ಜೆಟ್‌ ಏರ್‌ವೇಸ್‌ ಸ್ಥಾಪಕ ನರೇಶ್‌ ಗೋಯಲ್‌, ಪತ್ನಿ ಅನಿತಾ ರಾಜೀನಾಮೆ

0
374

ಆರ್ಥಿಕ ಸಂಕಷ್ಟದಲ್ಲಿರುವ ಜೆಟ್‌ ಏರ್‌ವೇಸ್ ಸಂಸ್ಥೆಯ ಸ್ಥಾಪಕ ನರೇಶ್‌ ಗೋಯಲ್‌ ಮತ್ತು ಪತ್ನಿ ಅನಿತಾ ಗೋಯಲ್‌ ಆಡಳಿತ ಮಂಡಳಿಗೆ ರಾಜೀನಾಮೆ ನೀಡಿದ್ದಾರೆ. ಜೆಟ್‌ ಏರ್‌ವೇಸ್‌

ಮುಂಬೈ: ಆರ್ಥಿಕ ಸಂಕಷ್ಟದಲ್ಲಿರುವ ಜೆಟ್‌ ಏರ್‌ವೇಸ್ ಸಂಸ್ಥೆಯ ಸ್ಥಾಪಕ ನರೇಶ್‌ ಗೋಯಲ್‌ ಮತ್ತು ಪತ್ನಿ ಅನಿತಾ ಗೋಯಲ್‌ ಆಡಳಿತ ಮಂಡಳಿಗೆ ರಾಜೀನಾಮೆ ನೀಡಿದ್ದಾರೆ. 

25 ವರ್ಷಗಳ ಹಿಂದೆ ಜೆಟ್‌ ಏರ್‌ವೇಸ್ ಸಂಸ್ಥೆಯನ್ನು ಗೋಯಲ್‌ ಹುಟ್ಟು ಹಾಕಿದ್ದರು. ಈಗ ಅದೇ ಸಂಸ್ಥೆಯಿಂದ ಇಬ್ಬರೂ ಹೊರಬಂದಿದ್ದಾರೆ. 

ಆರ್ಥಿಕ ಸಂಕಷ್ಟದಲ್ಲಿರುವ ಜೆಟ್‌ ಏರ್‌ವೇಸ್‌ ಸುಮಾರು 1 ಬಿಲಿಯನ್‌ ಅಮೆರಿಕನ್‌ ಡಾಲರ್‌ಗಿಂತಲೂ ಹೆಚ್ಚು ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿದೆ. 

ಆಡಳಿತ ಮಂಡಳಿಯಿಂದ ಇಬ್ಬರೂ ಹೊರ ನಡೆದಿರುವುದರಿಂದ ಹೆಚ್ಚುವರಿಯಾಗಿ 1500 ಕೋಟಿ ರೂಪಾಯಿ ಆರ್ಥಿಕ ನೆರವು ಸಿಗುವ ಸಾಧ್ಯತೆ ಇದೆ ಎಂದು ಸಂಸ್ಥೆಯ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. 

ಈಗಾಗಲೇ ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿರುವುದರಿಂದ 40ಕ್ಕೂ ಹೆಚ್ಚು ವಿಮಾನಗಳ ಹಾರಾಟವನ್ನು ಜೆಟ್‌ ಏರ್‌ವೇಸ್‌ ರದ್ದುಪಡಿಸಿದೆ. 

2013ರಲ್ಲಿಯೂ ಜೆಟ್‌ ಏರ್‌ವೇಸ್‌ ಸಂಕಷ್ಟದಲ್ಲಿ ಸಿಲುಕಿತ್ತು. ಆದರೆ ಅಬುದಾಬಿಯ ಎತಿಹಾದ್‌ ಸಂಸ್ಥೆ ಮಾಡಿದ ಆರ್ಥಿಕ ನೆರವಿನಿಂದ ಜೀವದಾನ ಪಡೆದಿತ್ತು. ಆಗ ಎತಿಹಾದ್‌ ಸಂಸ್ಥೆಗೆ ಶೇ.24ರಷ್ಟು ಷೇರು ಮಾರಾಟ ಮಾಡಿತ್ತು.