ನೊಬೆಲ್‌ ಪುರಸ್ಕೃತ ಸಾಹಿತಿ ವಿ.ಎಸ್‌.ನೈಪಾಲ್‌ ನಿಧನ: ರಾಷ್ಟ್ರಪತಿ, ಪ್ರಧಾನಿ ಸೇರಿ ಗಣ್ಯರಿಂದ ಸಂತಾಪ

0
8

ನೊಬೆಲ್ ಪ್ರಶಸ್ತಿ ವಿಜೇತ ವಿ. ಎಸ್‌.ನೈಪಾಲ್‌ ( 85) ತಮ್ಮ ಲಂಡನ್ ನಿವಾಸದಲ್ಲಿ 2018 ರ ಆಗಸ್ಟ್ 11 ರಂದು ನಿಧನರಾಗಿದ್ದಾರೆ. ಟ್ರಿನಿಡಾಡ್‌ನಲ್ಲಿ ಜನಿಸಿದ್ದ ನೈಪಾಲ್, ತಮ್ಮ ‘ಎ ಬೆಂಡ್‌ ಇನ್‌ ದಿ ರಿವರ್‌’ ಮತ್ತು ‘ಎ ಹೌಸ್‌ ಫಾರ್‌ ಮಿ. ಬಿಸ್ವಾಸ್’ ಎಂಬ ಕಾದಂಬರಿಗಳನ್ನು ಬರೆದ ಹಾಗೂ ಅವರ ಕೆಲ ವ್ಯಕ್ತಿತ್ವಗಳಿಂದ ವಿಶ್ವದ ಅತ್ಯಂತ ಪ್ರಶಂಸನೀಯ ಮತ್ತು ವಿವಾದಾತ್ಮಕ ಬರಹಗಾರ ಎನಿಸಿಕೊಂಡಿದ್ದರು.

ಲಂಡನ್: ನೊಬೆಲ್ ಪ್ರಶಸ್ತಿ ವಿಜೇತ ವಿ. ಎಸ್‌.ನೈಪಾಲ್‌ ( 85) ತಮ್ಮ ಲಂಡನ್ ನಿವಾಸದಲ್ಲಿ 2018 ರ ಆಗಸ್ಟ್ 11 ರಂದು ನಿಧನರಾಗಿದ್ದಾರೆ. ಟ್ರಿನಿಡಾಡ್‌ನಲ್ಲಿ ಜನಿಸಿದ್ದ ನೈಪಾಲ್, ತಮ್ಮ ‘ಎ ಬೆಂಡ್‌ ಇನ್‌ ದಿ ರಿವರ್‌’ ಮತ್ತು ‘ಎ ಹೌಸ್‌ ಫಾರ್‌ ಮಿ. ಬಿಸ್ವಾಸ್’ ಎಂಬ ಕಾದಂಬರಿಗಳನ್ನು ಬರೆದ ಹಾಗೂ ಅವರ ಕೆಲ ವ್ಯಕ್ತಿತ್ವಗಳಿಂದ ವಿಶ್ವದ ಅತ್ಯಂತ ಪ್ರಶಂಸನೀಯ ಮತ್ತು ವಿವಾದಾತ್ಮಕ ಬರಹಗಾರ ಎನಿಸಿಕೊಂಡಿದ್ದರು. 

” ನೈಪಾಲ್ ಅವರು ಸಾಧಿಸಿದ್ದೆಲ್ಲದರಲ್ಲಿ ಒಬ್ಬ ದೈತ್ಯ ಹಾಗೂ ಅವರು ಮೃತಪಟ್ಟಾಗ ಪ್ರೀತಿಸುವವರೊಂದಿಗೆ ಜೀವಿಸಿದ್ದರು. ಜೀವನದುದ್ದಕ್ಕೂ ಅದ್ಭುತ ಸೃಜನಶೀಲತೆಯನ್ನು ಬೆಳೆಸಿಕೊಂಡಿದ್ದರು” ಎಂದು ಪತ್ನಿ ನದಿರಾ ನೈಪಾಲ್ ಹೇಳಿದ್ದಾರೆ. 

ಇನ್ನು, ”ನೈಪಾಲ್‌ ಸಾವಿಗೂ ಮುಂಚೆಯಿಂದಲೇ ಅವರ ಆರೋಗ್ಯ ಹದಗೆಟ್ಟಿತ್ತು” ಎಂದು ಅವರ ಗೆಳೆಯ ಹಾಗೂ ಬರಹಗಾರ ಪಾಲ್ ಥೆರೋಕ್ಸ್‌ ಹೇಳಿದ್ದಾರೆ. ಅಲ್ಲದೆ, ”ನಮ್ಮ ಕಾಲದ ಅದ್ಭುತ ಬರಹಗಾರ ಎಂದು ನೈಪಾಲ್ ನೆನಪಿನಲ್ಲಿರುತ್ತಾರೆ ಎಂದೂ ಹೇಳಿದ್ದಾರೆ. ಅವರು ಸುಳ್ಳನ್ನು ಬರೆಯುತ್ತಿರಲಿಲ್ಲ. ತುಂಬ ವಿವೇಚನೆಯುಳ್ಳವರಾಗಿದ್ದರು” ಎಂದು ನೈಪಾಲ್‌ ಸಾವಿನ ಬಗ್ಗೆ ಪಾಲ್‌ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ್ದಾರೆ. 

ನೈಪಾಲ್‌ ಕಾಲ್ಪನಿಕ ಹಾಗೂ ಕಾಲ್ಪನಿಕವಲ್ಲದ ಕಥೆಗಳನ್ನು ಬರೆದಿದ್ದು, ಇದು ಅವರ ಟ್ರಿನಿಡಾಡ್‌ನಿಂದ ಲಂಡನ್‌ಗೆ ಹಾಗೂ ಹಲವು ದೇಶಗಳನ್ನು ಸುತ್ತಿ ಬಂದಿರುವ ಅನುಭವಗಳು ಪ್ರತಿಬಿಂಬಿತವಾಗಿದೆ. 2001ರಲ್ಲಿ ಸಾಹಿತ್ಯದ ವಿಭಾಗದಲ್ಲಿ ನೊಬೆಲ್‌ ಪ್ರಶಸ್ತಿಗೆ ಭಾಜನರಾಗಿದ್ದರು. ಹಳ್ಳಿಯಲ್ಲಿ ಬೆಳೆದ ಅವರ ಬಾಲ್ಯ ಹಾಗೂ ಇಂಗ್ಲೆಂಡ್‌ನಲ್ಲಿ ಮೇಲ್ವರ್ಗದಲ್ಲಿ ಬೆಳೆದಿದ್ದಾರೆ. ಅಲ್ಲದೆ, 20ನೇ ದಶಕದ ಮಹಾನ್‌ ಬರಹಗಾರರಲ್ಲೊಬ್ಬರು ಎಂಬ ಖ್ಯಾತಿಗೆ ಒಳಗಾಗಿದ್ದಾರೆ. 

ನೊಬೆಲ್‌ ಪುರಸ್ಕೃತ ನೈಪಾಲ್‌ ನಿಧನಕ್ಕೆ ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್, ಪ್ರಧಾನಿ ಮೋದಿ, ಲೇಖಕ ಸಲ್ಮಾನ್‌ ರಶ್ದಿ ಸೇರಿ ಹಲವು ಗಣ್ಯರು ಸಂತಾಪ ಸೂಚಿಸಿದ್ದಾರೆ.