आशिया पॅसिफिक शिखर संमेलन 2018 काठमांडूमध्ये सुरू

0
237

आशिया पॅसिफिक शिखर संमेलन 2018 नेपाळच्या काठमांडू येथे 1 डिसेंबर 2018 रोजी सुरु झाले. ही शिखर बैठक 3 डिसेंबर 2018 पर्यंत सुरू राहील.

• दक्षिण कोरिया स्थित युनिव्हर्सल पीस फेडरेशन आणि नेपाळ सरकारद्वारे समर्थित शिखर परिषदेत भारत, कंबोडिया, म्यानमार, मलेशिया, पाकिस्तान आणि फिलिपिन्ससह आशिया-पॅसिफिक क्षेत्रातील देशांनी यात भाग घेतला आहे.
• 45 देशांतील सुमारे 1500 सहभागी या शिखर संमेलनात उपस्थित राहणार आहेत. शांतता, विकास, सुशासन आणि संसद, हवामान बदल आणि प्रसारमाध्यमांच्या भूमिकेसह ते विविध जागतिक समस्यांवर चर्चा करतील.
• या संमेलनात उपस्थित असणाऱ्यांपैकी भारतीय जनता पार्टीचे ज्येष्ठ नेते विजय जॉली, माजी भारतीय पंतप्रधान एच.डी. देवे गौडा, म्यानमार सल्लागार ऑंग सान सू ची, माजी पाकिस्तानी पंतप्रधान सैयद युसुफ रजा गिलानी, नौरुचे राष्ट्रपती बेरॉन वका, फिलिपिन्सच्या उपराष्ट्रपती मारिया लिनोर जी रॉब्रेडो, सामोआचे राज्याध्यक्ष वॅलेटो स्यूलाउवी II तूमुलालिआफानो आणि टूवालुचे गव्हर्नर जनरल इयाकोबा तैयआइतालली हे प्रमुख लोक आहेत.
• नेपाळच्या पंतप्रधान के. पी. शर्मा ओली यांनी उद्घाटन भाषणाने ही शिखर बैठक सुरू केली आणि सरकार, खाजगी क्षेत्र आणि विविध सामाजिक गटांमधील सक्रिय भागीदारीची मागणी केली.
• माजी भारतीय पंतप्रधान एच.डी. देवेगौडा यांनी भारताचे प्रतिनिधित्व करतांना दहशतवाद आणि हवामानातील बदल हे मुद्दे जगाचे सर्वात मोठे आव्हान म्हणून संबोधित केले.
• म्यानमार राज्य सल्लागार, ऑंग सान सू ची यांनी दहशतवाद, उपासमार, स्थलांतर आणि विस्थापन, गरिबी, भेदभाव आणि अन्याय यांचा सामना करण्यासाठी सामूहिक प्रयत्नांची गरज यावर भर दिला.
• 30-31, ऑगस्ट 2018 रोजी चौथ्या BIMSTEC परिषदेनंतर नेपाळमध्ये हे पहिले विस्तारित आंतरराष्ट्रीय शिखर सम्मेलन आहे.

आशिया पॅसिफिक समिट 2018 ची थीम

• दोन दिवसीय शिखर परिषदेची थीम “आपल्या काळातील गंभीर आव्हानांना संबोधित करणे: परस्पर निर्भरता, परस्पर समृद्धी आणि सार्वभौम मूल्ये” आहे.
• Theme : “Addressing the Critical Challenges of Our Time: Interdependence,
Mutual Prosperity, and Universal Values”