತ್ರ ಬಳಸಲಾಗುತ್ತಿದ್ದು ಅವುಗಳ ಬೇಡಿಕೆ 10% ಕ್ಕಿಂತ ಕಡಿಮೆ ಇದೆ. 

ಇದಕ್ಕಾಗಿ ಪ್ರಯೋಗಶಾಲೆ ಸ್ಥಾಪಿಸಲು ಅಮೇರಿಕಾ ಮೂಲದ ಕಂಪನಿಯೊಂದರ ಜತೆ ಸರಕಾರ ಒಪ್ಪಂದ ಮಾಡಿಕೊಂಡಿದ್ದು, ದೇಶದಲ್ಲಿನ ಟಾಪ್ 10 ವೀರ್ಯ ಕೇಂದ್ರಗಳಲ್ಲಿ ಒಂದಾದ ಭೋಪಾಲ್ ಕೇಂದ್ರ ವೀರ್ಯ ಕೇಂದ್ರದಲ್ಲಿ ಈ ಪ್ರಯೋಗಾಲಯವನ್ನು ಸ್ಥಾಪಿಸಲಾಗುವುದು. 

“ಲಿಂಗ ವರ್ಗೀಕೃತ ವೀರ್ಯ ತಂತ್ರಜ್ಞಾನವನ್ನು 8 ತಿಂಗಳೊಳಗೆ ರಾಜ್ಯದಲ್ಲಿ ಪರಿಚಯಿಸುತ್ತೇವೆ. ಇದು ಬೀದಿ ದನಗಳ ನಿಯಂತ್ರಣಕ್ಕೆ ಸಹಾಯಕವಾಗಲಿದೆ. ಜತೆಗೆ ಜಾನುವಾರು ಸಾಕಣೆದಾರರಿಗೆ ಲಿಂಗ ನಿರ್ಧರಿಸುವ ಆಯ್ಕೆಯನ್ನು ನೀಡುತ್ತದೆ. 90% ಜನರು ಎತ್ತುಗಳಿಗಿಂತ ಆಕಳಿಗೆ ಹೆಚ್ಚಿನ ಆದ್ಯತೆ ನೀಡುತ್ತಾರೆ. ವರ್ಷಕ್ಕೆ 2 ಲಕ್ಷ ವರ್ಗೀಕೃತ ವೀರ್ಯ ಅಭಿವೃದ್ಧಿ ಪಡಿಸುವ ಗುರಿ ನಮ್ಮದು ಎಂದು ರಾಜ್ಯ ಜಾನುವಾರು ಮತ್ತು ಕೋಳಿ ಅಭಿವೃದ್ಧಿ ನಿಗಮದ ವ್ಯವಸ್ಥಾಪಕ ನಿರ್ದೇಶಕ ಹೆಚ್‌ಬಿಎಸ್ ಭದೋರಿಯಾ ತಿಳಿಸಿದ್ದಾರೆ.