ಐಟಿ ರಿಫಂಡ್‌ ಹೆಸರಲ್ಲಿ ನಿಮ್ಮ ಮಾಹಿತಿಗೆ ಕನ್ನ

0
23

ಆದಾಯ ತೆರಿಗೆ ಇಲಾಖೆ(ಐಟಿ) ಹೆಸರಲ್ಲಿ ಕಳುಹಿಸಲಾಗುತ್ತಿರುವ ನಕಲಿ ಸಂದೇಶ(ಎಸ್ಸೆಮ್ಮೆಶ್ಶಿಂಗ್‌- SMShing)ಗಳ ಬಗ್ಗೆ ಎಚ್ಚರ ವಹಿಸುವಂತೆ ದೇಶದ ಅತ್ಯುನ್ನತ ಸೈಬರ್‌ ಸೆಕ್ಯುರಿಟಿ ಸಂಸ್ಥೆ ‘ಇಂಡಿಯನ್‌ ಕಂಪ್ಯೂಟರ್‌ ಎಮರ್ಜೇನ್ಸಿ ರೆಸ್ಪಾನ್ಸ್‌ ಟೀಮ್‌(ಸಿಇಆರ್‌ಟಿ)’ ಎಚ್ಚರಿಕೆ ನೀಡಿದೆ.

ಹೊಸದಿಲ್ಲಿ: ಆದಾಯ ತೆರಿಗೆ ಇಲಾಖೆ(ಐಟಿ) ಹೆಸರಲ್ಲಿ ಕಳುಹಿಸಲಾಗುತ್ತಿರುವ ನಕಲಿ ಸಂದೇಶ(ಎಸ್ಸೆಮ್ಮೆಶ್ಶಿಂಗ್‌- SMShing)ಗಳ ಬಗ್ಗೆ ಎಚ್ಚರ ವಹಿಸುವಂತೆ ದೇಶದ ಅತ್ಯುನ್ನತ ಸೈಬರ್‌ ಸೆಕ್ಯುರಿಟಿ ಸಂಸ್ಥೆ ‘ಇಂಡಿಯನ್‌ ಕಂಪ್ಯೂಟರ್‌ ಎಮರ್ಜೇನ್ಸಿ ರೆಸ್ಪಾನ್ಸ್‌ ಟೀಮ್‌(ಸಿಇಆರ್‌ಟಿ)’ ಎಚ್ಚರಿಕೆ ನೀಡಿದೆ. 

ರಿಫಂಡ್‌ಗೆ ಅರ್ಹರಾಗಿದ್ದೀರಿ ಎಂಬ ಒಕ್ಕಣಿಕೆಯ ಸಂದೇಶದಿಂದಾಗಿ ಜನರು ನೀಡುವ ವೈಯಕ್ತಿಕ ಪ್ರಮುಖ ಮಾಹಿತಿಯನ್ನು ‘ಡಾರ್ಕ್‌ ಇಂಟರ್ನೆಟ್‌’ನಲ್ಲಿ ಮಾರಾಟ ಮಾಡಲಾಗುತ್ತಿದೆ ಎಂದೆ ಸಂಸ್ಥೆ ಹೇಳಿದೆ. ಇಂಥ ವಂಚನೆಯ ಬಗ್ಗೆ ಕೆಲವರು ಸೋಷಿಯಲ್‌ ಮೀಡಿಯಾಗಳಲ್ಲಿ ಬರೆದುಕೊಂಡಿದ್ದು, ಫೇಕ್‌ ಎಸ್‌ಎಂಎಸ್‌ಗಳನ್ನು ಪಡೆದಿರುವುದಾಗಿ ಹೇಳಿದ್ದಾರೆ. ಸಂಶಯಾಸ್ಪದ ಎಸ್‌ಎಂಎಸ್‌ನಲ್ಲಿರುವ ಲಿಂಕ್‌ಗಳ ಮೇಲೆ ಯಾರು ಕ್ಲಿಕ್‌ ಮಾಡುತ್ತಾರೋ ಅವರ ವೈಯಕ್ತಿಕ ಮಾಹಿತಿ ಡಾರ್ಕ್‌ ವೆಬ್‌ಗೆ ವರ್ಗಾವಣೆಯಾಗುತ್ತದೆ. ಹಾಗಾಗಿ, ನಾಗರಿಕರು ಯಾವುದೇ ಲಿಂಕ್‌ ಕ್ಲಿಕ್‌ ಅಥವಾ ಸಂದೇಶಗಳಿಗೆ ಉತ್ತರಿಸುವ ಮುನ್ನ ಹುಷಾರಾಗಿರಬೇಕು. 

ಗುರುತಿಸುವುದು ಹೇಗೆ? 

