ಪಾಕ್‌ಗೆ ಚೀನಾದಿಂದ 600 ಕೋಟಿ ಡಾಲರ್‌ ನೆರವು

0
207

ಆರ್ಥಿಕ ಕುಸಿತದಿಂದ ಕಂಗೆಟ್ಟಿರುವ ಪಾಕಿಸ್ತಾನಕ್ಕೆ 600 ಕೋಟಿ ಡಾಲರ್‌ ನೆರವು ನೀಡಲು ಚೀನಾ ಮುಂದಾಗಿದೆ. ಅಂತಾರಾಷ್ಟ್ರೀಯ ಹಣಕಾಸು ಸಂಸ್ಥೆ ಐಎಂಎಫ್‌ ಮೇಲಿನ ಅವಲಂಬನೆಯನ್ನು ತಗ್ಗಿಸುವ ನಿಟ್ಟಿನಲ್ಲಿ ಸಹಾಯ ಕೋರಿ ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರೊಂದಿಗೆ ಪಾಕಿಸ್ತಾನ ಪ್ರಧಾನಿ ಇಮ್ರಾನ್‌ ಖಾನ್‌ ನವೆಂಬರ್ 2 ರ ಶುಕ್ರವಾರ ಮಾತುಕತೆ ನಡೆಸಿದರು. ಈ ವೇಳೆ ಜಿನ್‌ಪಿಂಗ್‌ ನೆರವು ಘೋಷಿಸಿದರು. ನಾಲ್ಕು ದಿನಗಳ ಪ್ರವಾಸಕ್ಕಾಗಿ ಇಮ್ರಾನ್‌ ಖಾನ್‌ ಶುಕ್ರವಾರ ಚೀನಾಕ್ಕೆ ತೆರಳಿದ್ದಾರೆ.

ಬೀಜಿಂಗ್‌: ಆರ್ಥಿಕ ಕುಸಿತದಿಂದ ಕಂಗೆಟ್ಟಿರುವ ಪಾಕಿಸ್ತಾನಕ್ಕೆ 600 ಕೋಟಿ ಡಾಲರ್‌ ನೆರವು ನೀಡಲು ಚೀನಾ ಮುಂದಾಗಿದೆ. ಅಂತಾರಾಷ್ಟ್ರೀಯ ಹಣಕಾಸು ಸಂಸ್ಥೆ ಐಎಂಎಫ್‌ ಮೇಲಿನ ಅವಲಂಬನೆಯನ್ನು ತಗ್ಗಿಸುವ ನಿಟ್ಟಿನಲ್ಲಿ ಸಹಾಯ ಕೋರಿ ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರೊಂದಿಗೆ ಪಾಕಿಸ್ತಾನ ಪ್ರಧಾನಿ ಇಮ್ರಾನ್‌ ಖಾನ್‌ ನವೆಂಬರ್ 2 ರ ಶುಕ್ರವಾರ ಮಾತುಕತೆ ನಡೆಸಿದರು. ಈ ವೇಳೆ ಜಿನ್‌ಪಿಂಗ್‌ ನೆರವು ಘೋಷಿಸಿದರು. ನಾಲ್ಕು ದಿನಗಳ ಪ್ರವಾಸಕ್ಕಾಗಿ ಇಮ್ರಾನ್‌ ಖಾನ್‌ ಶುಕ್ರವಾರ ಚೀನಾಕ್ಕೆ ತೆರಳಿದ್ದಾರೆ. 

ಇದರ ಜತೆಗೆ, 150 ಕೋಟಿ ಡಾಲರ್‌ ಸಾಲ ಮತ್ತು ಚೀನಾ-ಪಾಕಿಸ್ತಾನ ಆರ್ಥಿಕ ಕಾರಿಡಾರ್‌(ಸಿಪಿಇಸಿ) ಯೋಜನೆಗೆ ಹೆಚ್ಚುವರಿಯಾಗಿ 300 ಕೋಟಿ ಡಾಲರ್‌ ನೆರವು ನೀಡಲೂ ಚೀನಾ ನಿರ್ಧರಿಸಿದೆ. ಇದು ಪಾಕಿಸ್ತಾನಕ್ಕೆ ಸಿಗುತ್ತಿರುವ ಎರಡನೇ ವಿದೇಶಿ ನೆರವು. ಕಳೆದ ತಿಂಗಳು ಸೌದಿ ಸರಕಾರ ಪಾಕಿಸ್ತಾನಕ್ಕೆ ತೈಲ ಆಮದಿನಲ್ಲಿ 300 ಕೋಟಿ ಡಾಲರ್‌ ನೆರವು ಸೇರಿದಂತೆ ಒಟ್ಟು 600 ಕೋಟಿ ಡಾಲರ್‌ ನೆರವಿನ ಭರವಸೆ ನೀಡಿದೆ. ತಮ್ಮ ದೇಶ ಆರ್ಥಿಕವಾಗಿ ದಿವಾಳಿಯಾಗಿದೆ ಎಂದು ಘೋಷಿಸಿಕೊಂಡಿರವ ಪಾಕಿಸ್ತಾನವು, ಅಂತಾರಾಷ್ಟ್ರೀಯ ಹಣಕಾಸು ನಿಧಿಯಿಂದ ಬೃಹತ್‌ ಮೊತ್ತದ ನೆರವು ಯಾಚಿಸಿದೆ.