ಏಷ್ಯನ್ ಗೇಮ್ಸ್‌ಗೆ ಅದ್ಧೂರಿ ಚಾಲನೆ: ಗಮನ ಸೆಳೆದ ಭಾರತದ ಪಥ ಸಂಚಲನ

0
1025

ಪಾಲೆಂಬಾಂಗ್ (ಇಂಡೋನೇಷ್ಯಾ): ಇಂದಿನಿಂದ(ಆಗಸ್ಟ್ 18 ರಿಂದ) ಸೆಪ್ಟೆಂಬರ್ 2 ರವರೆಗೆ ನಡೆಯಲಿರುವ ಏಷ್ಯನ್ ಗೇಮ್ಸ್‌ಗೆ ಅಧಿಕೃತ ಚಾಲನೆ ಸಿಕ್ಕಿದೆ. ಇಂಡೋನೇಷ್ಯಾದ ಪಾಲೆಂಬಾಗ್‌ನಲ್ಲಿ ನಡೆದ ಅದ್ಧೂರಿ ಉದ್ಘಾಟನಾ ಸಮಾರಂಭದ ಮೂಲಕ ಪ್ರತಿಷ್ಠಿತ ಏಷ್ಯನ್ ಕ್ರೀಡಾಕೂಟ ಆರಂಭಗೊಂಡಿದೆ.

ಪಾಲೆಂಬಾಂಗ್(ಇಂಡೋನೇಷ್ಯಾ): ಇಂದಿನಿಂದ(ಆಗಸ್ಟ್ 18 ರಿಂದ) ಸೆಪ್ಟೆಂಬರ್ 2 ರವರೆಗೆ ನಡೆಯಲಿರುವ ಏಷ್ಯನ್ ಗೇಮ್ಸ್‌ಗೆ ಅಧಿಕೃತ ಚಾಲನೆ ಸಿಕ್ಕಿದೆ. 

ಇಂಡೋನೇಷ್ಯಾದ ಪಾಲೆಂಬಾಗ್‌ನಲ್ಲಿ ನಡೆದ ಅದ್ಧೂರಿ ಉದ್ಘಾಟನಾ ಸಮಾರಂಭದ ಮೂಲಕ ಪ್ರತಿಷ್ಠಿತ ಏಷ್ಯನ್ ಕ್ರೀಡಾಕೂಟ ಆರಂಭಗೊಂಡಿದೆ. 

ಭಾರತದ 569 ಆಟಗಾರರು ದೇಶದ ಧ್ವಜ ಹಿಡುದು ಪಥ ಸಂಚಲನದಲ್ಲಿ ಪಾಲ್ಗೊಳ್ಳುವ ಮೂಲಕ ಅಲ್ಲಿ ನೆರೆದವರ ಗಮನ ಸೆಳೆದರು. ಜಾವಲಿನ್ ಥ್ರೋ ಕ್ರೀಡಾಪಟು ನೀರಜ್ ಚೋಪ್ರಾ ಅವರು ಈ ತಂಡದ ನಾಯಕತ್ವ ವಹಿಸಿದ್ದರು. 

ಏಷ್ಯನ್ ಗೇಮ್ ಅಧಿಕೃತ ಚಾಲನೆ ಕಾರ್ಯಕ್ರಮಕ್ಕೆ ಇಡೋನೇಷ್ಯಾ ಅಧ್ಯಕ್ಷರು ಬೈಕ್ ಮೇಲೆ ಆಗಮಿಸುವ ಮೂಲಕ ಎಲ್ಲರನ್ನು ಆಕರ್ಷಿಸಿದರು. ಇದೇ ವೇಳೆ ‘18ನೇ ಏಷ್ಯನ್ ಕ್ರೀಡಾಕೂಟ ಆರಂಭವಾಗಲಿ ಎಂದು ಘೋಷಿಸಿದರು. 

ಒಟ್ಟು 45 ರಾಷ್ಟ್ರಗಳು ಅಥ್ಲೇಟ್ ಪರೇಡ್‌ನಲ್ಲಿ ಪಾಲ್ಗೊಂಡಿದ್ದವು. ಮೊದಲಿಗೆ ಅಫಘಾನಿಸ್ಥಾನ ಕ್ರೀಡಾಂಗಣ ಪ್ರವೇಶಿಸಿತು. 

ಏಷ್ಯನ್ ಗೇಮ್ಸ್‌ನ ಅಗ್ರ ಶ್ರೇಯಾಂಕದಲ್ಲಿರುವ ಚೀನಾ, ಈ ಭಾರಿಯೂ ಟಾಪ್‌ನಲ್ಲಿ ಮುಂದುವರಿಯುವ ವಿಶ್ವಾಸ ವ್ಯಕ್ತವಾಗುತ್ತಿದೆ.