ಜನಸಾಮಾನ್ಯರಿಗೆ ಪದ್ಮ ಪ್ರಶಸ್ತಿ: ಈ ಬಾರಿ ದಾಖಲೆ ಸಂಖ್ಯೆಯ ಅರ್ಜಿ ಸ್ವೀಕಾರ

0
572

ಇತ್ತೀಚಿನ ವರ್ಷಗಳಲ್ಲಿ ನಾನಾ ಕ್ಷೇತ್ರಗಳಲ್ಲಿ ತೆರೆಮರೆಯಲ್ಲಿದ್ದುಕೊಂಡೇ ಮಹತ್ವದ ಸಾಧನೆ ಮಾಡಿದವರಿಗೆ ಪದ್ಮ ಪ್ರಶಸ್ತಿಗಳ ಗೌರವ ಸಲ್ಲುತ್ತಿರುವ ಹಿನ್ನೆಲೆಯಲ್ಲಿ, ಈ ವರ್ಷ (2019ರ ಸಾಲಿಗೆ) ದಾಖಲೆ ಪ್ರಮಾಣದ 21 ಸಾವಿರ ನಾಮಪತ್ರಗಳು ಸಲ್ಲಿಕೆಯಾಗಿವೆ.

ಹೊಸದಿಲ್ಲಿ: ಇತ್ತೀಚಿನ ವರ್ಷಗಳಲ್ಲಿ ನಾನಾ ಕ್ಷೇತ್ರಗಳಲ್ಲಿ ತೆರೆಮರೆಯಲ್ಲಿದ್ದುಕೊಂಡೇ ಮಹತ್ವದ ಸಾಧನೆ ಮಾಡಿದವರಿಗೆ ಪದ್ಮ ಪ್ರಶಸ್ತಿಗಳ ಗೌರವ ಸಲ್ಲುತ್ತಿರುವ ಹಿನ್ನೆಲೆಯಲ್ಲಿ, ಈ ವರ್ಷ (2019ರ ಸಾಲಿಗೆ) ದಾಖಲೆ ಪ್ರಮಾಣದ 21 ಸಾವಿರ ನಾಮಪತ್ರಗಳು ಸಲ್ಲಿಕೆಯಾಗಿವೆ. 

ನಾನಾ ಕ್ಷೇತ್ರಗಳಲ್ಲಿ ತೆರೆಮರೆಯ ಕಾಯಿಯಂತೆ ಸೇವೆ ಸಲ್ಲಿಸುತ್ತಿರುವ ಅಪರಿಚಿತ ಮುಖಗಳಿಗೆ ಪದ್ಮ ಪ್ರಶಸ್ತಿಗಳನ್ನು ನೀಡಿ ಶಿಫಾರಸು ಮಾಡಿದ 21,228 ಅರ್ಜಿಗಳನ್ನು ಇದುವರೆಗೆ ಕೇಂದ್ರ ಗೃಹಸಚಿವಾಲಯ ಸ್ವೀಕರಿಸಿದೆ. 

ತಮ್ಮ ಸಾಧನೆಗಳನ್ನು ಗರಿಷ್ಠ 800 ಪದಗಳಲ್ಲಿ ವಿವರಿಸಿ ಯಾರು ಬೇಕಾದರೂ ಅರ್ಜಿ ಸಲ್ಲಿಸಬಹುದಾಗಿದೆ. ಶಿಫಾರಸು ಮಾಡಲಾದ ವ್ಯಕ್ತಿಯ ಸಂಪೂರ್ಣ ಸಾಧನೆ ಮತ್ತು ಗಣನೀಯ ಸೇವೆಗಳನ್ನು ವಿವರಿಸಿರಬೇಕಾಗುತ್ತದೆ.

ಸಾರ್ವಜನಿಕರಿಗೆ ಅಪರಿಚಿತರಾಗಿದ್ದುಕೊಂಡೇ ಗಣನೀಯ ಸೇವೆ/ ಸಾಧನೆಗಳನ್ನು ಮಾಡುತ್ತಿರುವ ವ್ಯಕ್ತಿಗಳಿಗೆ ಪ್ರತಿಷ್ಠಿತ ಪದ್ಮ ಪ್ರಶಸ್ತಿಗಳನ್ನು ನೀಡಿ ಗೌರವಿಸಬೇಕೆಂದು ಪ್ರಧಾನಿ ನರೇಂದ್ರ ಮೋದಿ ಅವರ ನಿಲುವಾಗಿದೆ.