मलेशियात महाथिर ९२ व्या वर्षी पुन्हा पंतप्रधान

0
10

मलेशियाच्या राजकीय वर्तुळात गुरुवारी झालेल्या धक्कादायक घटनांनंतर ९२ वर्षीय माजी हुकूमशहा महाथिर महंमद यांनी पुन्हा त्या देशाच्या पंतप्रधानपदी शपथ घेतली. ९२ व्या वर्षी पंतप्रधान झालेले महंमद हे आता जगातील सर्वांत वयोवृद्ध राष्ट्रप्रमुख ठरले आहेत.

महाथिर यांना राष्ट्रीय राजप्रासादात राजांनी पदाची शपथ दिली. पारंपरिक मुस्लिम मलाय वेषभूषेत महाथिर शपथ घेत असताना देशातील रस्त्यांवर त्यांचे समर्थक जल्लोष करीत होते. महाथिर यांच्या पक्षाने सार्वत्रिक निवडणुकीत आश्चर्यकारक विजय मिळवल्यानंतर काही तासांतच सत्तेची सूत्रे हाती घेण्याची घोषणा महाथिर यांनी भरगच्च पत्रकार परिषदेत केली होती. दरम्यान, पराभूत पंतप्रधान आणि महाथिर यांचे एकेकाळचे सहकारी असलेल्या ६४ वर्षीय नजीब रझाक यांनी जनतेचा कौल स्वीकारल्याची प्रतिक्रिया व्यक्त केली आहे.