ಕೇರಳ ಬ್ಲಾಸ್ಟರ್ಸ್‌ಗೆ ಗುಡ್ ಬೈ ಹಾಡಿದ “ಸಚಿನ್ ತೆಂಡೂಲ್ಕರ್”

0
531

ಇಂಡಿಯನ್ ಸೂಪರ್ ಲೀಗ್‌ನಲ್ಲಿ (ಐಎಸ್‌ಎಲ್) ಕೇರಳ ಬ್ಲಾಸ್ಟರ್ಸ್ ಹುಟ್ಟು ಹಾಕುವಲ್ಲಿ ಪ್ರಮುಖ ಪಾತ್ರ ವಹಿಸಿರುವ ಮಾಜಿ ಕ್ರಿಕೆಟ್ ಐಕಾನ್ ಸಚಿನ್ ತೆಂಡೂಲ್ಕರ್ ಇದೀಗ ದೇಶದ ಜನಪ್ರಿಯ ಫುಟ್ಬಾಲ್ ಕ್ಲಬ್‌ಗೆ ಗುಡ್ ಬೈ ಹಾಡಿದ್ದಾರೆ.

ಕೊಚ್ಚಿ: ಇಂಡಿಯನ್ ಸೂಪರ್ ಲೀಗ್‌ನಲ್ಲಿ (ಐಎಸ್‌ಎಲ್) ಕೇರಳ ಬ್ಲಾಸ್ಟರ್ಸ್ ಹುಟ್ಟು ಹಾಕುವಲ್ಲಿ ಪ್ರಮುಖ ಪಾತ್ರ ವಹಿಸಿರುವ ಮಾಜಿ ಕ್ರಿಕೆಟ್ ಐಕಾನ್ ಸಚಿನ್ ತೆಂಡೂಲ್ಕರ್ ಇದೀಗ ದೇಶದ ಜನಪ್ರಿಯ ಫುಟ್ಬಾಲ್ ಕ್ಲಬ್‌ಗೆ ಗುಡ್ ಬೈ ಹಾಡಿದ್ದಾರೆ. 

ಐಎಸ್‌ಎಲ್ ಕೇರಳ ಬ್ಲಾಸ್ಟರ್ಸ್‌ನಲ್ಲಿದ್ದ ಎಲ್ಲ ಶೇರುಗಳನ್ನು ಸಚಿನ್ ಮಾರಾಟ ಮಾಡಿದ್ದಾರೆ. ಸಚಿನ್ ಈ ನಡೆ ಅಭಿಮಾನಿಗಳಲ್ಲಿ ಬೇಸರಕ್ಕೆ ಕಾರಣವಾಗಿದೆ. 

2014ರಲ್ಲಿ ಕೇರಳ ಬ್ಲಾಸ್ಟರ್ಸ್ ತಂಡವು ರೂಪುಗೊಂಡಿತು. ಆರಂಭದಲ್ಲೇ ಹೆಚ್ಚಿನ ಶೇರು ಹೊಂದಿದ್ದ ಸಚಿನ್ ಬಳಿಕ ಹಂತ ಹಂತವಾಗಿ ಎಲ್ಲ ಶೇರುಗಳನ್ನು ಮಾರಾಟ ಮಾಡುತ್ತಾ ಬಂದಿದ್ದರು. 

ಈ ನಡುವೆ ಪ್ರತಿಕ್ರಿಯಿಸಿರುವ ಸಚಿನ್, “ತನ್ನ ಹೃಯದ ಒಂದು ಭಾಗ ಯಾವತ್ತೂ ಕೇರಳ ಬ್ಲಾಸ್ಟರ್ಸ್‌ಗಾಗಿ ಮಿಡಿಯಲಿದೆ” ಎಂದಿದ್ದಾರೆ. 

“ಕೇರಳ ಬ್ಲಾಸ್ಟರ್ಸ್ ಐದನೇ ವರ್ಷಕ್ಕೆ ಕಾಲಿಡುತ್ತಿದ್ದು, ಮುಂದಿನ 5 ವರ್ಷಗಳ ಯೋಜನೆ ರೂಪಿಸಿಕೊಳ್ಳಬೇಕಿದೆ. ಹಾಗಾಗಿ ನನ್ನ ಪಾತ್ರದ ಬಗ್ಗೆಯೂ ಪ್ರತಿಫಲಿಸಬೇಕಿದೆ. ಕ್ಲಬ್‌ನೊಂದಿಗೆ ಸಾಕಷ್ಟು ಚರ್ಚೆ ಮಾಡಿದ ಬಳಿಕ ಸಹ ಮಾಲಿಕ ಸ್ಥಾನ ತೊರೆಯಲು ನಿರ್ಧರಿಸಿದ್ದೇನೆ” ಎಂದು ಸಚಿನ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. 

“ಅಸಖ್ಯಾಂತ ಅಭಿಮಾನಿಗಳ ಬೆಂಬಲವಿರುದ ಕೇರಳ ಬ್ಲಾಸ್ಟರ್ ಸರಿಯಾದ ದಿಶೆಯತ್ತ ಸಾಗುತ್ತಿದೆ ಎಂದು ನಾನು ನಂಬಿದ್ದೇನೆ. ಕೇರಳ ಬ್ಲಾಸ್ಟರ್ಸ್ ಬಗ್ಗೆ ನನಗೆ ಹೆಮ್ಮೆಯಿದ್ದು, ಹೃದಯ ಒಂದು ಭಾಗ ಕ್ಲಬ್‌ಗಾಗಿ ಸದಾ ಮಿಡಿಯಲಿದೆ” ಎಂದರು. 

“ಕಳೆದ ನಾಲ್ಕು ವರ್ಷಗಳಲ್ಲಿ ಕೇರಳ ಬ್ಲಾಸ್ಟರ್ಸ್ ನನ್ನ ಜೀವನದ ಅವಿಭಾಜ್ಯ ಅಂಗವಾಗಿತ್ತು. ಈ ಅವಧಿಯಲ್ಲಿ ಕೋಟಿಗಟ್ಟಲೆ ಅಭಿಮಾನಿಗಳಂತೆ ನಾನು ಕೂಡಾ ಭಾವನೆಗಳನ್ನು ಹಂಚಿಕೊಂಡಿದ್ದೇನೆ” ಎಂದರು.