ಟರ್ಕಿ ಎಫೆಕ್ಟ್: ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ರೂಪಾಯಿ ಕುಸಿತ

0
62

ಭಾರತೀಯ ರೂಪಾಯಿ ಮೌಲ್ಯವು ಇತಿಹಾಸದಲ್ಲಿ ಎಂದೂ ಕಾಣದಂಥ ಕನಿಷ್ಠ ಮಟ್ಟಕ್ಕೆ ಅಂದರೆ ರೂ. 69.91ಕ್ಕೆ ಕುಸಿದಿದೆ. ರೂ.70ರ ಸಮೀಪಕ್ಕೆ ಬಂದಿದೆ. ಟರ್ಕಿಯ ಆರ್ಥಿಕ ಬಿಕ್ಕಟ್ಟು ಭಾರತದ ರೂಪಾಯಿಯನ್ನು ದುರ್ಬಲಗೊಳಿಸಿರುವುದೇ ಇದಕ್ಕೆ ಕಾರಣ. ಟರ್ಕಿ

ಮುಂಬಯಿ: ಭಾರತೀಯ ರೂಪಾಯಿ ಮೌಲ್ಯವು ಇತಿಹಾಸದಲ್ಲಿ ಎಂದೂ ಕಾಣದಂಥ ಕನಿಷ್ಠ ಮಟ್ಟಕ್ಕೆ ಅಂದರೆ ರೂ. 69.91ಕ್ಕೆ ಕುಸಿದಿದೆ. ರೂ.70ರ ಸಮೀಪಕ್ಕೆ ಬಂದಿದೆ. ಟರ್ಕಿಯ ಆರ್ಥಿಕ ಬಿಕ್ಕಟ್ಟು ಭಾರತದ ರೂಪಾಯಿಯನ್ನು ದುರ್ಬಲಗೊಳಿಸಿರುವುದೇ ಇದಕ್ಕೆ ಕಾರಣ. 

ಈ ಹಿಂದೆ ಕನಿಷ್ಠ ರೂ.69.20ಕ್ಕೆ ರೂಪಾಯಿ ಕುಸಿದಿತ್ತು. ಈಗ ರೂ.69.91ಕ್ಕೆ ರೂಪಾಯಿ ಮೌಲ್ಯ ಇಳಿಕೆಯಾಗಿದೆ. ಡಾಲರ್‌ ಎದುರು ಸೋಮವಾರ ರೂಪಾಯಿ ಮೌಲ್ಯವು ರೂ. 1.08 ಅಥವಾ ಶೇ.1.57ರಷ್ಟು ಕುಸಿದಿದೆ. ಪರಿಸ್ಥಿತಿ ಹೀಗೆಯೇ ಮುಂದುವರಿಯುವ ಸಾಧ್ಯತೆಗಳಿದ್ದು, ರೂಪಾಯಿ ಮೌಲ್ಯ ಸರಿದೂಗಿಸಲು ರಿಸರ್ವ್‌ ಬ್ಯಾಂಕ್‌ ಮಧ್ಯಪ್ರವೇಶಿಸುವ ಸಾಧ್ಯತೆ ಇದೆ. ಆರ್ಥಿಕ ನೀತಿಗಳಲ್ಲಿ ಬದಲಾವಣೆ ತಂದು ರೂಪಾಯಿ ಮೌಲ್ಯ ಕಾಯ್ದುಕೊಳ್ಳಲು ಆರ್‌ಬಿಐ ಯತ್ನಿಸುವ ಸಾಧ್ಯತೆಗಳಿವೆ. 

ಚೀನಾದೊಂದಿಗೆ ಆರ್ಥಿಕ ಸಮರ ಸಾರಿರುವ ಅಮೆರಿಕ, ಈಗ ತನ್ನ ಡಾಲರ್‌ ಮೌಲ್ಯ ವೃದ್ಧಿಗೆ ಮುಂದಾಗಿದೆ. ಕೃತಕ ಬೇಡಿಕೆ ಸೃಷ್ಟಿಸುವ ಮೂಲಕ, ಇತರೆ ದೇಶಗಳ ಕರೆನ್ಸಿಗಳನ್ನು ದುರ್ಬಲಗೊಳಿಸುತ್ತಿದೆ. ಇದು ಜಾಗತಿಕ ಆರ್ಥಿಕ ಬಿಕ್ಕಟ್ಟಿಗೆ ದಾರಿಯಾಗುವ ಅಪಾಯವೂ ಇದೆ. 

ಅಮೆರಿಕದೊಂದಿಗೆ ಟರ್ಕಿಯ ರಾಜತಾಂತ್ರಿಕ ಸಂಬಂಧ ಹಳಸಿದ್ದು ಆರ್ಥಿಕ ನಿರ್ಬಂಧ ಜಾರಿಯಲ್ಲಿದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸರಕು ಸೇವೆಗೆ ತೊಡಕಾಗಿದೆ. ಟರ್ಕಿಯ ಕರೆನ್ಸಿಯಾದ ಲಿರಾ ಶೇ.8ರಷ್ಟು ಕುಸಿದಿದೆ. ಇದರ ಕಾವು ಭಾರತದ ರೂಪಾಯಿಗೂ ತಟ್ಟಿದೆ. ಪರಿಸ್ಥಿತಿ ಹೀಗೆಯೇ ಮುಂದುವರಿದು, ರೂಪಾಯಿ ಮೌಲ್ಯವು 70 ರೂ.ಗಡಿಯನ್ನು ದಾಟಿ ತೀವ್ರ ಕುಸಿತಕ್ಕೆ ಒಳಗಾಗುವ ಸಾಧ್ಯತೆ ಇದೆ. ಕಳೆದ ಎರಡು ವಹಿವಾಟು ದಿನಗಳಲ್ಲಿ ಲಿರಾ ಶೇ.20ರಷ್ಟು ಇಳಿಕೆಯಾಗಿತ್ತು. 2018ರ ಜನವರಿಯಿಂದ ಈಚೆಗೆ ಶೇ.48ರಷ್ಟು ಕುಸಿದಿದ್ದು, ಆರ್ಥಿಕ ಬಿಕ್ಕಟ್ಟು ತಲೆದೋರಿದೆ. ಲಿರಾ ಕುಸಿತವನ್ನು ಇದು ಅಮೆರಿಕದ ದಾಳಿ ಎಂದು ಟರ್ಕಿ  ಅಧ್ಯಕ್ಷರು ಕರೆದಿದ್ದು, ಟ್ರಂಪ್‌ ಸರಕಾರವನ್ನು ಟೀಕಿಸಿದ್ದಾರೆ. 1 ಲಿರಾ ಮೌಲ್ಯವು ರೂ.10ಕ್ಕೆ ಸಮಾನ.