ಆಧಾರ್‌ ಆಧಾರಿತ ಸೇವೆ ಸ್ಥಗಿತಗೊಳಿಸಿ: ಕಂಪನಿಗಳಿಗೆ ಸೂಚನೆ

0
355

ಖಾಸಗಿ ಕಂಪನಿಗಳು ಆಧಾರ್‌ ಮಾಹಿತಿ ಸಂಗ್ರಹಿಸುವಂತೆ ಇಲ್ಲ ಎಂದು ಸುಪ್ರೀಂಕೋರ್ಟ್‌ ಇತ್ತೀಚೆಗೆ ತೀರ್ಪು ಕೊಟ್ಟ ಬಳಿಕ, ಪೇಮೆಂಟ್‌ ಕಂಪನಿಗಳಿಗೆ ಈ ಸೂಚನೆ ನೀಡಲಾಗಿದೆ

ಬೆಂಗಳೂರು : ವಿಶಿಷ್ಟ ಗುರುತಿನ ಚೀಟಿ ಪ್ರಾಧಿಕಾರವು ಹಲವಾರು ಡಿಜಿಟಲ್‌ ಪೇಮೆಂಟ್‌ ಕಂಪನಿಗಳಿಗೆ ಆಧಾರ್‌ ಆಧಾರಿತ ಸೇವೆಗಳನ್ನು ಸ್ಥಗಿತಗೊಳಿಸುವಂತೆ ಸೂಚಿಸಿದೆ. 

ಖಾಸಗಿ ಕಂಪನಿಗಳು ಆಧಾರ್‌ ಮಾಹಿತಿ ಸಂಗ್ರಹಿಸುವಂತೆ ಇಲ್ಲ ಎಂದು ಸುಪ್ರೀಂಕೋರ್ಟ್‌ ಇತ್ತೀಚೆಗೆ ತೀರ್ಪು ಕೊಟ್ಟ ನಂತರ, ಪ್ರಾಧಿಕಾರವು ಹೊರಡಿಸಿದ ಮಹತ್ವದ ಸೂಚನೆ ಇದಾಗಿದೆ. 

ವಿಶಿಷ್ಟ ಗುರುತಿನ ಚೀಟಿ ಪ್ರಾಧಿಕಾರವು 102 ಕೋಟಿಗೂ ಅಧಿಕ ಭಾರತೀಯರ ಆಧಾರ್‌ ಮಾಹಿತಿಯನ್ನು ನಿರ್ವಹಿಸುತ್ತಿದ್ದು,  ಆಧಾರ್ ಸಿಸ್ಟಮ್‌ನಿಂದ ಹೊರ ಬಂದಿರುವ ಬಗ್ಗೆ ದೃಢೀಕರಣ ನೀಡಲು ಪೇಮೆಂಟ್‌ ಕಂಪನಿಗಳಿಗೆ ನಿರ್ದೇಶಿಸಿದೆ. ಪೇಪಾಯಿಂಟ್‌, ಎಕೊ ಫೈನಾನ್ಷಿಯಲ್‌  ಸರ್ವಿಸ್ ಮತ್ತು ಆಕ್ಸಿಜನ್‌ ಸರ್ವಿಸ್ ಮುಂತಾದ ಪೇಮೆಂಟ್‌ ಕಂಪನಿಗಳು ಯುಐಡಿಎಐನಿಂದ ನೋಟಿಸ್‌ಗಳನ್ನು ಸ್ವೀಕರಿಸಿವೆ. ಆಧಾರ್‌ ಎಕೊ ಸಿಸ್ಟಮ್‌ನಿಂದ ನಿರ್ಗಮಿಸಲು ತೆಗೆದುಕೊಂಡಿರುವ ಕ್ರಮಗಳ ಬಗ್ಗೆ ವಿವರಣೆ ನೀಡಲು ಈ ಕಂಪನಿಗಳಿಗೆ ನಿರ್ದೇಶಿಸಲಾಗಿದೆ. ಬ್ಯಾಂಕೇತರ ಹಣಕಾಸು ಸಂಸ್ಥೆಗಳಿಗೆ ಸದ್ಯಕ್ಕೆ ಇಂಥ ನೋಟಿಸ್‌ ರವಾನೆಯಾಗಿದೆ. ಬ್ಯಾಂಕಿಂಗ್‌ ಪರವಾನಗಿ ಹೊಂದಿರುವ ಪೇಟಿಎಂಗೆ ನೋಟಿಸ್‌ ಬಂದಿಲ್ಲ ಎಂದು ಮೂಲಗಳು ತಿಳಿಸಿವೆ.