ಕೇರಳ ಕಾಂಗ್ರೆಸ್‌ (ಎಂ) ಅಧ್ಯಕ್ಷ ಕೆ.ಎಂ ಮಣಿ ನಿಧನ

0
376

ಕೇರಳದ ಮಾಜಿ ಹಣಕಾಸು ಸಚಿವ, ಕೇರಳ ಕಾಂಗ್ರೆಸ್‌ (ಎಂ) ಅಧ್ಯಕ್ಷ ಕರಿಂಗೊಳಕ್ಕಲ್ ಮಣಿ ಮಣಿ (86) ಏಪ್ರೀಲ್ 9 ರ ಮಂಗಳವಾರ ಸಂಜೆ ಕೊಚ್ಚಿಯ ಲೇಕ್‌ಶೋರ್ ಆಸ್ಪತ್ರೆಯಲ್ಲಿ ನಿಧನರಾದರು. ತೀವ್ರ ಸ್ವರೂಪದ ಹೃದ್ರೋಗ ಸಂಬಂಧಿ ಕಾಯಿಲೆಯಿಂದ ಅವರು ಬಳಲುತ್ತಿದ್ದರು.

ಕೊಟ್ಟಾಯಂ: ಕೇರಳದ ಮಾಜಿ ಹಣಕಾಸು ಸಚಿವ, ಕೇರಳ ಕಾಂಗ್ರೆಸ್‌ (ಎಂ) ಅಧ್ಯಕ್ಷ ಕರಿಂಗೊಳಕ್ಕಲ್ ಮಣಿ ಮಣಿ (86) ಮಂಗಳವಾರ ಸಂಜೆ ಕೊಚ್ಚಿಯ ಲೇಕ್‌ಶೋರ್ ಆಸ್ಪತ್ರೆಯಲ್ಲಿ ನಿಧನರಾದರು. ತೀವ್ರ ಸ್ವರೂಪದ ಹೃದ್ರೋಗ ಸಂಬಂಧಿ ಕಾಯಿಲೆಯಿಂದ ಅವರು ಬಳಲುತ್ತಿದ್ದರು. 

ಒಂದೇ ವಿಧಾನಸಭಾ ಕ್ಷೇತ್ರದಿಂದ ಸತತ 13 ಬಾರಿ ಪುನರಾಯ್ಕೆಯಾದ ದಾಖಲೆ ಅವರದ್ದು. 54 ವರ್ಷಗಳ ಕಾಲ ಶಾಸಕರಾಗಿ, 25 ವರ್ಷಗಳ ಕಾಲ ಕ್ಯಾಬಿನೆಟ್ ಸಚಿವರಾಗಿ ದಾಖಲೆ ಮಾಡಿದ್ದರು. ಕೇರಳದ ಹಣಕಾಸು ಸಚಿವರಾಗಿಯೂ 13 ಬಜೆಟ್‌ಗಳನ್ನು ಮಂಡಿಸಿದ ಹೆಗ್ಗಳಿಕೆ ಅವರದ್ದುಕರಿಂಗೊಳಕ್ಕಲ್ ಥೋಮಸ್‌ ಮಣಿ ಮತ್ತು ಅಲೆಯಮ್ಮ ಮಣಿ ದಂಪತಿಗಳ ಪುತ್ರನಾಗಿ 1933ರ ಜನವರಿ 30ರಂದುಕೆ.ಎಂ ಮಣಿ  ಜನಿಸಿದ್ದರು. ಮರಂಗಟ್ಟುಪಳ್ಳಿಯ ಸೇಂಟ್ ಥೋಮಸ್ ಎಲ್‌ಪಿ ಶಾಲೆಯಲ್ಲಿ ಪ್ರಾಥಮಿಕ ಶಿಕ್ಷಣ ಪಡೆದ ಅವರು ತೇವರಾದ ಸೇಕ್ರೆಡ್ ಹಾರ್ಟ್ ಕಾಲೇಜಿನಲ್ಲಿ 1953ರಲ್ಲಿ ಪದವಿ ಪಡೆದರು. 1955ರಲ್ಲಿ ಮದ್ರಾಸ್ ಲಾ ಕಾಲೇಜಿನಿಂದ ಕಾನೂನು ಪದವಿ ಪಡೆದರು. 

ಕೆಪಿಸಿಸಿ ಸದಸ್ಯರಾಗಿ ರಾಜಕೀಯ ಪ್ರವೇಶಿಸಿದ ಅವರು ಬಳಿಕ ಕೊಟ್ಟಾಯಂ ಜಿಲ್ಲಾ ಕಾಂಗ್ರೆಸ್ ಸಮಿತಿ ಅಧ್ಯಕ್ಷರಾದರು. ಬಳಿಕ ಕೇರಳ ಕಾಂಗ್ರೆಸ್ ಪಕ್ಷ ಎಂಬ ಪ್ರತ್ಯೇಕ ಪಕ್ಷ ಕಟ್ಟಿದ ಅವರು 1979ರಲ್ಲಿ ಕೇರಳ ಕಾಂಗ್ರೆಸ್ (ಎಂ) ಸ್ಥಾಪಿಸಿ ಅದರ ಅಧ್ಯಕ್ಷರಾದರು. 

ಕೇರಳ ಕಾಂಗ್ರೆಸ್ (ಎಂ) ನಾಲ್ಕು ದಶಕಗಳ ಕಾಲದ ಕಾಂಗ್ರೆಸ್ ಮತ್ತು ಯುಡಿಎಫ್ ಮೈತ್ರಿಯನ್ನು 2016ರ ಆಗಸ್ಟ್‌ 7ರಂದು ಕಡಿದುಕೊಂಡಿತು. ಎರಡು ವರ್ಷಗಳ ಕಾಲ ದೂರವಿದ್ದ ಅವರು 2018ರಲ್ಲಿ ಮತ್ತೆ ಯುಡಿಎಫ್‌ ತೆಕ್ಕೆಗೆ ಸೇರಿದರು.