ಚೀನಾ ರಕ್ಷಣಾ ಬಜೆಟ್‌ ಶೇ.7.5 ಏರಿಕೆ

0
462

ಈ ವರ್ಷದ ರಕ್ಷಣಾ ಬಜೆಟ್‌ ಅನ್ನು ಚೀನಾ ಘೋಷಿಸಿದ್ದು, ಕಳೆದ ವರ್ಷಕ್ಕಿಂತ ಶೇ.7.5ರಷ್ಟು ಹೆಚ್ಚಿಸಿದೆ. ರಕ್ಷಣಾ ವೆಚ್ಚದಲ್ಲಿ ಅಮೆರಿಕ ನಂತರ ಎರಡನೇ ಸ್ಥಾನದಲ್ಲಿರುವ ಚೀನಾ, 177.61 ಶತಕೋಟಿ ಡಾಲರ್‌ ಅನ್ನು ರಕ್ಷಣೆಗೆ ಮೀಸಲಿಟ್ಟಿದೆ. ಇದು ಭಾರತದ ರಕ್ಷಣಾ ವೆಚ್ಚಕ್ಕಿಂತ ಮೂರು ಪಟ್ಟು ಅಧಿಕ.

ಬೀಜಿಂಗ್‌: ಈ ವರ್ಷದ ರಕ್ಷಣಾ ಬಜೆಟ್‌ ಅನ್ನು ಚೀನಾ ಘೋಷಿಸಿದ್ದು, ಕಳೆದ ವರ್ಷಕ್ಕಿಂತ ಶೇ.7.5ರಷ್ಟು ಹೆಚ್ಚಿಸಿದೆ. ರಕ್ಷಣಾ ವೆಚ್ಚದಲ್ಲಿ ಅಮೆರಿಕ ನಂತರ ಎರಡನೇ ಸ್ಥಾನದಲ್ಲಿರುವ ಚೀನಾ, 177.61 ಶತಕೋಟಿ ಡಾಲರ್‌ ಅನ್ನು ರಕ್ಷಣೆಗೆ ಮೀಸಲಿಟ್ಟಿದೆ. ಇದು ಭಾರತದ ರಕ್ಷಣಾ ವೆಚ್ಚಕ್ಕಿಂತ ಮೂರು ಪಟ್ಟು ಅಧಿಕ. 

ಚೀನಾ ಸಂಸತ್ತಿನ ವಾರ್ಷಿಕ ಅಧಿವೇಶನದ ಮೊದಲ ದಿನವಾದ ಮಾರ್ಚ್ 5 ರ ಮಂಗಳವಾರ ಚೀನಾ ಪ್ರಧಾನಿ ಲೀ ಕೆಖಿಯಾಂಗ್‌ ಅವರು 2019ರ ರಕ್ಷಣಾ ಬಜೆಟ್‌ ಅನ್ನು ಮಂಡಿಸಿದರು. 

ಕಳೆದ ವರ್ಷಕ್ಕೆ ಹೋಲಿಸಿದರೆ ಚೀನಾದ ಶೇಖಡವಾರು ರಕ್ಷಣಾ ವೆಚ್ಚದಲ್ಲಿ ತಗ್ಗಿದೆ. 2018ರಲ್ಲಿ ಶೇ.8.1ರಷ್ಟು ಹೆಚ್ಚಿಸುವ ಮೂಲಕ 175 ಶತಕೋಟಿ ಡಾಲರ್‌ ಅನ್ನು ರಕ್ಷಣೆಗೆ ಮೀಸಲಿಟ್ಟಿತ್ತು. 2015ರವರೆಗೆ ರಕ್ಷಣಾ ಬಜೆಟ್‌ ಅನ್ನು ಶೇಖಡವಾರು ಎರಡು ಅಂಕಿಗಳಿಗೆ ಏರಿಕೆ ಮಾಡುತ್ತಿದ್ದ ಚೀನಾ, 2016ರ ನಂತರ ತಗ್ಗಿಸುತ್ತಾ ಬಂದಿದೆ. 

ರಕ್ಷಣಾ ಬಜೆಟ್‌ ಅನ್ನು 2016ರಲ್ಲಿ ಶೇ.7.6ರಷ್ಟು ಏರಿಕೆ ಮಾಡಿದ್ದ ಚೀನಾ, 2017ರಲ್ಲಿ ಶೇ.7 ಮತ್ತು 2018ರಲ್ಲಿ ಶೇ.8.1ರಷ್ಟು ಏರಿಕೆ ಮಾಡಿತ್ತು. 2010ರ ನಂತರ ಚೀನಾದ ಆರ್ಥಿಕ ಬೆಳವಣಿಗೆ ಕೂಡ ನಿಧಾನವಾಗಿ ಕುಸಿಯುತ್ತಾ ಬಂದಿದೆ. 

ಈ ವರ್ಷ ಭಾರತದ ರಕ್ಷಣಾ ಬಜೆಟ್‌ 3.18 ಲಕ್ಷ ಕೋಟಿ ರೂ. ಇದ್ದು, ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇ.6.87ರಷ್ಟು ಏರಿಕೆಯಾಗಿದೆ. ರಕ್ಷಣೆಗಾಗಿ 2018ರಲ್ಲಿ ಭಾರತ 2.98 ಲಕ್ಷ ಕೋಟಿ ರೂ. ಮೀಸಲಿಟ್ಟಿತ್ತು.