ಏಷ್ಯನ್ ಗೇಮ್ಸ್ 2018; ಅಮಿತ್ ಚಿನ್ನದ ಪಂಚ್!

0
646

ಇಂಡೋನೇಷ್ಯಾದಲ್ಲಿ ಜರಗುತ್ತಿರುವ ಪ್ರತಿಷ್ಠಿತ ಏಷ್ಯನ್ ಗೇಮ್ಸ್ 2018 ಕ್ರೀಡಾಕೂಟದಲ್ಲಿ ಭಾರತಕ್ಕೆ ಬಾಕ್ಸಿಂಗ್ ವಿಭಾಗದಲ್ಲಿ ಏಕೈಕ ಚಿನ್ನದ ಪದಕ ದೊರಕಿದೆ.

ಜಕಾರ್ತ್: ಇಂಡೋನೇಷ್ಯಾದಲ್ಲಿ ಜರಗುತ್ತಿರುವ ಪ್ರತಿಷ್ಠಿತ ಏಷ್ಯನ್ ಗೇಮ್ಸ್ 2018 ಕ್ರೀಡಾಕೂಟದಲ್ಲಿ ಭಾರತಕ್ಕೆ ಬಾಕ್ಸಿಂಗ್ ವಿಭಾಗದಲ್ಲಿ ಏಕೈಕ ಚಿನ್ನದ ಪದಕ ದೊರಕಿದೆ.
ಕ್ರೀಡಾಕೂಟದ 14ನೇ ದಿನವಾದ ಸೆಪ್ಟೆಂಬರ್ 1 ರ ಶನಿವಾರದಂದು ಪುರುಷರ 49 ಕೆ.ಜಿ ವಿಭಾಗದಲ್ಲಿ ಅಮಿತ್ ಪಂಗಲ್ಅಮೋಘ ಪ್ರದರ್ಶನ ನೀಡುವ ಮೂಲಕ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದರು. 
ಫೈನಲ್ ಪಂದ್ಯದಲ್ಲಿ ಒಲಿಂಪಿಕ್ ಹಾಗೂ ಏಷ್ಯನ್ ಚಾಂಪಿಯನ್ ಹಸನ್‌ಬಾಯ್ ದುಶ್ಮಟೋವ್ ವಿರುದ್ಧ 3-2ರ ಅಂತರದಲ್ಲಿ ಗೆಲುವು ದಾಖಲಿಸಿದ 22ರ ಹರೆಯದ ಅಮಿತ್ ದೇಶದ ಕೀರ್ತಿ ಪತಾಕೆ ಹಾರಿಸಿದರು. 
ಭಾರತೀಯ ಸೇನೆಯ ಭಾಗವಾಗಿರುವ ಅಮಿತ್, ಈ ಮೂಲಕ ಏಷ್ಯನ್ ಗೇಮ್ಸ್‌ನಲ್ಲಿ ಇದುವರೆಗೆ ಚಿನ್ನ ಗೆದ್ದಿರುವ ಭಾರತದ ಎಂಟನೇ ಬಾಕ್ಸರ್ ಎಂಬ ಗೌರವಕ್ಕೆ ಪಾತ್ರವಾಗಿದ್ದಾರೆ. ಬಾಕ್ಸಿಂಗ್ ವಿಭಾಗದಲ್ಲಿ ವಿಕಾಸ್ ಕೃಷ್ಣನ್ ಭಾರತಕ್ಕೆ ಕೊನೆಯದಾಗಿ 2010ರಲ್ಲಿ ಚಿನ್ನ ಪದಕ ಗೆದ್ದಿದ್ದರು. ಈ ಮೊದಲು ಸೆಮಿಫೈನಲ್ ಆಡಲು ಅನರ್ಹಗೊಂಡಿರುವ ವಿಕಾಸ್ ಕೃಷ್ಣನ್ 75 ಕೆ.ಜಿ ವಿಭಾಗದಲ್ಲಿ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡಿದ್ದರು.