బిమ్స్‌టెక్ అధినేతలతో ప్రధాని మోదీ భేటీ

    0
    7

    తన ప్రమాణస్వీకారానికి హాజరైన బిమ్స్‌టెక్(బంగ్లాదేశ్, మయన్మార్, శ్రీలంక, థాయ్‌లాండ్, నేపాల్, భూటాన్) దేశాల అధినేతలతో ప్రధాని నరేంద్ర మోదీ మే 31న ఢిల్లీలో వేర్వేరుగా భేటీ అయ్యారు.

     

    తొలుత శ్రీలంక అధ్యక్షుడు మైత్రిపాల సిరిసేనతో సమావేశమైన మోదీ, ఉగ్రవాదం, తీవ్రవాదం ప్రపంచదేశాలకు పెనుసవాలుగా మారాయని అభిప్రాయపడ్డారు. దక్షిణాసియా భద్రత, శాంతి, సుస్థిరతల కోసం ఇరుదేశాలు కలసికట్టుగా పనిచేయాలని నిర్ణయించారు.

    అనంతరం మారిషస్ ప్రధాని ప్రవింద్ జుగ్నౌత్, నేపాల్ ప్రధాని కేపీ శర్మ ఓలీ, భూటాన్ ప్రధాని లోతెయ్ శెరింగ్, బంగ్లాదేశ్ అధ్యక్షుడు అబ్దుల్ హామీద్‌లతో వేర్వేరుగా సమావేశమైన మోదీ, అన్నిరంగాల్లో ద్వైపాక్షిక సంబంధాలను మరింత పటిష్టం చేసుకోవాలని నిర్ణయించారు.

    బిమ్స్‌టెక్‌

    దీనిని 1997లో ఏర్పాటు చేసారు.

    ఈ సంస్థలో భారత్ తో పాటుగా మరో ఆరు సభ్యదేశాలు  ఉన్నవి.

    అవి: బంగ్లాదేశ్, మయన్మార్, శ్రీలంక, థాయ్‌లాండ్, నేపాల్, భూటాన్.