भारताचे नवनियुक्त सरन्यायाधीश – रंजन गोगाई

0
443

ज्येष्ठ न्यायाधीश रंजन गोगोई यांनी सर्वोच्च न्यायालयाचे ४६ वे सरन्यायाधीश म्हणून शपथ घेतली. राष्ट्रपती भवनात राष्ट्रपती रामनाथ कोविंद यांनी त्यांना पद आणि गोपनीयतेची शपथ दिली. सर्वोच्च न्यायालयाचे सरन्यायाधीश बनणारे ते पूर्वेकडील राज्यातील पहिले न्यायाधीश आहेत. त्यांचे वडील आसामचे मुख्यमंत्री होते.

उच्च न्यायालयातील २१ वर्षाच्या सेवेनंतर माजी सरन्यायाधीश दीपक मिश्रा निवृत्त झाले आहेत.त्यातील १४ वर्ष त्यांनी देशातील विविध कोर्टात न्यायाधीश म्हणून काम पाहिलं आहे. तर नवे सरन्यायाधीश रंजन गोगोई हे २८ फेब्रुवारी २००१ रोजी गुवाहाटी उच्च न्यायालयाचे न्यायाधीश बनले होते. २३ एप्रिल २०१२ रोजी त्यांनी सर्वोच्च न्यायालयातील न्यायाधीश म्हणून शपथ घेतली होती. 

उच्च न्यायालय आणि सर्वोच्च न्यायालयात अनेक वर्ष न्यायाधीश म्हणून काम केल्यानंतरही त्यांनी संपत्ती संचय केला नाही. ज्येष्ठ वकिलांच्या तुलनेत त्यांची संपत्ती नगण्य आहे. त्यांचं जीवनभराचं बँक बॅलन्स आणि इतर संपत्तीची बेरीज केली तरी ज्येष्ठ वकिलांच्या एका दिवसाच्या कमाई पेक्षा गोगोईंची संपत्ती कमीच भरेल एवढी आहे.