ಜಮ್ಮು ಕಾಶ್ಮೀರದ 22 ಪ್ರತ್ಯೇಕತಾವಾದಿ ನಾಯಕರ ಭದ್ರತೆ ಹಿಂತೆಗೆತ

0
491

ಕಣಿವೆ ರಾಜ್ಯ ಜಮ್ಮು ಮತ್ತು ಕಾಶ್ಮೀರದಲ್ಲಿ ರಾಜ್ಯಪಾಲರ ಆಡಳಿತ ಜಾರಿಗೆ ಬಂದ ನಂತರ 22 ಪ್ರತ್ಯೇಕತಾವಾದಿ ನಾಯಕರು ಸೇರಿದಂತೆ 919 ಅನರ್ಹ ವ್ಯಕ್ತಿಗಳಿಗೆ ಒದಗಿಸಲಾಗಿದ್ದ ಭದ್ರತೆಯನ್ನು ರಾಜ್ಯ ಸರ್ಕಾರ ಹಿಂತೆಗೆದುಕೊಂಡಿದೆ.

ಹೊಸದಿಲ್ಲಿ: ಕಣಿವೆ ರಾಜ್ಯ ಜಮ್ಮು ಮತ್ತು ಕಾಶ್ಮೀರದಲ್ಲಿ ರಾಜ್ಯಪಾಲರ ಆಡಳಿತ ಜಾರಿಗೆ ಬಂದ ನಂತರ 22 ಪ್ರತ್ಯೇಕತಾವಾದಿ ನಾಯಕರು ಸೇರಿದಂತೆ 919 ಅನರ್ಹ ವ್ಯಕ್ತಿಗಳಿಗೆ ಒದಗಿಸಲಾಗಿದ್ದ ಭದ್ರತೆಯನ್ನು ರಾಜ್ಯ ಸರ್ಕಾರ ಹಿಂತೆಗೆದುಕೊಂಡಿದೆ.

ಇದರಿಂದಾಗಿ 2,768 ಪೊಲೀಸ್ ಸಿಬ್ಬಂದಿ ಮತ್ತು 359 ವಾಹನಗಳು ಸಾರ್ವಜನಿಕ ಸೇವೆಗೆ ಲಭ್ಯವಾಗಿವೆ. ಹಲವಾರು ಅನರ್ಹ ವ್ಯಕ್ತಿಗಳು ಭದ್ರತೆಯನ್ನು ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ ಎಂಬ ಅಂಶವನ್ನು ಕೇಂದ್ರ ಸರ್ಕಾರ ಗುರುತಿಸಿದೆ ಎಂದು ಗೃಹ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ. 

ಪ್ರತಿಯೊಂದು ಪ್ರಕರಣದ ಬಗ್ಗೆ ಆಳವಾಗಿ ಅಧ್ಯಯನ ನಡೆಸಿ, ಸೂಕ್ತ ಕ್ರಮ ಕೈಗೊಳ್ಳುವಂತೆ ಕೇಂದ್ರ ಗೃಹ ಸಚಿವಾಲಯ ರಾಜ್ಯ ಸರಕಾರಕ್ಕೆ ಸೂಚನೆ ನೀಡಿತ್ತು. ಎಲ್ಲಾ ಪ್ರಕರಣಗಳನ್ನು ಪರಿಶೀಲಿಸಲು ಜಮ್ಮು ಮತ್ತು ಕಾಶ್ಮೀರದ ರಾಜ್ಯ ಭದ್ರತಾ ಪರಿಶೀಲನಾ ಸಮನ್ವಯ ಸಮಿತಿ-ಎಸ್‌ಆರ್‌ಸಿಸಿ ಹಲವಾರು ಸಭೆಗಳನ್ನು ನಡೆಸಿ, ತೀರ್ಮಾನ ಕೈಗೊಂಡಿದೆ. 

ಕೇಂದ್ರ ಸರಕಾರದ ನಿರ್ದೇಶನದನ್ವಯ ಇನ್ನು ಮುಂದೆ ಎಸ್‌ಆರ್‌ಸಿಸಿ ಪ್ರತಿಯೊಂದು ಪ್ರಕಣವನ್ನು ಪರಿಶೀಲಿಸಿ, ಅಗತ್ಯವೆನಿಸಿದರೆ ಮಾತ್ರ ಭದ್ರತೆ ಒದಗಿಸುವ ಕುರಿತು ನಿರ್ಧರಿಸಲಿದೆ.