ನಿರಾಳ ಬದುಕು ಸೂಚ್ಯಂಕದಲ್ಲಿ ಆಂಧ್ರಕ್ಕೆ ಮೊದಲ ಸ್ಥಾನ

0
512

ಸುಗಮ ಸಾರಿಗೆ, ರಸ್ತೆ ಸಂಪರ್ಕ, ಉತ್ತಮ ಒಳಚರಂಡಿ ವ್ಯವಸ್ಥೆ, ಕುಡಿಯುವ ನೀರಿನ ಪೂರೈಕೆ, ಬೀದಿ ದೀಪ ಅಳವಡಿಕೆ ಮತ್ತಿತರ ಮೂಲಸೌಕರ್ಯಗಳ ಮಾನದಂಡಗಳ ಆಧಾರದಲ್ಲಿ ನಿರಾಳ ಬದುಕಿನ (ಈಸಿ ಆಫ್‌ ಲೈಫ್‌) ಸೂಚ್ಯಂಕ ಸಿದ್ಧಪಡಿಸಲಾಗಿದೆ.ಆಂಧ್ರ ಪ್ರದೇಶ

ಹೊಸದಿಲ್ಲಿ : ಯಾವುದೇ ಅಡ್ಡಿ ಆತಂಕಗಳಿಲ್ಲದೇ ನಗರ ನಿವಾಸಿಗಳ ಜೀವನಶೈಲಿಯನ್ನು ಸರಳಗೊಳಿಸುವ ನಿರಾಳ ಬದುಕಿನ ಸೂಚ್ಯಂಕದಲ್ಲಿ ಆಂಧ್ರ ಪ್ರದೇಶ ಮೊದಲ ಸ್ಥಾನದಲ್ಲಿದೆ. ‘ಅಟಲ್‌ ಮಿಷನ್‌ ಫಾರ್‌ ರೆಜ್ಯುವಿನೇಷನ್‌ ಅಂಡ್‌ ಅರ್ಬನ್‌ ಟ್ರಾನ್ಸ್‌ಫಾರ್ಮೆಶನ್‌’ (ಅಮೃತ್‌) ಯೋಜನೆಯಡಿ ಸಿದ್ಧಪಡಿಸಲಾದ ಸೂಚ್ಯಂಕದಲ್ಲಿ ಆಂಧ್ರದ ನಂತರದ ಸ್ಥಾನದಲ್ಲಿ ಒಡಿಶಾ, ಮಧ್ಯಪ್ರದೇಶ ಇದೆ ಎಂದು ಕೇಂದ್ರ ವಸತಿ ಮತ್ತು ನಗರಾಭಿವೃದ್ಧಿ ಸಚಿವಾಲಯ ಸೋಮವಾರ ಪ್ರಕಟಿಸಿದೆ. 

ಸುಗಮ ಸಾರಿಗೆ, ರಸ್ತೆ ಸಂಪರ್ಕ, ಉತ್ತಮ ಒಳಚರಂಡಿ ವ್ಯವಸ್ಥೆ, ಕುಡಿಯುವ ನೀರಿನ ಪೂರೈಕೆ, ಬೀದಿ ದೀಪ ಅಳವಡಿಕೆ ಮತ್ತಿತರ ಮೂಲಸೌಕರ್ಯಗಳ ಮಾನದಂಡಗಳ ಆಧಾರದಲ್ಲಿ ನಿರಾಳ ಬದುಕಿನ (ಈಸಿ ಆಫ್‌ ಲೈಫ್‌) ಸೂಚ್ಯಂಕ ಸಿದ್ಧಪಡಿಸಲಾಗಿದೆ. ನಗರವಾಸಿಗಳ ಬದುಕನ್ನು ಹೈರಾಣಾಗಿಸದೇ ಸರಳಗೊಳಿಸುವ ನಿಟ್ಟಿನಲ್ಲಿ ಈ ಸೂಚ್ಯಂಕವು ನಗರಗಳ ಮಧ್ಯೆ ನಗರ ಯೋಜನೆ ಮತ್ತು ನಿರ್ವಹಣೆಯಲ್ಲಿ ಆರೋಗ್ಯಕರ ಸ್ಪರ್ಧೆ ಹುಟ್ಟುಹಾಕಲಿದೆ ಎಂದು ಕೇಂದ್ರ ಸಚಿವ ಹರ್ದೀಪ್‌ ಸಿಂಗ್‌ ಪುರಿ ಹೇಳಿದರು. ಸುಸ್ಥಿರ ನಗರಾಭಿವೃದ್ಧಿ ವಿಚಾರದಲ್ಲೂ ಇದು ಮಹತ್ವದ್ದಾಗಲಿದೆ ಎಂದರು. 

ಅಮೃತ್‌ ಯೋಜನೆಯಡಿ ಇದುವರೆಗೂ ದೇಶದಲ್ಲಿ 24 ಲಕ್ಷಕ್ಕೂ ಹೆಚ್ಚು ಮನೆಗಳಿಗೆ ಕೊಳವೆ ಮಾರ್ಗದಲ್ಲಿ ಕುಡಿಯುವ ನೀರು ಪೂರೈಸಲಾಗಿದೆ ಎಂದು ಅವರು ತಿಳಿಸಿದರು.