ಬೇನಾಮಿ ಪ್ರಕರಣಗಳ ತ್ವರಿತ ವಿಚಾರಣೆಗೆ ನ್ಯಾಯಾಧಿಕರಣ

0
379

ಕಪ್ಪುಹಣ ದಂಧೆಗೆ ಕಡಿವಾಣ ಹಾಕುವ ನಿಟ್ಟಿನಲ್ಲಿ ದಿಟ್ಟ ನಡೆಗಳನ್ನು ಪ್ರದರ್ಶಿಸುತ್ತಿರುವ ಕೇಂದ್ರ ಸರಕಾರ ಈಗ ಮತ್ತೊಂದು ಕ್ರಮ ಕೈಗೊಂಡಿದೆ. ಬೇನಾಮಿ ವ್ಯವಹಾರಗಳಿಗೆ ಸಂಬಂಸಿದ ಪ್ರಕರಣಗಳ ಶೀಘ್ರ ವಿಲೇವಾರಿಗೆ ನ್ಯಾಯಾಧಿಕರಣ ಮತ್ತು ನ್ಯಾಯ ತೀರ್ಮಾನ ಪ್ರಾಕಾರ ರಚಿಸುವ ಪ್ರಸ್ತಾವನೆಗೆ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದಲ್ಲಿ ಅಕ್ಟೋಬರ್ 24 ಬುಧವಾರ ನಡೆದ ಸಚಿವ ಸಂಪುಟ ಸಭೆ ಒಪ್ಪಿಗೆ ನೀಡಿದೆ.

ಹೊಸದಿಲ್ಲಿ:ಕಪ್ಪುಹಣ ದಂಧೆಗೆ ಕಡಿವಾಣ ಹಾಕುವ ನಿಟ್ಟಿನಲ್ಲಿ ದಿಟ್ಟ ನಡೆಗಳನ್ನು ಪ್ರದರ್ಶಿಸುತ್ತಿರುವ ಕೇಂದ್ರ ಸರಕಾರ ಈಗ ಮತ್ತೊಂದು ಕ್ರಮ ಕೈಗೊಂಡಿದೆ. ಬೇನಾಮಿ ವ್ಯವಹಾರಗಳಿಗೆ ಸಂಬಂಸಿದ ಪ್ರಕರಣಗಳ ಶೀಘ್ರ ವಿಲೇವಾರಿಗೆ ನ್ಯಾಯಾಧಿಕರಣ ಮತ್ತು ನ್ಯಾಯ ತೀರ್ಮಾನ ಪ್ರಾಕಾರ ರಚಿಸುವ ಪ್ರಸ್ತಾವನೆಗೆ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದಲ್ಲಿ ಅಕ್ಟೋಬರ್ 24 ಬುಧವಾರ ನಡೆದ ಸಚಿವ ಸಂಪುಟ ಸಭೆ ಒಪ್ಪಿಗೆ ನೀಡಿದೆ. 

ಖೊಟ್ಟಿ ದಾಖಲೆಗಳ ಮೂಲಕ ನಕಲಿ ಮಾಲೀಕರನ್ನು ಸೃಷ್ಟಿಸಿ ಅಸ್ತಿ ತ್ವದಲ್ಲಿಯೇ ಇರದ ಕಂಪನಿ/ಸಂಸ್ಥೆಗಳನ್ನು ಹುಟ್ಟುಹಾಕಿ ನಡೆಸುವ ಎಲ್ಲ ಅಕ್ರಮ ವಹಿವಾಟು ಬೇನಾಮಿ ಪ್ರಕರಣಗಳು ಎನಿಸಿಕೊಳ್ಳುತ್ತವೆ. ಎಲ್ಲ ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶದಲ್ಲಿರುವ ಸೆಷನ್ಸ್‌ ಕೋರ್ಟ್‌ಗಳೇ ತ್ವರಿತ ನ್ಯಾಯಾಲಯವಾಗಿ ಇಂತಹ ಪ್ರಕರಣಗಳ ವಿಚಾರಣೆ ನಡೆಸಲಿದೆ ಎಂದು ಸರಕಾರ ಈ ಹಿಂದೆ ತಿಳಿಸಿತ್ತು. ಈಗ ಇವುಗಳ ಶೀಘ್ರ ವಿಲೇವಾರಿಗೆ ನ್ಯಾಯಾಧಿಕರಣ ಮತ್ತು ನ್ಯಾಯ ತೀರ್ಮಾನ ಪ್ರಾಧಿಕಾರ ರಚನೆಯಾಗಲಿದೆ. ಇದು ಕಾಳಧನಕ್ಕೆ ಕಡಿವಾಣ ಹಾಕಲು ಹಾಗೂ ತೆರಿಗೆ ವಂಚಕರಲ್ಲಿ ಭಯ ಹುಟ್ಟಿಸಲು ನೆರವಾಗಲಿದೆ. 

ಉದ್ದೇಶಿತ ಸಂಸ್ಥೆಯು 2016ರ ಬೇನಾಮಿ ಸ್ವತ್ತುಗಳ ವಹಿವಾಟು ನಿಷೇಧ ಕಾಯಿದೆ ವ್ಯಾಪ್ತಿಯಲ್ಲಿ ಪ್ರಕರಣಗಳ ವಿಚಾರಣೆ ನಡೆಸಲಿದೆ. ದಿಲ್ಲಿಯಲ್ಲಿ ಇದು ಕೇಂದ್ರ ಕಚೇರಿ ಹೊಂದಲಿದೆ. ನ್ಯಾಯ ತೀರ್ಮಾನ ಪ್ರಾಧಿಕಾರದ ನ್ಯಾಯಪೀಠಗಳು ಕೋಲ್ಕೊತಾ, ಮುಂಬಯಿ ಮತ್ತು ಚೆನ್ನೈನಲ್ಲಿ ಇರಲಿವೆ ಎಂದು ಪ್ರಕಟಣೆ ತಿಳಿಸಿದೆ.