“ಎಲ್‌ಐಸಿ”ಗೆ ಜನರಿಂದ ವರ್ಷಕ್ಕೆ 5,000 ಕೋಟಿ ರೂ. ಗಿಫ್ಟ್‌ !

0
599

ಭಾರತೀಯರು ವಿಮೆ ಪಾಲಿಸಿ ಖರೀದಿಸುವುದನ್ನು ಇಷ್ಟ ಪಡುತ್ತಾರೆ. ಭವಿಷ್ಯಕ್ಕೆ ಆಸರೆಯಾಗಲಿ ಎನ್ನುವ ಆಸೆಯಿಂದ ವಿಮೆಯ ಮೊದಲ ಪ್ರೀಮಿಯಂ ಅನ್ನು ಉತ್ಸಾಹದಿಂದ ಕಟ್ಟುವ ಶೇ.25ರಷ್ಟು ಮಂದಿ ಮಾರನೇ ವರ್ಷವೇ ಸುಮ್ಮನಾಗಿ ಬಿಡುತ್ತಾರೆ. ಹೀಗೆ ಪಾಲಿಸಿಗಳು ವ್ಯರ್ಥವಾಗುತ್ತವೆ. ಆದರೆ, ವಿಮೆ ಕಂಪನಿಗಳಿಗೆ ಸಾವಿರಾರು ಕೋಟಿ ರೂ. ಜಮೆಯಾಗಿ ಬಿಡುತ್ತದೆ!

ಹೊಸದಿಲ್ಲಿ : ಭಾರತೀಯರು ವಿಮೆ ಪಾಲಿಸಿ ಖರೀದಿಸುವುದನ್ನು ಇಷ್ಟ ಪಡುತ್ತಾರೆ. ಭವಿಷ್ಯಕ್ಕೆ ಆಸರೆಯಾಗಲಿ ಎನ್ನುವ ಆಸೆಯಿಂದ ವಿಮೆಯ ಮೊದಲ ಪ್ರೀಮಿಯಂ ಅನ್ನು ಉತ್ಸಾಹದಿಂದ ಕಟ್ಟುವ ಶೇ.25ರಷ್ಟು ಮಂದಿ ಮಾರನೇ ವರ್ಷವೇ ಸುಮ್ಮನಾಗಿ ಬಿಡುತ್ತಾರೆ. ಹೀಗೆ ಪಾಲಿಸಿಗಳು ವ್ಯರ್ಥವಾಗುತ್ತವೆ. ಆದರೆ, ವಿಮೆ ಕಂಪನಿಗಳಿಗೆ ಸಾವಿರಾರು ಕೋಟಿ ರೂ. ಜಮೆಯಾಗಿ ಬಿಡುತ್ತದೆ! 

ಎಲ್‌ಐಸಿ ಒಂದನ್ನೇ ಗಮನಿಸಿ. ಮೊದಲ ವರ್ಷದ ಬಳಿಕ ಅನೇಕರ ವಿಮೆ ಪಾಲಿಸಿಗಳು ರದ್ದಾಗುತ್ತಿವೆ. ಅಂದರೆ, ಪ್ರತಿ ವರ್ಷ 5000 ಕೋಟಿ ರೂ. ವಿಮೆ ಪಾಲಿಸಿಗಳು ಸರಿಯಾಗಿ ಪ್ರೀಮಿಯಂ ಪಾವತಿಸದಿರುವುದರಿಂದ ಲ್ಯಾಫ್ಸ್‌ ಆಗುತ್ತಿವೆ. 

2016-17ರಲ್ಲಿ ಎಲ್‌ಐಸಿ 22,178.15 ಕೋಟಿ ರೂ. ಮೌಲ್ಯದ ರೆಗ್ಯುಲರ್‌ ಪ್ರೀಮಿಯಂ ಪಾಲಿಸಿಗಳನ್ನು ಮಾರಾಟ ಮಾಡಿದೆ. ಇದು ಒಟ್ಟು ವಿಮೆ ಉದ್ಯಮದ ಶೇ.44ರಷ್ಟಿದೆ. ಆದರೆ, ಮಾರನೇ ವರ್ಷ ಇದರಲ್ಲಿ ಶೇ.25ರಷ್ಟು ಜನ ಪ್ರೀಮಿಯಂ ಕಟ್ಟಿಲ್ಲ. ಮೊದಲ ವರ್ಷದ ಬಳಿಕ ಪ್ರೀಮಿಯಂ ಪಾವತಿಸದೇ ಹೋದರೆ, ಪಾಲಿಸಿದಾರನು ತಾನು ಕಟ್ಟಿದ ಬಹುತೇಕ ಎಲ್ಲ ಮೊತ್ತವನ್ನೂ ಕಳೆದುಕೊಳ್ಳುತ್ತಾನೆ. ”ಗ್ರಾಹಕನಿಗೆ ನಷ್ಟ, ಕಂಪನಿಗೆ ಲಾಭದ ಪರಿಸ್ಥಿತಿ ಇದು,” ಎಂದು ವ್ಯಾಖ್ಯಾನಿಸಲಾಗಿದೆ.