ಕಾಶ್ಮೀರ ಪೊಲೀಸರ ಹತ್ಯೆ: ಭಾರತ-ಪಾಕ್ ಮಾತುಕತೆ ಸ್ಥಗಿತ

0
365

ಜಮ್ಮು ಕಾಶ್ಮೀರದಲ್ಲಿ ಮೂವರು ಪೊಲೀಸರನ್ನು ಪಾಕ್‌ ಉಗ್ರರು ಅಪಹರಿಸಿ ಹತ್ಯೆಗೈದ ಬೆನ್ನಲ್ಲೇ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ನಿಗದಿಯಾಗಿದ್ದ ಭಾರತ ಮತ್ತು ಪಾಕಿಸ್ತಾನ ನಡುವಣ ಮಾತುಕತೆ ಸ್ಥಗಿತಗೊಂಡಿದೆ.

ಹೊಸದಿಲ್ಲಿ: ಜಮ್ಮು ಕಾಶ್ಮೀರದಲ್ಲಿ ಮೂವರು ಪೊಲೀಸರನ್ನು ಪಾಕ್‌ ಉಗ್ರರು ಅಪಹರಿಸಿ ಹತ್ಯೆಗೈದ ಬೆನ್ನಲ್ಲೇ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ನಿಗದಿಯಾಗಿದ್ದ ಭಾರತ ಮತ್ತು ಪಾಕಿಸ್ತಾನ ನಡುವಣ ಮಾತುಕತೆ ಸ್ಥಗಿತಗೊಂಡಿದೆ. 

ಸೆಪ್ಟೆಂಬರ್ 21 ರ ಶುಕ್ರವಾರ ಮೂವರು ಪೊಲೀಸರ ಶವ ಕಣಿವೆ ರಾಜ್ಯದಲ್ಲಿ ಪತ್ತೆಯಾಗಿತ್ತು. ಜತೆಗೆ ಪಾಕಿಸ್ತಾನವು ಸುಮಾರು 20 ಪೋಸ್ಟಲ್ ಸ್ಟ್ಯಾಂಪ್‌ಗಳನ್ನು ಬಿಡುಗಡೆ ಮಾಡಿದ್ದು, ಅದರಲ್ಲಿ ಉಗ್ರ ಬುರ್ಹಾನ್ ವನಿ ಸಹಿತ ಹಲವು ಉಗ್ರರನ್ನು ನಾಯಕರು ಮತ್ತು ಹುತಾತ್ಮರಂತೆ ಬಿಂಬಿಸಲಾಗಿತ್ತು. 
ಇದರ ಬೆನ್ನಲ್ಲೇ ಪಾಕಿಸ್ತಾನ ಪ್ರಧಾನಿ ಇಮ್ರಾನ್ ಖಾನ್‌ ನೈಜ ದರ್ಶನವಾಗಿದ್ದು, ಪಾಕ್‌ನ ಇಬ್ಬಗೆ ನೀತಿ ಬಯಲಾಗಿದೆ. ಹೀಗಾಗಿ ಪಾಕ್ ಜತೆ ಮಾತುಕತೆ ನಡೆಸುವುದು ವ್ಯರ್ಥ ಪ್ರಯತ್ನ ಎಂದು ಭಾರತ ಹೇಳಿದೆ. 

ಮೂವರು ಪೊಲೀಸರನ್ನು ಅಪಹರಿಸಿ ಕೊಂದ ಉಗ್ರರು 

ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಪ್ರಧಾನಿ ಮೋದಿಗೆ ಮಾಡಿಕೊಂಡ ಮನವಿಯಂತೆ ಉಭಯ ರಾಷ್ಟ್ರಗಳ ನಡುವಣ ದ್ವಿಪಕ್ಷೀಯ ಸಂಬಂಧ ವೃದ್ಧಿಗೆ ಭಾರತವು ವಿದೇಶಾಂಗ ಸಚಿವಾಲಯಗಳ ಮಧ್ಯೆ ನ್ಯೂಯಾರ್ಕ್‌ನಲ್ಲಿ ನಡೆಯುವ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಮಾತುಕತೆಗೆ ಮುಂದಾಗಿತ್ತು. ಆದರೆ ಪಾಕಿಸ್ತಾನ ಮಾತ್ರ ತನ್ನ ನರಿಬುದ್ಧಿಯನ್ನು ಮತ್ತೆ ಪ್ರದರ್ಶಿಸಿದೆ. 
ಕಾಶ್ಮೀರ ಪೊಲೀಸರ ರಾಜೀನಾಮೆ ವದಂತಿ ನಿರಾಕರಿಸಿದ ಕೇಂದ್ರ ಸರಕಾರ 
ಜತೆಗೆ ಉಗ್ರರಿಗೆ ಬೆಂಬಲ ಮುಂದುವರಿಸುವ ಜತೆಗೆ ಮಾತುಕತೆಗೆ ಮುಂದಾಗುವ ಮೂಲಕ ಅನುಕಂಪ ಗಿಟ್ಟಿಸಿಕೊಳ್ಳಲು ಯತ್ನಿಸುತ್ತಿದೆ. ಆದರೆ ಪಾಕಿಸ್ತಾನದ ನೈಜ ಮುಖ ಜಗತ್ತಿಗೆ ಇಂದಿನ ಕೃತ್ಯದೊಂದಿಗೆ ಅನಾವರಣಗೊಂಡಿದೆ. ಹೀಗಾಗಿ ಪಾಕ್‌ ಜತೆ ಮಾತುಕತೆ ನಡೆಸುವುದಿಲ್ಲ ಎಂದು ಭಾರತದ ವಿದೇಶಾಂಗ ಸಚಿವಾಲಯ ಹೇಳಿದೆ.