ಏಷ್ಯಾ ಕಪ್ 2018; ಸೆ.19ರಂದು ಭಾರತ-ಪಾಕ್ ಹೈ ವೋಲ್ಟೇಜ್ ಪಂದ್ಯ

0
34

2018ನೇ ಸಾಲಿನ ಏಷ್ಯಾ ಕಪ್ ವೇಳಾಪಟ್ಟಿಯನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಬಿಡುಗಡೆಗೊಳಿಸಿದೆ. ಯುಎಇ ಆತಿಥ್ಯ ವಹಿಸುತ್ತಿರುವ 2018 ಏಷ್ಯಾ ಕಪ್‌ನಲ್ಲಿ ಹಾಲಿ ಚಾಂಪಿಯನ್ ಭಾರತ ಸೇರಿದಂತೆ ಒಟ್ಟು ಆರು ತಂಡಗಳು ಭಾಗವಹಿಸುತ್ತಿದೆ.

ಹೊಸದಿಲ್ಲಿ: 2018ನೇ ಸಾಲಿನ ಏಷ್ಯಾ ಕಪ್ ವೇಳಾಪಟ್ಟಿಯನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಬಿಡುಗಡೆಗೊಳಿಸಿದೆ. ಯುಎಇ ಆತಿಥ್ಯ ವಹಿಸುತ್ತಿರುವ 2018 ಏಷ್ಯಾ ಕಪ್‌ನಲ್ಲಿ ಹಾಲಿ ಚಾಂಪಿಯನ್ ಭಾರತ ಸೇರಿದಂತೆ ಒಟ್ಟು ಆರು ತಂಡಗಳು ಭಾಗವಹಿಸುತ್ತಿದೆ. 

ಸೆಪ್ಟೆಂಬರ್ 15ರಂದು 2018 ಏಷ್ಯಾ ಕಪ್‌ಗೆ ಚಾಲನೆ ದೊರಕಲಿದ್ದು ದುಬೈನಲ್ಲಿ ಸೆಪ್ಟೆಂಬರ್ 28ರಂದು ಫೈನಲ್ ಪಂದ್ಯ ನಡೆಯಲಿದೆ. 

ಆರು ತಂಡಗಳನ್ನು ಒಟ್ಟು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದೆ. ‘ಎ’ ಗುಂಪಿನಲ್ಲಿ ಭಾರತ, ಪಾಕಿಸ್ತಾನ ಸೇರಿದಂತೆ ಕ್ವಾಲಿಫೈಯರ್ (ಇನ್ನಷ್ಟೇ ಅರ್ಹತೆ ಪಡೆಯಬೇಕಿದೆ) ತಂಡವೊಂದು ಇರಲಿದೆ. ಹಾಗೆಯೇ ‘ಬಿ’ ಗುಂಪಿನಲ್ಲಿ ಶ್ರೀಲಂಕಾ, ಬಾಂಗ್ಲಾದೇಶ ಹಾಗೂ ಅಫಘಾನಿಸ್ತಾನ ತಂಡಗಳು ಸ್ಥಾನ ಗಿಟ್ಟಿಸಿಕೊಂಡಿದೆ. 

ಯುಎಇ, ಸಿಂಗಾಪುರ, ಒಮಾನ್, ನೇಪಾಳ, ಮಲೇಷ್ಯಾ ಹಾಗೂ ಹಾಂಕಾಂಗ್ ನಡುವೆ ಕ್ವಾಲಿಫೈಯರ್ ತಂಡ ಆಯ್ಕೆಯಾಗಲಿದೆ. 

ಸೆಪ್ಟೆಂಬರ್ 18ರಂದು ಕ್ವಾಲಿಫೈಯರ್ ವಿರುದ್ಧ ಮೊದಲ ಪಂದ್ಯವನ್ನಾಡುವ ಭಾರತ ಸೆಪ್ಟೆಂಬರ್ 19ರಂದು ಸಾಂಪ್ರದಾಯಿಕ ಬದ್ಧ ವೈರಿ ಪಾಕಿಸ್ತಾನ ಸವಾಲನ್ನು ಎದುರಿಸಲಿದೆ. ಈ ಮೂಲಕ ವಿರಾಮವಿಲ್ಲದೆ ಸತತ ಎರಡು ಪಂದ್ಯಗಳನ್ನು ಆಡಲಿದೆ. 

