ಐಐಟಿ ಹೋಗು ಅಂತು, ಎಂಐಟಿ ಬಾ ಅಂತು: ಅಂಧಸಾಧಕ ಶ್ರೀಕಾಂತ್

0
17

ದೃಷ್ಟಿಹೀನ ಎಂಬ ಕಾರಣಕ್ಕೆ ಶಾಲೆ ಮತ್ತು ಸಮಾಜದಲ್ಲಿ ಎಲ್ಲರಿಂದಲೂ ಹೀಯಾಳಿಸಿಕೊಂಡಿದ್ದ ಶ್ರೀಕಾಂತ್ ಬೊಳ್ಳ ಎಂಬ ಯುವಕ ಅಮೆರಿಕದ ಪ್ರತಿಷ್ಠಿತ ಎಂಐಟಿಯಿಂದ ಪದವಿ ಪಡೆದು, ಉದ್ಯೋಗದ ಆಫರ್ ದೊರೆತರೂ ಅದನ್ನು ತಿರಸ್ಕರಿಸಿ, ಊರಿಗೆ ಮರಳಿ ಉದ್ಯಮ ಸ್ಥಾಪಿಸಿ ಇಂದು ವಾರ್ಷಿಕ 150 ಕೋಟಿಗೂ ಅಧಿಕ ವರಮಾನ ಪಡೆಯುತ್ತಿದ್ದಾರೆ.

ಹೈದರಾಬಾದ್: ದೃಷ್ಟಿಹೀನ ಎಂಬ ಕಾರಣಕ್ಕೆ ಶಾಲೆ ಮತ್ತು ಸಮಾಜದಲ್ಲಿ ಎಲ್ಲರಿಂದಲೂ ಹೀಯಾಳಿಸಿಕೊಂಡಿದ್ದ ಶ್ರೀಕಾಂತ್ ಬೊಳ್ಳ  ಎಂಬ ಯುವಕ ಅಮೆರಿಕದ ಪ್ರತಿಷ್ಠಿತ ಎಂಐಟಿಯಿಂದ ಪದವಿ ಪಡೆದು, ಉದ್ಯೋಗದ ಆಫರ್ ದೊರೆತರೂ ಅದನ್ನು ತಿರಸ್ಕರಿಸಿ, ಊರಿಗೆ ಮರಳಿ ಉದ್ಯಮ ಸ್ಥಾಪಿಸಿ ಇಂದು ವಾರ್ಷಿಕ 150 ಕೋಟಿಗೂ ಅಧಿಕ ವರಮಾನ ಪಡೆಯುತ್ತಿದ್ದಾರೆ. 

ಶ್ರೀಕಾಂತ್‌ಗೆ ದೃಷ್ಟಿದೋಷವಿದ್ದಿದ್ದರಿಂದ ಶಾಲೆಯಲ್ಲಿ ಕೊನೆಯ ಬೆಂಚ್‌ನಲ್ಲಿ ಕುಳ್ಳಿರಿಸಲಾಗುತ್ತಿತ್ತು. ಪಿಟಿ ಅವಧಿಯಲ್ಲಿ ಹೊರಗಡೆ ಹೋಗಲು ಬಿಡುತ್ತಿರಲಿಲ್ಲ. ಅಲ್ಲದೆ ಪ್ರತಿ ಸಂದರ್ಭದಲ್ಲೂ ಹೀಯಾಳಿಸಿ ಆತನನ್ನು ನಿರ್ಲಕ್ಷಿಸಲಾಗುತ್ತಿತ್ತು. 

ಪಿಯುಸಿಯಲ್ಲಿ ವಿಜ್ಞಾನ ಅಭ್ಯಾಸ ಮಾಡಲು ಅನುಮತಿ ದೊರೆಯದೇ ಹೋದಾಗ, ನ್ಯಾಯಾಲಯದ ಮೆಟ್ಟಿಲು ಏರಿ ಆತ ಅನುಮತಿ ಪಡೆದುಕೊಂಡಿದ್ದ. ನಂತರ ಐಐಟಿಯಲ್ಲಿ ಪ್ರವೇಶಕ್ಕೆ ಯತ್ನಿಸಿದರೂ, ಅಲ್ಲಿ ಆತ ದೃಷ್ಟಿಹೀನ ಎಂಬ ಕಾರಣಕ್ಕೆ ಪ್ರವೇಶ ನಿರಾಕರಿಸಲಾಗಿತ್ತು. 

ಇದರಿಂದ ಶ್ರೀಕಾಂತ್ ಅಮೆರಿಕದ ಎಂಐಟಿಯಲ್ಲಿ ಪ್ರವೇಶಕ್ಕೆ ಅರ್ಜಿ ಸಲ್ಲಿಸಿದಾಗ, ಅಲ್ಲಿ ಪ್ರವೇಶ ದೊರಕಿತು. 

ಎಂಐಟಿಯಿಂದ ಪದವಿ ಪಡೆದು ಮರಳಿದ ಶ್ರೀಕಾಂತ್ ಇಂದು ಆಂಧ್ರ ಪ್ರದೇಶದಲ್ಲಿ ಏಳು ಉದ್ಯಮ ಘಟಕ ಹೊಂದಿದ್ದು, 600 ಮಂದಿಗೆ ಕೆಲಸ ನೀಡಿದ್ದಾರೆ. ಅವರ ಪೈಕಿ ಶೇ. 50 ಮಂದಿ ವಿಕಲಚೇತನರು ಎನ್ನುವುದು ವಿಶೇಷ. 

ಇವರ ಬೊಳ್ಳ ಇಂಡಸ್ಟ್ರೀಸ್‌ ಪ್ರತಿದಿನ 100 ಟನ್ ಕ್ರಾಫ್ಟ್‌, ಅಡಿಕೆ ಹಾಳೆಯ ಉತ್ಪನ್ನ ಮತ್ತು ಪ್ಯಾಕಿಂಗ್ ಸಾಮಾಗ್ರಿಗಳನ್ನು ತಯಾರಿಸಿ ವಿವಿಧೆಡೆ ಪೂರೈಸುತ್ತದೆ.