ಕೆ.ಎಂ. ಜೋಸೆಫ್‌ ಸೇರಿದಂತೆ ನ್ಯಾಯಮೂರ್ತಿಗಳ ಪದಗ್ರಹಣ

0
17

ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿ ಕೆ.ಎಂ. ಜೋಸೆಫ್‌ ಅವರ ಸೇವಾ ಹಿರಿತನದ ವಿಚಾರದಲ್ಲಿ ವಿವಾದದ ನಡುವೆಯೇ ಸುಪ್ರೀಂ ಕೋರ್ಟ್‌ಗೆ ಬಡ್ತಿ ಪಡೆದ ಮೂವರು ನೂತನ ನ್ಯಾಯಮೂರ್ತಿಗಳ ಪದಗ್ರಹಣ ಸಮಾರಂಭವು ನಿಗದಿಯಂತೆ ಮಂಗಳವಾರ ನೆರವೇರಿತು.

ಹೊಸದಿಲ್ಲಿ: ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿ ಕೆ.ಎಂ. ಜೋಸೆಫ್‌ ಅವರ ಸೇವಾ ಹಿರಿತನದ ವಿಚಾರದಲ್ಲಿ ವಿವಾದದ ನಡುವೆಯೇ ಸುಪ್ರೀಂ ಕೋರ್ಟ್‌ಗೆ ಬಡ್ತಿ ಪಡೆದ ಮೂವರು ನೂತನ ನ್ಯಾಯಮೂರ್ತಿಗಳ ಪದಗ್ರಹಣ ಸಮಾರಂಭವು ನಿಗದಿಯಂತೆ ಆಗಸ್ಟ್ 7 ರ ಮಂಗಳವಾರ ನೆರವೇರಿತು. 

ಕೇಂದ್ರ ಸರಕಾರ ನೀಡಿರುವ ಸೇವಾ ಹಿರಿತನದ ಅನುಕ್ರಮದಲ್ಲೇ ನ್ಯಾ. ಇಂದಿರಾ ಬ್ಯಾನರ್ಜಿ, ನ್ಯಾ. ವಿನೀತ್‌ ಸರಣ್‌ ಮತ್ತು ನ್ಯಾ. ಕೆ.ಎಂ. ಜೋಸೆಫ್‌ ಅವರು ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿಗಳಾಗಿ ಅಧಿಕಾರ ವಹಿಸಿಕೊಂಡರು. 

”ನ್ಯಾ. ಕೆ.ಎಂ. ಜೋಸೆಫ್‌ ಅವರ ಸೇವಾ ಹಿರಿತನವನ್ನು ಕೇಂದ್ರ ಸರಕಾರ ತಗ್ಗಿಸಿದೆ ಎಂಬ ಆರೋಪಗಳ ಬಗ್ಗೆ ಹಲವು ನ್ಯಾಯಮೂರ್ತಿಗಳು ಅಸಮಾಧಾನದ ವ್ಯಕ್ತಪಡಿಸಿದ್ದಾರಾದರೂ ಅದರ ಬಗ್ಗೆ ಚರ್ಚಿಸಲು ಸಮಯವಿಲ್ಲ. ಮುಂದೆ ವಿಸ್ತೃತವಾಗಿ ಚರ್ಚಿಸಬಹುದು. ಪ್ರಮಾಣವಚನ ಸಮಾರಂಭ ಮುಂಡೂಡಲು ಸಾಧ್ಯವಿಲ್ಲ,” ಎಂಬ ತೀರ್ಮಾನವನ್ನು ಸೋಮವಾರ ನಡೆದ ಸಭೆಯಲ್ಲಿ ಕೈಗೊಳ್ಳಲಾಗಿತ್ತು. 

ಪ್ರಸ್ತುತ ರಜೆಯ ಮೇಲೆ ತೆರಳಿರುವ ನ್ಯಾ.ರಂಜನ್‌ ಗೊಗೊಯ್‌ ಸೇರಿದಂತೆ ಕೊಲಿಜಿಯಂನ ಎಲ್ಲಾ ಸದಸ್ಯರಿಗೂ ನ್ಯಾ. ಕೆ.ಎಂ. ಜೋಸೆಫ್‌ ಅವರ ಸೇವಾ ಹಿರಿತನ ಕಡಿಮೆ ಮಾಡಲಾಗಿದೆ ಎನ್ನಲಾದ ಕೇಂದ್ರದ ಕ್ರಮದ ಬಗ್ಗೆ ವಿವರಿಸಲಾಗಿದೆ.