ಪ್ರತಿ ಗುಂಪಿನಿಂದಲೂ ಅಗ್ರ ಎರಡು ತಂಡಗಳು ‘ಸೂಪರ್ ಫೋರ್’ ಹಂತಕ್ಕೆ ತೇರ್ಗಡೆಯನ್ನು ಹೊಂದಲಿದೆ. ಬಳಿಕ ಅಗ್ರ ಎರಡು ತಂಡಗಳು ಪ್ರಶಸ್ತಿಗಾಗಿ ಸೆಣಸಲಿದೆ. 

2018 ಏಷ್ಯಾ ಕಪ್ ಸಂಪೂರ್ಣ ವೇಳಾಪಟ್ಟಿ ಇಂತಿದೆ: 

ಗುಂಪು ಹಂತ: 

ಸೆ.15: ಬಾಂಗ್ಲಾದೇಶ vs ಶ್ರೀಲಂಕಾ (ದುಬೈ) 
ಸೆ.16: ಪಾಕಿಸ್ತಾನ vs ಕ್ವಾಲಿಫೈಯರ್ (ದುಬೈ) 
ಸೆ.17: ಶ್ರೀಲಂಕಾ vs ಅಫಘಾನಿಸ್ತಾನ (ಅಬುದಾಬಿ) 
ಸೆ.18: ಭಾರತ vs ಕ್ವಾಲಿಫೈಯರ್ (ದುಬೈ) 
ಸೆ.19: ಭಾರತ vs ಪಾಕಿಸ್ತಾನ (ದುಬೈ) 
ಸೆ.20: ಬಾಂಗ್ಲಾದೇಶ vs ಅಫಘಾನಿಸ್ತಾನ (ಅಬುದಾಬಿ) 

ಸೂಪರ್ ಫೋರ್:
 

ಸೆ.21: ಗುಂಪು ಎ ವಿಜೇತರು vs ಗುಂಪು ಬಿ ರನ್ನರ್-ಅಪ್ (ದುಬೈ) 
ಸೆ.21: ಗುಂಪು ಬಿ ವಿಜೇತರು vs ಗುಂಪು ಎ ರನ್ನರ್-ಅಪ್ (ಅಬುದಾಬಿ) 
ಸೆ.23: ಗುಂಪು ಎ ವಿಜೇತರು vs ಗುಂಪು ಎ ರನ್ನರ್-ಅಪ್ (ದುಬೈ) 
ಸೆ.23: ಗುಂಪು ಬಿ ವಿಜೇತರು vs ಗುಂಪು ಬಿ ರನ್ನರ್-ಅಪ್ (ದುಬೈ) 
ಸೆ.25: ಗುಂಪು ಎ ವಿಜೇತರು vs ಗುಂಪು ಬಿ ವಿಜೇತರು (ದುಬೈ) 
ಸೆ.26: ಗುಂಪು ಎ ರನ್ನರ್-ಅಪ್ vs ಗುಂಪು ಬಿ ರನ್ನರ್-ಅಪ್ (ಅಬುದಾಬಿ) 

ಫೈನಲ್: ಸೆ. 28 (ದುಬೈ) 

ಭಾಗವಹಿಸುವ ತಂಡಗಳು: ಭಾರತ, ಪಾಕಿಸ್ತಾನ, ಶ್ರೀಲಂಕಾ, ಬಾಂಗ್ಲಾದೇಶ, ಅಫಘಾನಿಸ್ತಾನ ಮತ್ತು ಕ್ವಾಲಿಫೈಯರ್ (ಇನ್ನಷ್ಟೇ ನಿಗದಿಯಾಗಬೇಕಿದೆ.)