पीव्ही सिंधूने पहिला BWF वर्ल्ड टूर फाइनल जिंकून इतिहास रचला

0
418

ओलंपिक रौप्य पदक विजेता पी. व्ही. सिंधू हिने BWF वर्ल्ड टूर फाइनल जिंकणारी पहिली भारतीय खेळाडू बनून 16 डिसेंबर 2018 रोजी इतिहास घडवला.

सिंधूने 2017 ची विश्वविजेता नोजोमी ओकुहारावर 21-19, 21-17 असा सरळ सेटमध्ये विजय मिळवून प्रतिष्ठित सुवर्ण पदक मिळविले. दोन्ही गेममध्ये सिंधूने वेगवान सुरुवात केली. या सामन्यात सिंधूने आपले वर्चस्व टिकवून ठेवण्यासाठी महत्त्वपूर्ण लढाऊ गुण मिळविले. 23 वर्षीय सिंधूने 15 डिसेंबरला थायलंडच्या रॅथेनोक इंटॅननला 21-16, 25-23 ने उपांत्य फेरीत पराभूत केले होते.

ठळक वैशिष्ट्ये

• या विजयामुळे, सिंधूने आपले 14 वे पदक जिंकले आणि यावर्षीचे हे तिचे पहिलेच पदक होते.
• 2018 मध्ये विश्व चॅम्पियनशिप, आशियाई गेम्स, कॉमनवेल्थ गेम्स, थायलंड ओपन व इंडिया ओपन यासह अनेक चॅम्पियनशिपमध्ये सिंधूने सुवर्ण गमावले होते आणि रौप्यपदक वर समाधान करावे लागले होते.
• ही सिंधूची सरळ तिसरी सीझन-समाप्तीची अंतिम फेरी आहे. 2017 मध्ये तिने जपानच्या अकॅन यामागुचीसमोर सामना हरल्यावर रौप्य पदकात संतोष करावा लागला होता.
• एक तास आणि दोन मिनिटांच्या कालावधीच्या या सामन्यात सुवर्णपदक जिंकून सिंधु पहिली भारतीय खेळाडू ठरली आहे.
• सायना नेहवाल 2011 वर्ल्ड सुपर सिरीज फाइनलच्या अंतिम फेरीत पोहचली होती, तर 2009 मध्ये ज्वाला गुट्टा आणि व्ही डिजू हे रनर-अप बनले होते.

पीव्ही सिंधू

• 2016 च्या रिओ ऑलिंपिकमध्ये रौप्य पदक जिंकणारी पीव्ही सिंधू पहिली भारतीय महिला बनली होती. ऑलिम्पिक मध्ये सायना नेहवालने 2012 मध्ये कांस्य पदक जिंकल्यानंतर सिंधू चे पदक हे भारतासाठी दुसरे बॅडमिंटन पदक होते.
• सायना नेहवालने सिंधूचा पराभव केल्यानंतर कॉमनवेल्थ गेम्स 2018 मधील महिला एकेरीत सिंधूने रौप्यपदक मिळवले होते.
• 2017 आणि 2018 BWF वर्ल्ड चॅम्पियनशिप मध्ये तिने रौप्य पदक जिंकले होते.
• इंडोनेशियामधील आशियाई गेम्स 2018 मध्ये ती रौप्य पदक जिंकली होती.
• सिंधू वयाच्या 17 व्या वर्षी सप्टेंबर 2012 मध्ये BWF वर्ल्ड रँकिंगमध्ये शीर्ष 20 खेळाडूंमध्ये प्रवेश केल्यानंतर आंतरराष्ट्रीय पातळीवर प्रख्यात झाली होती.
• 2013 मध्ये ती बॅडमिंटन वर्ल्ड चॅम्पियनशिपमध्ये पदक जिंकणारी पहिली भारतीय महिला एकल खेळाडू ठरली.
• मार्च 2015 मध्ये सिंधूला भारताच्या चौथ्या सर्वोच्च नागरिक प्रतिष्ठेचा ‘पद्मश्री’ पुरस्कार देण्यात आला.