ಬರಲಿದೆ 100 ರೂ. ಹೊಸ ನೋಟು

0
25

ನೋಟು ಅಮಾನ್ಯದ ಬಳಿಕ ಚಲಾವಣೆಯಲ್ಲಿದ್ದ ಎಲ್ಲ ಮುಖಬೆಲೆಯ ನೋಟುಗಳನ್ನೂ ಕ್ರಮವಾಗಿ ಹೊಸ ವಿನ್ಯಾಸದಲ್ಲಿ ಆರ್‌ಬಿಐ ಬಿಡುಗಡೆ ಮಾಡುತ್ತಿದೆ. ಈಗ 100 ರೂ. ಸರದಿ. ನೇರಳೆ ಬಣ್ಣದಲ್ಲಿ ಹೊಸ ನೋಟು ಮುದ್ರಣವನ್ನು ಆರ್‌ಬಿಐ ಆರಂಭಿಸಿದ್ದು, ಆಗಸ್ಟ್‌ ಅಥವಾ ಸೆಪ್ಟೆಂಬರ್‌ ಹೊತ್ತಿಗೆ ಚಲಾವಣೆಗೆ ಬರಲಿವೆ.

ಹೊಸದಿಲ್ಲಿ : ನೋಟು ಅಮಾನ್ಯದ ಬಳಿಕ ಚಲಾವಣೆಯಲ್ಲಿದ್ದ ಎಲ್ಲ ಮುಖಬೆಲೆಯ ನೋಟುಗಳನ್ನೂ ಕ್ರಮವಾಗಿ ಹೊಸ ವಿನ್ಯಾಸದಲ್ಲಿ ಆರ್‌ಬಿಐ ಬಿಡುಗಡೆ ಮಾಡುತ್ತಿದೆ. ಈಗ 100 ರೂ. ಸರದಿ. ನೇರಳೆ ಬಣ್ಣದಲ್ಲಿ ಹೊಸ ನೋಟು ಮುದ್ರಣವನ್ನು ಆರ್‌ಬಿಐ ಆರಂಭಿಸಿದ್ದು, ಆಗಸ್ಟ್‌ ಅಥವಾ ಸೆಪ್ಟೆಂಬರ್‌ ಹೊತ್ತಿಗೆ ಚಲಾವಣೆಗೆ ಬರಲಿವೆ. 

ಮಧ್ಯಪ್ರದೇಶದ ದೇವಸ್‌ ಮುದ್ರಣಾಲಯದಲ್ಲಿ ಹೊಸ ನೋಟಿನ ಮುದ್ರಣ ಆರಂಭಗೊಂಡಿದೆ. ಹೊಸ ನೋಟು ಬಂದರೂ, ಹಳೆಯ ನೋಟುಗಳ ಚಲಾವಣೆ ಎಂದಿನಂತೆ ಮುಂದುವರಿಯಲಿದೆ ಎಂದು ಮಾಧ್ಯಮ ವರದಿಯಲ್ಲಿ ಹೇಳಲಾಗಿದೆ. 

* ಹೊಸ ನೋಟು, ಹಳೆಯದಕ್ಕಿಂತಲೂ ಗಾತ್ರದಲ್ಲಿ ಸ್ವಲ್ಪ ಕಿರಿದಾಗಿರಲಿದೆ. 10 ರೂ. ಮುಖಬೆಲೆಯ ನೋಟಿಗಿಂತಲೂ ಸ್ವಲ್ಪ ದೊಡ್ಡ ಗಾತ್ರ. 

* ಗುಜರಾತ್‌ನ ಪಠಾಣ್‌ ನಗರದಲ್ಲಿನ ಇತಿಹಾಸ ಪ್ರಸಿದ್ಧ ‘ರಾಣಿ ಕಿ ವಾವ್‌’ನ ಚಿತ್ರವನ್ನು ಹೊಸ ನೋಟು ಹೊಂದಿರಲಿದೆ. ಇದೊಂದು ಮನಮೋಹಕ ಮೆಟ್ಟಿಲುಬಾವಿ. 

* ಸ್ವದೇಶಿ ಇಂಕನ್ನು ಬಳಸಿಯೇ ಹೊಸ ನೋಟು ಮುದ್ರಣ. 

ಎಟಿಎಂನಲ್ಲಿ ಬದಲಾವಣೆ 

ದೇಶದ ಎಟಿಎಂಗಳನ್ನು ಹೊಸ ನೋಟಿನ ಗಾತ್ರಕ್ಕೆ ತಕ್ಕನಾಗಿ ಬದಲಾವಣೆ ಮಾಡಬೇಕಾಗುತ್ತದೆ. ಈಗಾಗಲೇ ಭಿನ್ನ ಗಾತ್ರದಲ್ಲಿ ಮುದ್ರಣಗೊಂಡ 2,000, 500 ಮತ್ತು 200 ರೂ.ಗಳ ಸಲುವಾಗಿ ಎಟಿಎಂಗಳನ್ನು ಅಪ್‌ಡೇಟ್‌ ಮಾಡಲಾಗಿತ್ತು.