ಅಂತಾರಾಷ್ಟ್ರೀಯ ಮಾದಕ ವಸ್ತು ನಿಯಂತ್ರಣ ಮಂಡಳಿ(ಐ.ಎನ್.ಸಿ.ಬಿ)ಗೆ ಭಾರತದ “ಜಗಜಿತ್‌ ಪವಾಡಿಯಾ” ಮರು ಆಯ್ಕೆ

0
10

ಅಂತಾರಾಷ್ಟ್ರೀಯ ಮಾದಕ ವಸ್ತುಗಳ ನಿಯಂತ್ರಣ ಮಂಡಳಿ-ಐಎನ್‌ಸಿಬಿಗೆ ವಿಶ್ವಸಂಸ್ಥೆಯ ಆರ್ಥಿಕ ಮತ್ತು ಸಾಮಾಜಿಕ ಮಂಡಳಿಯಿಂದ ಅತ್ಯಧಿಕ ಮತಗಳಿಂದ ಭಾರತದ ಜಗಜಿತ್ ಪವಾಡಿಯಾ ಮರು ಆಯ್ಕೆಯಾಗಿದ್ದಾರೆ.

ನ್ಯೂಯಾರ್ಕ್‌: ಅಂತಾರಾಷ್ಟ್ರೀಯ ಮಾದಕ ವಸ್ತುಗಳ ನಿಯಂತ್ರಣ ಮಂಡಳಿ-(ಐಎನ್‌ಸಿಬಿ)ಗೆ ಸದಸ್ಯರಾಗಿ ವಿಶ್ವಸಂಸ್ಥೆಯ ಆರ್ಥಿಕ ಮತ್ತು ಸಾಮಾಜಿಕ ಮಂಡಳಿಯಿಂದ ಅತ್ಯಧಿಕ ಮತಗಳಿಂದ ಭಾರತದ ಮಹಿಳೆಯಾದ ಜಗಜಿತ್ ಪವಾಡಿಯಾ ಮರು ಆಯ್ಕೆಯಾಗಿದ್ದಾರೆ. 

ಚೀನಾದ ಅಭ್ಯರ್ಥಿ ಹಾವೊ ವೀ ಪರಾಭವಗೊಂಡಿದ್ದಾರೆ. ನಡೆದ ಮೊದಲ ಸುತ್ತಿನ ಮತದಾನದಲ್ಲಿ ಪವಾಡಿಯಾ ಅವರಿಗೆ 44 ಮತಗಳು ಲಭಿಸಿದವು. ಪವಾಡಿಯಾ ಅವರು ಭಾರತೀಯ ಮಾದಕ ವಸ್ತು ನಿಯಂತ್ರಣ ಮಂಡಳಿಯ ಮಾಜಿ ಆಯುಕ್ತರಾಗಿದ್ದು, ಭಾರತೀಯ ಕಂದಾಯ ಸೇವೆಯ ಸದಸ್ಯರೂ ಹೌದು. 

ಕಳೆದ 2014ರಲ್ಲಿ ಕೂಡ ಅವರು ಮೊದಲ ಬಾರಿಗೆ ಐಎನ್‌ಸಿಬಿಗೆ ಆಯ್ಕೆಯಾಗಿದ್ದರು. ಮುಂದಿನ ಐದು ವರ್ಷ ಅಧಿಕಾರ ನಡೆಸಲಿದ್ದಾರೆ. 

2015ರಿಂದ ಮಂಡಳಿಯ ಸದಸ್ಯರಾಗಿರುವ ಜಗ್‌ಜೀತ್‌ ಈ ಬಾರಿ ಚುನಾವಣೆಯಲ್ಲಿ ಅತಿಹೆಚ್ಚು ಮತಗಳನ್ನು ಗಳಿಸಿದ್ದಾರೆ. ಒಟ್ಟು ಐದು ಸದಸ್ಯರ ಆಯ್ಕೆಗೆ ವಿಶ್ವಸಂಸ್ಥೆ  ಆರ್ಥಿಕ ಮತ್ತು ಸಾಮಾಜಿಕ ಆಯೋಗ ಗೌಪ್ಯ ಬ್ಯಾಲೆಟ್‌ ಚುನಾವಣೆ ನಡೆಸಿತ್ತು. 

54 ಸದಸ್ಯರು ಮತ ಚಲಾಯಿಸಿದರು. ಗೆಲುವಿಗೆ 28 ಮತಗಳ ಅವಶ್ಯಕತೆ ಇತ್ತು. ಪವಾಡಿಯಾಗೆ 44 ಮತಗಳು ಸಿಕ್ಕಿವೆ ಎಂದು ವಿಶ್ವಸಂಸ್ಥೆಯಲ್ಲಿ ಭಾರತದ ಕಾಯಂ ಪ್ರತಿನಿಧಿಯಾಗಿರುವ ಸಯ್ಯದ್‌ ಅಕ್ಬರುದ್ದೀನ್‌ ಟ್ವೀಟ್‌ ಮಾಡಿ ತಿಳಿಸಿದ್ದಾರೆ. 

ಸದ್ಯ ಮಂಡಳಿಯಲ್ಲಿರುವ ಪವಾಡಿಯಾ ಅವರ ಸದಸ್ಯತ್ವ ಅವಧಿ 2020ರವರೆಗೆ ಇದೆ. ಪುನರ್‌ ಆಯ್ಕೆ ಆಗಿರುವುದರಿಂದ 2025ರ ಮಾ.1ರವರೆಗೆ ಅವರು ಮಂಡಳಿಯಲ್ಲಿ ಇರಲಿದ್ದಾರೆ. ಸದಸ್ಯಯೆಯಾಗಿ ನನಗೆ ನೀಡಲಾಗುವ ಎಲ್ಲ ಜವಾಬ್ದಾರಿಗಳನ್ನು ನಿಷ್ಪಕ್ಷಷಪಾತವಾಗಿ ನಿರ್ವಹಿಸುವೆ. ನನ್ನ ಮೇಲೆ ವಿಶ್ವಾಸ ಇರಿಸಿದ ಮಂಡಳಿ ಸದಸ್ಯರಿಗೆ ಧನ್ಯವಾದ ಎಂದು ವಿಡಿಯೋ ಸಂದೇಶದಲ್ಲಿ ಪವಾಡಿಯಾ ತಿಳಿಸಿದ್ದಾರೆ.