ಎಟಿಎಂಗಳಲ್ಲಿ ಹೊಸ 100 ರೂ. ನೋಟು ಅಳವಡಿಕೆಗೆ 100 ಕೋಟಿ ರೂ. ಅಗತ್ಯ

0
17

ದೇಶದಲ್ಲಿ ಹೊಸ 100 ರೂ. ಮುಖಬೆಲೆಯ ನೋಟನ್ನು ಬಿಡುಗಡೆಗೊಳಿಸುವುದಾಗಿ ಆರ್‌ಬಿಐ ತಿಳಿಸಿದೆಯಷ್ಟೇ. ಆದರೆ ಎಟಿಎಂಗಳಲ್ಲಿ ಇದನ್ನು ಅಳವಡಿಸಲು ಬೇಕಾದ ತಾಂತ್ರಿಕ ವ್ಯವಸ್ಥೆಗೆ 100 ಕೋಟಿ ರೂ. ಅಗತ್ಯ ಇದೆ ಎಂದು ಎಟಿಎಂ ನಿರ್ವಾಹಕ ಕಂಪನಿಗಳು ತಿಳಿಸಿವೆ.

ಹೊಸದಿಲ್ಲಿ : ದೇಶದಲ್ಲಿ ಹೊಸ 100 ರೂ  ಮುಖಬೆಲೆಯ ನೋಟನ್ನು ಬಿಡುಗಡೆಗೊಳಿಸುವುದಾಗಿ ಆರ್‌ಬಿಐ ತಿಳಿಸಿದೆಯಷ್ಟೇ. ಆದರೆ ಎಟಿಎಂಗಳಲ್ಲಿ ಇದನ್ನು ಅಳವಡಿಸಲು ಬೇಕಾದ ತಾಂತ್ರಿಕ ವ್ಯವಸ್ಥೆಗೆ 100 ಕೋಟಿ ರೂ. ಅಗತ್ಯ ಇದೆ ಎಂದು ಎಟಿಎಂ ನಿರ್ವಾಹಕ ಕಂಪನಿಗಳು ತಿಳಿಸಿವೆ. 

ಭಾರತದಲ್ಲಿ 2.4 ಲಕ್ಷ ಎಟಿಎಂಗಳಿದ್ದು, ಹೊಸ 100 ರೂ. ನೋಟಿನ ವಿನ್ಯಾಸ, ಆಕಾರದಲ್ಲಿ ವ್ಯತ್ಯಾಸ ಇರುವುದರಿಂದ ಎಟಿಎಂಗಳಲ್ಲಿಯೂ ಸೂಕ್ತ ಮರು ವಿನ್ಯಾಸ ಮಾಡಬೇಕಾಗುತ್ತದೆ. ಇದಕ್ಕೆ 100 ಕೋಟಿ ರೂ. ಹೂಡಿಕೆಯ ಅಗತ್ಯ ಇದೆ ಎಂದು ಎಟಿಎಂ ಉದ್ಯಮ ವಲಯದ ಸಂಘಟನೆ ಕ್ಯಾಟ್ಮಿಯ ನಿರ್ದೇಶಕ ವಿ. ಬಾಲ ಸುಬ್ರಮಣಿಯನ್‌ ತಿಳಿಸಿದ್ದಾರೆ. 

ಹಳೆಯ 100 ರೂ. ನೋಟಿನ ಜತೆಗೆಯೇ ಹೊಸ ನೋಟುಗಳನ್ನು ಅಳವಡಿಸಬೇಕು. ಇದು ಸವಾಲಾಗಿ ಪರಿಣಮಿಸಿದೆ ಎಂದು ಹೇಳಿದ್ದಾರೆ. 200 ರೂ. ನೋಟುಗಳ ಅಳವಡಿಕೆಗೆ ಸಂಬಂಧಿಸಿ ಎಲ್ಲ ಎಟಿಎಂಗಳಲ್ಲೂ ಮರು ವಿನ್ಯಾಸ ಪೂರ್ಣವಾಗಿಲ್ಲ. ಹೀಗಾಗಿ ಹೊಸ 100 ರೂ. ಕುರಿತ ಮರು ವಿನ್ಯಾಸ ಪ್ರಕ್ರಿಯೆಗೆ ದೀರ್ಘ ಸಮಯ ಬೇಕಾದೀತು ಎಂದಿದ್ದಾರೆ.