– SMS ವಂಚಕರು ಯುಆರ್‌ಎಲ್‌(URL) ಸಂಕ್ಷಿಪ್ತಗೊಳಿಸಿರುತ್ತಾರೆ. ಉದಾಹರಣೆ: bit.ly, goo.gl, ow.ly ಮತ್ತು t.co ಇತ್ಯಾದಿ. 

– ಸ್ವಲ್ಪ ಮೊತ್ತ ರಿಫಂಡ್‌ಗೆ ಒಪ್ಪಿಗೆ ದೊರೆತಿದ್ದು, ಶೀಘ್ರವೇ ನಿಮ್ಮ ಖಾತೆಗೆ ವರ್ಗಾಯಿಸಲಾಗುವುದು ಎಂಬ ಮಾಹಿತಿ ಎಸ್‌ಎಂಎಸ್‌ನಲ್ಲಿರುತ್ತದೆ. 

– ಇದರ ಬೆನ್ನಲ್ಲೇ ನಿಮ್ಮ ಖಾತೆ ನಂಬರ್‌ ತಪ್ಪಾಗಿದೆ. ಹಾಗಾಗಿ ನೀಡಲಾಗಿರುವ ಸಂಕ್ಷಿಪ್ತ ರೂಪದ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಿ, ಬ್ಯಾಂಕ್‌ ವಿವರ ದಾಖಲಿಸುವಂತೆ ಸೂಚಿಸಲಾಗುತ್ತದೆ. 

– ಒಂದೊಮ್ಮೆ ನೀವು ಸಂಕ್ಷಿಪ್ತ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಿದರೆ, ಅದು ನಿಮ್ಮನ್ನು ಫಿಶಿಂಗ್‌ ವೆಬ್‌ಪೇಜ್‌ಗೆ ಕರೆದೊಯ್ಯುತ್ತದೆ. ಅಲ್ಲಿ ನಿಮ್ಮ ಎಲ್ಲ ಮಾಹಿತಿಯನ್ನು ದಾಖಲಿಸುವಂತೆ ಹೇಳುತ್ತದೆ. ಅದೇ ರೀತಿ ನಿಮ್ಮ ಖಾತೆ ಸೇರಿದಂತೆ ಇನ್ನಿತರ ಮಾಹಿತಿಯನ್ನು ದಾಖಲಿಸಿದರೆ ಅದು ವಂಚಕರ ಪಾಲಾಗುತ್ತದೆ. 

ಏನು ಮಾಡಬೇಕು? 

– ಸಂಶಯಾಸ್ಪದ ಎಸ್‌ಎಂಎಸ್‌, ಮೇಲ್‌ಗಳಿಗೆ ರಿಪ್ಲೈ ಮಾಡಬೇಡಿ. 

– ಐಟಿ ಹೆಸರಲ್ಲಿ ಬರುವ ಸಂದೇಶ, ಮೇಲ್‌ಗಳನ್ನು ಪರಿಶೀಲಿಸಿ. ವ್ಯಾಕರಣ, ಕಾಗುಣಿತಗಳ ವ್ಯತ್ಯಾಸವಿದ್ದರೆ, ಖಂಡಿತವಾಗಿಯೂ ಅದು ಫಿಶಿಂಗ್‌ ಸಂದೇಶ, ಮೇಲ್‌ ಆಗಿರುತ್ತದೆ. 

– ಕೆಲವೊಮ್ಮೆ ನಿಮಗೆ ಗೊತ್ತಿರುವವರಿಂದಲೇ ಇಂಥ ಸಂದೇಶಗಳು ಬಂದಿದ್ದರೂ ಅದರಲ್ಲಿರುವ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಲು ಹೋಗಬೇಡಿ. ಪರಿಚಿತರ ಹೆಸರಲ್ಲಿ ಇಂಥ ಸಂದೇಶಗಳನ್ನು ಕಳುಹಿಸಿರುವ ಸಾಧ್ಯತೆ ಇರುತ್ತದೆ. 

– ಯಾವುದೇ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಲು ಹೋಗಬೇಡಿ 

– ಬ್ಯಾಂಕ್‌ ಖಾತೆ, ಕ್ರೆಡಿಟ್‌ ಕಾರ್ಡ್‌ ಮಾಹಿತಿ ಸೇರಿದಂತೆ ಇನ್ನಿತರ ಯಾವುದೇ ಮಾಹಿತಿಯನ್ನು ನೀಡಲು ಹೋಗಬೇಡಿ. 

– ಸ್ಮಾರ್ಟ್‌ಫೋನ್‌ಗಳಲ್ಲಿ ಆ್ಯಂಟಿ ವೈರಸ್‌, ಫೈರ್‌ವಾಲ್‌ ಇನ್‌ಸ್ಟಾಲ್‌ ಆಗಿರಲಿ.