ಆರ್ಥಿಕ ಅಪರಾಧಿಗಳ ವಿಧೇಯಕ ಅಂಗೀಕಾರ: ಆಸ್ತಿ ಜಪ್ತಿಗೆ ಲೋಕಸಭೆ ಅನುಮೋದನೆ

0
25

ಹಣಕಾಸಿಗೆ ಸಂಬಂಧಿಸಿದ ಅವ್ಯವಹಾರಗಳನ್ನು ಎಸಗಿ ದೇಶವನ್ನೇ ತೊರೆದು, ಇಲ್ಲಿನ ಕಾನೂನು ಕ್ರಮಗಳಿಂದ ನುಣುಚಿಕೊಳ್ಳಲು ಯತ್ನಿಸುವ ಆರೋಪಿಗಳನ್ನು ಗುರಿಯಾಗಿಟ್ಟುಕೊಂಡು ರೂಪಿಸಿರುವ ಆರ್ಥಿಕ ಅಪರಾಧಿಗಳ ವಿರುದ್ಧದ ವಿಧೇಯಕವನ್ನು ಲೋಕಸಭೆ ಅಂಗೀಕರಿಸಿದೆ.

ಹೊಸದಿಲ್ಲಿ : ಹಣಕಾಸಿಗೆ ಸಂಬಂಧಿಸಿದ ಅವ್ಯವಹಾರಗಳನ್ನು ಎಸಗಿ ದೇಶವನ್ನೇ ತೊರೆದು, ಇಲ್ಲಿನ ಕಾನೂನು ಕ್ರಮಗಳಿಂದ ನುಣುಚಿಕೊಳ್ಳಲು ಯತ್ನಿಸುವ ಆರೋಪಿಗಳನ್ನು ಗುರಿಯಾಗಿಟ್ಟುಕೊಂಡು ರೂಪಿಸಿರುವ ಆರ್ಥಿಕ ಅಪರಾಧಿಗಳ ವಿರುದ್ಧದ ವಿಧೇಯಕವನ್ನು ಲೋಕಸಭೆ ಅಂಗೀಕರಿಸಿದೆ. 

ಉದ್ಯಮಿ ವಿಜಯ್‌ ಮಲ್ಯ, ನೀರವ್‌ ಮೋದಿ ಮುಂತಾದವರು ಭಾರತಕ್ಕೆ ಹಣಕಾಸು ಅಪರಾಧಗಳಿಗೆ ಸಂಬಂಧಿಸಿ ಬೇಕಾಗಿದ್ದರೂ, ವಿದೇಶಗಳಿಗೆ ಪರಾರಿಯಾಗಿದ್ದಾರೆ. ಇದೀಗ ವಿಧೇಯಕ ಅಂಗೀಕಾರವಾಗಿರುವುದರಿಂದ ಇಂಥ ಆರೋಪಿಗಳ ವಿರುದ್ಧ ಕಾನೂನುಕ್ರಮ ಬಿಗಿಯಾಗಲಿದೆ. 

ಧ್ವನಿಮತದಿಂದ ಅಂಗೀಕಾರವಾದ ವಿಧೇಯಕದ ಬಗ್ಗೆ ಮಾತನಾಡಿದ ಉಸ್ತುವಾರಿ ಹಣಕಾಸು ಸಚಿವ ಪಿಯೂಶ್‌ ಗೋಯಲ್‌, ಸರಕಾರ ಕಾಳಧನಿಕರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳುತ್ತಿದೆ ಎಂಬುದಕ್ಕೆ ಇದು ನಿದರ್ಶನ ಎಂದರು.